ຂໍ້ຕົກລົງ           ວ່າາດ້ວຍການຈັດຕັ້ງແລະການເຄື່ອນໄຫວຂອງ ສະຖາບັນຄຸ້ມຄອງວິທະຍາສາດ ແລະ ເຕັກໂນໂລຊີ

ຄວາມເປັນມາຂອງ ສະຖາບັນວິທະຍາສາດ ແລະ ເຕັກໂນໂລຊີ

ໂຄງປະກອບການຈັດຕັ້ງ

                   ຄະນະບໍລິຫານ

ໂຄງປະກອບກົງຈັກ

ການຄຸ້ມຄອງວິທະຍາສາດ ແລະ ເຕັກໂນໂລຊີ ມີໂຄງປະກອບກົງຈັກ ດັ່ງນີ້:

             5.1.  ພະແນກ ສັງລວມ;

             5.2. ພະແນກ ພົວພັນຮ່ວມມື;

             5.3. ພະແນກ ຝຶກອົບຮົມ;

             5.4. ພະແນກ ວິຊາການ;

             5.5. ສູນຂໍ້ມູນຂ່າວສານ ແລະ ຫໍສະໝຸດ;

ໂຄງຮ່າງການຈັດຕັ້ງ

ທີ່ຕັ້ງ ແລະ ພາລະບົດບາດ

ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ຂຽນຕົວອັກສອນຫຍໍ້ວ່າ “ສຄວຕ” ສັງກັດໃນໂຄງປະກອບກົງຈັກການຈັດຕັ້ງ ຂອງກະຊວງວິທະຍາສາດ ແລະ ເຕັກໂນໂລຊີ ມີພາລະບົດບາດເປັນເສນາທິການໃຫ້ແກ່ຄະນະພັກ, ຄະນະນໍາກະຊວງ ໃນການສ້າງຍຸດທະສາດ, ນະໂຍບາຍ, ນິຕິກຳຕ່າງໆຂອງວຽກງານວິທະຍາສາດ ແລະ ເຕັກໂນໂລຊີ ແລະ ຈັດຕັ້ງປະຕິບັດ ວຽກງານພັດທະນາບຸກຄະລາກອນ ພັດທະນາຫຼັກສູດ, ສື່ການຮຽນ-ການສອນ, ວິທີການສິດສອນ, ການບໍລິການຂໍ້ມູນຂ່າວສານ ແລະ ຫໍສະໝຸດ ວິທະຍາສາດ ແລະ ເຕັກໂນໂລຊີ.

ໜ້າທີ່

ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ມີໜ້າທີ່ດັ່ງລຸ່ມນີ້:

1.ປະຕິບັດມະຕິຕົກລົງ ຂອງຄະນະພັກ, ຄະນະນຳ ກະຊວງ ແລະ ນິຕິກຳຕ່າງໆ ຂອງກະຊວງ;

2. ຄົ້ນຄວ້າ, ສ້າງ ແລະ ຈັດຕັ້ງຜັນຂະຫຍາຍນະໂຍບາຍ, ຍຸດທະສາດ, ແຜນການ, ແຜນງານ, ໂຄງການ ຂະແໜງວິທະຍາສາດ ແລະ ເຕັກໂນໂລຊີ ໃຫ້ເປັນແຜນວຽກລະອຽດຂອງສະຖາບັນ;

3.ຄົ້ນຄວ້າ, ຊຸກຍູ້, ສົ່ງເສີມ, ບໍາລຸງ-ກໍ່ສ້າງ ແລະ ຍົກລະດັບພະນັກງານ, ນັກຄົ້ນຄວ້າ ແລະ ນັກວິຊາການສະເພາະດ້ານໃຫ້ມີຄວາມຮູ້ຄວາມສາມາດ ເພື່ອຮອງຮັບການເຄື່ອນໄຫວວຽກງານວິ ທະຍາສາດ ແລະ ເຕັກໂນໂລຊີ ໃຫ້ມີປະສິດທິພາບສູງຂື້ນ;

4. ສ້າງແຜນການ, ແຜນງານ, ໂຄງການ ກ່ຽວກັບການບຳລຸງ-ກໍ່ສ້າງ, ຍົກລະດັບບຸກຄະລາກອນທີ່ກ່ຽວຂ້ອງກັບວຽກງານທະຍາສາດ ແລະ ເຕັກໂນໂລຊີ;

5.ຄົ້ນຄວ້າ, ສ້າງພັດທະນາຫຼັກສູດ, ສື່ການຮຽນ - ການສອນ, ວິທີການສິດສອນ, ຕໍາລາຝຶກອົບຮົມ ການຈັດພິມບັນດາປຶ້ມ, ເອກະສານວິຊາການ ແລະ ຮວບຮວມຜົນຂອງການສຶກສາຄົ້ນຄວ້າ;

6.ສ້າງລະບົບເຕັກນິກ ອຸປະກອນສື່ການຮຽນ-ການສອນ ທີ່ທັນສະໄໝ ເພື່ອຮັບໃຊ້ວຽກງານ ບຳລຸງ-ກໍ່ສ້າງ ແລະ ຝຶກອົບຮົມ;

