Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ກວຕ ຫວນຄືນວັນສຳຄັນຕ່າງໆຂອງຊາດ

ກວຕ ຫວນຄືນວັນສຳຄັນຕ່າງໆຂອງຊາດ

altພະນັກງານ-ລັດຖະກອນ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ເຂົ້າຮ່ວມຟັງການປາຖະກະຖາ ຊຶ່ງ

ໄດ້ຮັບກຽດບັນຍາຍໂດຍ ທ່ານ ຫຸມພັນ ອິນທະຣາດ, ຄະນະພັກກະຊວງ, ຮອງລັດຖະມົນຕີ ກວຕ.

ເອກະສານທີ່ນຳມາເຜີຍແຜ່ໃນຄັ້ງນີ້ ປະກອບດ້ວຍ ວັນສ້າງຕັ້ງອາຊຽນຄົບຮອບ 50 ປີ(8/8/1967-8/8/2017), ວັນລັດຖະທຳມະນູນ ແຫ່ງ ສປປ ລາວ ຄົບຮອບ 25 ປີ (15/8/1991-15/8/2017) ແລະ ຫວນຄືນ ມູນເຊື້ອວັນຢຶດອຳນາດ 23 ສິງຫາ ຄົບຮອບ 42 ປີ (23/8/1975-23/8/2017).

ກ່ຽວກັບວັນຢຶດອໍານາດ 23 ສິງຫາ 1975, ທ່ານ ຮອງລັດຖະມົນຕີ ໄດ້ຍົກໃຫ້ເຫັນປະຫວັດຄວາມ ເປັນມາ ແລະ ຄວາມໝາຍຄວາມສຳຄັນຂອງວັນດັ່ງກ່າວຊຶ່ງພາຍໃຕ້ການນຳພາຂອງພັກປະຊາຊົນປະຕິວັດລາວ ໂດຍປະສານສົມທົບຊ່ວຍຊູຈາກຂະບວນການຕໍ່ສູ້ຂອງປວງຊົນລາວທັງຊາດ ໃນທົ່ວປະເທດ ແລະ ຄວາມເປັນ ນຳໜຶ່ງໃຈດຽວກັນຂອງກອງທັບ ແລະ ປະຊາຊົນລາວບັນດາເຜົ່າ ຖືໄດ້ວ່າເປັນໄຊຊະນະຂອງຄວາມສາມັກຄີ ຮ່ວມສຳພັນສູ້ຮົບ ລະຫວ່າງ ປະຊາຊົນລາວ, ປະຊາຊົນຫວຽດນາມ ແລະ ກຳປູເຈຍ ທີ່ໄດ້ຄຽງບ່າຄຽງໄຫຼ່ກັນ ຕ້ານສັດຕູຮຸກຮານຕົວດຽວກັນ ຕະຫຼອດໄລຍະການປະຕິ ວັດປົດປ່ອຍຊາດໃນເມື່ອກ່ອນ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນປັດຈຸບັນ.

ການຈັດພິທີປາຖະກະຖາຄັ້ງນີ້ ກໍເພື່ອໃຫ້ພະນັກງານ-ລັດຖະກອນ ພາຍໃນ ກວຕ ເວົ້າລວມ ແລະ ຄົນຮຸ່ນໃໝ່ ເວົ້າສະເພາະ ໄດ້ສຶກສາຄວາມໝາຍ, ຄວາມ ສຳຄັນຂອງວັນສຳຄັນຕ່າງໆຂອງຊາດ, ປຸກລະດົມໃຫ້ແຕ່ລະຄົນ ມີຈິດໃຈຫ້າວຫັນເພື່ອປະກອບສ່ວນເຂົ້າໃນຂະບວນການເຄື່ອນໄຫວຕ່າງໆ, ໂດຍສະເພາະ ການຈັດຕັ້ງ ແລະ ຜັນຂະຫຍາຍ ມະຕິ X ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫຍ່ຄັ້ງທີ I ສະມາຊິກພັກຂອງອົງຄະນະພັກ ກວຕ ໃຫ້ປະກົດຜົນເປັນຈິງ.

ພະນັກງານ-ລັດຖະກອນ ກວຕ ຮ້ອຍກວ່າຄົນ ເຂົ້າຮ່ວມຟັງການປາຖະກະຖາຄັ້ງນີ້.

ບົດຂ່າວ: ບຸນທັນ ນັນທະວົງ

ຮູບພາບ: ນາງ ພິພາວັນ ໄຊສົງຄາມ

altalt