7. ຈັດຕັ້ງການຝືກອົບຮົມວຽກງານການຄຸ້ມຄອງວິທະຍາສາດ ແລະ ເຕັກໂນໂລຊີ, ທິດສະດີການເມືອງ-ການປົກຄອງ, ວຽກງານລະບົບຂໍ້ມູນຂ່າວສານ-ເຕັກໂນໂລຊີ ແລະ ພາສາຕ່າງປະເທດ ໃຫ້ພະນັກ ງານ-ລັດຖະກອນ ແລະ ນິຕິບຸກຄົນຕ່າງໆ.;

8.ຈັດກອງປະຊຸມ, ສໍາມະນາ, ຮ່ວມທຸລະກິດກັບບັນດາອົງການຕ່າງໆ ແລະ ນິຕິບຸກຄົນທັງພາຍໃນ ແລະ ຕ່າງປະເທດ;

9.ຊຸກຍູ້ ແລະ ສົ່ງເສີມສະຕິປັນຍາ-ຫົວຄິດປະດິດສ້າງ ຂອງບຸກຄົນ ແລະ ນິຕິບຸກຄົນໃນທົ່ວສັງຄົມ ດ້ວຍລະບົບເຄື່ອຂ່າຍຝຶກອົບຮົມທີ່ທັນສະໄໝ;

10.ຄົ້ນຄວ້າ ແລະ ສ້າງກົນໄກ ການສ້າງລາຍຮັບວິຊາການ ແລະ ຄຸ້ມຄອງລາຍຮັບ - ລາຍຈ່າຍ ຂອງສະຖາບັນ ໃຫ້ມີຄວາມໂປ່ງໃສ ແລະ ສາມາດກວດສອບໄດ້ ຕາມລະບຽບການເງິນ;

11. ຄຸ້ມຄອງ, ອຸປະກອນເຕັກນິກ ແລະ ພາຫະນະຊັບສິນ, ສ້າງ, ບໍລິການເອກະສານ, ຂໍ້ມູນຂ່າວສານ ທາງດ້ານວິທະຍາສາດ ແລະ ເຕັກໂນໂລຊີ;

12. ຄຸ້ມຄອງ, ນໍາໃຊ້ ແລະ ບໍລິການ ສູນຂໍ້ມູນຂ່າວສານ ແລະ ຫໍສະໝຸດທາງດ້ານວິທະຍາສາດ ແລະ ເຕັກໂນໂລຊີ;

13.ຄຸ້ມຄອງນັກສຳມະນາກອນ, ນັກວິທະຍາກອນ, ອາສາສະໝັກທັງພາຍໃນ ແລະ ຕ່າງປະເທດ ຕາມລະບຽບການ ກຳນົດໄວ້;

14.ຄົ້ນຄວ້າ ແລະ ປະກອບຄວາມເຫັນທາງດ້ານວິຊາການບັນທຶກການພົບປະ,ເຈລະຈາ, ເຊັນສັນຍາ, ບັນທຶກຊ່ວຍຈໍາ ແລະ ເອກະສານຕ່າງໆ ຕາມພາລະບົດບາດຂອງສະຖາບັນ;

15.ປະຕິບັດໜ້າທີ່ອື່ນໆ ຕາມການມອບໝາຍ ຂອງຄະນະນໍາກະຊວງ.

ຂອບເຂດສິດ

ສະຖາບັນຄຸ້ມຄອງວິທະຍາສາດ ແລະ ເຕັກໂນໂລຊີ ມີສິດດັ່ງລຸ່ມນີ້:

1. ຊີ້ນຳການເຄື່ອນໄຫວວຽກງານຂອງບັນດາພະແນກ, ສູນ ໃຫ້ມີຜົນສໍາເລັດ;

2. ຄົ້ນຄວ້ານໍາສະເໜີ ສ້າງຕັ້ງ, ປັບປຸງ ການຈັດຕັ້ງຂອງຕົນ, ກໍານົດຕໍາແໜ່ງງານ, ການບັນຈຸ, ຊັບຊ້ອນ ແລະ ຈັດວາງບຸກຄະລະກອນ ຂອງສະຖາບັນ;

3. ຄົ້ນຄວ້ານໍາສະເໜີແຕ່ງຕັ້ງ, ເລື່ອນຊັ້ນ, ເລື່ອນຂັ້ນ, ປະຕິບັດນະໂຍບາຍ, ຍ້ອງຍໍ ແລະ ປະຕິບັດວິໄນຕໍ່ພະນັກງານ-ລັດຖະກອນຂອງສະຖາບັນ;

4. ອອກຂໍ້ຕົກລົງ, ລະບຽບ, ບົດແນະນໍາ, ແຈ້ງການ, ໃບສະເໜີ, ໃບນຳສົ່ງ, ໃບຢັ້ງຢືນວິຊາການ ກ່ຽວກັບການບຳລຸງ - ກໍ່ສ້າງ ແລະ ຝືກອົບຮົມຕາມພາລະບົດບາດຂອງສະຖາບັນ ແລະ ຕາມ ການມອບໝາຍ ຂອງຄະນະນຳກະຊວງ;

5. ຄົ້ນຄວ້າ, ນໍາສະເໜີ ແຕ່ງຕັ້ງ ຄະນະກໍາມະການວິຊາການ ຕາມວຽກງານຕົວຈິງ;

6. ຮຽກໂຮມ, ຈັດກອງປະຊຸມ, ສຳມະນາ ແລະ ເຂົ້າຮ່ວມ ປະກອບຄໍາເຫັນໃນກອງປະຊຸມຢູ່ພາຍໃນ ແລະ ຕ່າງປະເທດ ທີ່ພົວພັນກັບວຽກງານຂອງສະຖາບັນ;

7. ຄຸ້ມຄອງ, ນຳໃຊ້ງົບປະມານ, ວັດຖຸອຸປະກອນ ແລະ ພາຫະນະ ຂອງສະຖາບັນ ຕາມລະບຽບຫລັກການ;

8. ໃຫ້ຄໍາປຶກສາ, ຄໍາແນະນຳ, ບໍລິການວິຊາການ, ຊຸກຍູ້ ແລະ ສົ່ງເສີມວຽກງານວິທະຍາສາດ ແລະ ເຕັກໂນໂລຊີ;

9. ກວດກາ, ຕິດຕາມ, ປະເມີນຜົນ, ພ້ອມທັງວິເຄາະຈຸດພົ້ນເດັ່ນ, ຂໍ້ຄົງຄ້າງໃນການຈັດຕັ້ງປະຕິບັດແຜນການເຄື່ອນໄຫວ ແລະ ສະຫຼຸບລາຍງານຄະນະນໍາກະຊວງ;

10. ພົວພັນຮ່ວມມື, ພົບປະເຈລະຈາ ແລະ ປະສານງານ, ກັບບັນດາກົມ, ອົງການທຽບເທົ່າກົມ,ສະຖາບັນ, ສູນ, ອົງການຈັດຕັ້ງສາກົນ ແລະ ອົງການຈັດຕັ້ງຕ່າງໆ ພາກລັດ ແລະ ພາກເອກະຊົນ ທັງພາຍໃນ ແລະ ຕ່າງປະເທດ;

11. ປະຕິບັດສິດອື່ນໆ ຕາມການມອບໜາຍ ຂອງຄະນະນໍາກະຊວງ.

ແບບແຜນວິທີເຮັດວຽກ

ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ເຄື່ອນໄຫວ ແລະ ດໍາເນີນງານຕາມຫຼັກການລວມດັ່ງນີ້:

1. ເຮັດວຽກແບບມີແຜນການ,ແຜນງານ ແລະ ໂຄງການລະອຽດ ແກ້ໄຂວຽກງານຢ່າງມີຈຸດສຸມແລະມີເປົ້າໝາຍໃນແຕ່ລະໄລຍະ, ປະສານສົມທົບຢ່າງແໜ້ນແຟ້ນ ກັບທຸກພາກສ່ວນທີ່ກ່ຽວຂ້ອງ;

2. ເຮັດວຽກມີການກວດກາ, ຕິດຕາມຊຸກຍູ້, ສະຫຼຸບຖອດຖອນບົດຮຽນ ແລະ ຕີລາຄາຜົນໄດ້ຜົນເສຍ ພ້ອມທັງປະຕິບັດການລາຍງານສ່ອງແສງຢ່າງເຂັ້ມງວດ;

3. ການເຄື່ອນໄຫວຂອງກົມຖືເອົາແນວທາງນະໂຍບາຍ, ແຜນຍຸດທະສາດ, ແຜນພັດທະນາໃນແຕ່ລະໄລຍະຂອງລັດຖະບານກໍ່ຄືຂອງກະຊວງກ່ຽວກັບວຽກງານຄຸ້ມຄອງວິທະຍາສາດ ແລະ ເຕັກໂນໂລຊີ ເປັນທິດທາງ;

4. ປະຕິບັດລະບອບປະຊຸມ ແລະ ສ່ອງແສງຂອງກົມ ປະຈຳອາທິດ, 3 ເດືອນ, 6 ເດືອນ, ປີ ໂດຍມີການເຂົ້າຮ່ວມຂອງຄະນະພະແນກ ຫຼື ທັງໝົດກົມເພື່ອສະຫຼຸບຕີລາຄາ ແລະ ກຳນົດການ ເຄື່ອນໄຫວໃນຕໍ່ໜ້າໃນແຕ່ລະໄລຍະ ແລ້ວສັງລວມລາຍງານໃຫ້ກະຊວງຢ່າງເປັນປົກກະຕິ;

5. ໃນການເຄື່ອນໄຫວວຽກງານຕ້ອງຖືເອົາການຫັນລົງຮາກຖານຕິດພັນກັບວຽກງານຕົວຈິງເພື່ອປັບປຸງວຽກງານຂອງຄຸ້ມຄອງວິທະຍາສາດ ແລະ ເຕັກໂນໂລຊີ ໃຫ້ເຂັ້ມແຂງແລະປອດໃສ.

ວຽກງານບໍລິການ
ຕິດຕໍ່ສອບຖາມ