ຂໍ້ຕົກລົງ ວ່າາດ້ວຍການຈັດຕັ້ງ ແລະ ການເຄື່ອນໄຫວຂອງ ຫ້ອງການ

ຄວາມເປັນມາຂອງ ຫ້ອງການ 

ໂຄງປະກອບການຈັດຕັ້ງ

                   ຄະນະບໍລິຫານ

ໂຄງປະກອບການຈັດຕັ້ງ:

     ຫ້ອງການ ກະຊວງວິທະຍາສາດ ແລະເຕັກໂນໂລຊີ ປະກອບດ້ວຍບັນດາ 5 ພະແນກການ ດັ່ງນີ້:

                           1. ພະແນກ ສັງລວມ ແລະ ເລຂານຸການ

                           2. ພະແນກ ການເງິນ

                           3. ພະແນກ ບໍລິຫານ ແລະ ຄຸ້ມຄອງຊັບສິນ

                           4. ພະແນກ ພິທີການ

                           5. ພະແນກຂ່າວສານ ແລະ ປະຊາສຳພັນ

                           6. ພະແນກ ສົ່ງເສີມຄວາມກ້າວໜ້າຂອງແມ່ຍິງ ແລະ ແມ່-ເດັກ

                           7. ຄະນະ ຄົ້ນຄວ້າຊ່ວຍວຽກການນຳ

                ໂຄງຮ່າງການຈັດຕັ້ງ

ທີ່ຕັ້ງ ແລະ ພາລະບົດບາດ:

ຫ້ອງການ ກະຊວງວິທະຍາສາດ ແລະ ເຕັກໂນໂລຊີ ຂຽນເປັນຕົວອັກສອນຫຍໍ້ວ່າ “ຫກ” ສັງກັດໃນໂຄງປະກອບກົງຈັກການຈັດຕັ້ງ ຂອງກະຊວງວິທະຍາສາດ ແລະ ເຕັກໂນໂລຊີ, ມີພາລະບົດບາດ ເປັນເສນາທິການ ໃຫ້ແກ່ຄະນະພັກ, ຄະນະນຳກະຊວງ ໃນການຄຸ້ມຄອງ, ບໍລິຫານ ແລະ ບໍລິການ, ເປັນໃຈກາງພົວພັນປະສານງານ ກັບບັນດາກົມ, ສະຖາບັນ, ຫ້ອງການ ພາຍໃນກະຊວງ ແລະ ການຈັດຕັ້ງລັດຂັ້ນຕ່າງໆ ຢູ່ສູນກາງ ແລະ ທ້ອງຖິ່ນ ກ່ຽວກັບວຽກງານຄົ້ນຄວ້າສັງລວມ, ການເງິນ-ງົບປະ ມານ, ຄຸ້ມຄອງບໍລິຫານ, ບໍລິການ ພິທີການ, ປະຊາສຳພັນ ແລະ ວຽກງານສົ່ງເສີມຄວາມກ້າວໜ້າແມ່ຍິງ ແລະ ແມ່-ເດັກ ໃນຂອບເຂດທົ່ວປະເທດ ກ່ຽວກັບວຽກງານ ທີ່ກະຊວງ ວິທະຍາສາດ ແລະ ເຕັກໂນໂລຊີ ຮັບຜິດຊອບ.

ໜ້າທີ່:

1. ປະຕິບັດມະຕິການຕົກລົງ ຂອງຄະນະພັກ, ຄະນະນຳ ກະຊວງ ແລະ ນິຕິກຳຕ່າງໆ ຂອງກະຊວງ;

2. ສຶກສາ, ຄົ້ນຄວ້າຜັນຂະຫຍາຍແນວທາງ, ແຜນນະໂຍບາຍຂອງພັກ ແລະ ລັດຖະບານ, ແຜນການ,ແຜນງານຂອງກະຊວງ ໃຫ້ກາຍເປັນອັນລະອຽດຂອງຫ້ອງການ ແລະ ຮັບຜິດຊອບໃນການຈັດຕັ້ງປະຕິບັດດ້ວຍຜົນສຳເລັດ;

3. ເກັບກຳ, ສັງລວມ ແລະ ສະຫຼຸບລາຍງານສະພາບການພົ້ນເດັ່ນ, ຫາງສຽງຂອງສັງຄົມທີ່ມີຕໍ່ຂະແໜງວິທະຍາສາດ ແລະ ເຕັກໂນໂລຊີ ແລະ ແຜນວຽກຈຸດສຸມ ຂອງ ກະຊວງ ປະຈໍາເດືອນ, 3 ເດືອນ, 6 ເດືອນຕົ້ນປີ ແລະ ທ້າຍປີ ແລະ ປະຈຳປີ;

4. ຄຸ້ມຄອງ, ຕິດຕາມກວດກາການນຳໃຊ້ໄຟຟ້າ, ນ້ຳປະປາ, ໂທລະສັບ ແລະ ການຮັກສາຄວາມປອດໄພຂອງຕຶກອາຄານ, ສະຖານທີ່ຂອງ ກະຊວງວິທະຍາສາດ ແລະ ເຕັກ ໂນໂລຊີ;

5. ສ້າງຂໍ້ກຳນົດລະບຽບການພາຍໃນ ກ່ຽວກັບກົນໄກການປະສານງານ, ການຄຸ້ມຄອງ, ການບໍລິຫານ, ບໍລິ ການ, ພິທີການ, ປະຊາສຳພັນ, ຈັດຊື້-ຈັດຈ້າງ, ຄຸ້ມຄອງຊັບ ສົມບັດ ຂອງກະຊວງ, ຄຸ້ມຄອງຫໍພັກ, ຄຸ້ມຄອງການເງິນ ໃຫ້ຖືກຕ້ອງ ແລະ ມີຄວາມສອດຄ່ອງກັບກົດໝາຍ, ລະບຽບການວາງອອກ ເພື່ອສະເໜີລັດຖະມົນຕີ ພິຈາລ ະນາປະກາດໃຊ້;

6. ສ້າງແຜນເຄື່ອນໄຫວວຽກງານຂອງກະຊວງ, ລັດຖະມົນຕີ ແລະ ບັນດາຮອງລັດຖະມົນຕີ ໃນແຕ່ໄລຍະ ຕິດຕາມບັນດາກົມ, ສະຖາບັນ ແລະ ຫ້ອງການສະພາວິທະຍາ ສາດແຫ່ງຊາດ ແລະ ບັນດາພະແນກວິທະຍາສາດ ແລະ ເຕັກໂນໂລຊີແຂວງ, ນະຄອນ ໃນການຈັດຕັ້ງປະຕິບັດແຜນການເຄື່ອນໄຫວໃນແຕ່ລະໄລຍະ;

7. ກະກຽມເນື້ອໃນ ແລະ ລະບຽບວາລະກອງປະຊຸມສ່ອງແສງພາຍໃນກະຊວງ, ກອງປະຊຸມຂອງລັດຖະມົນຕີ ແລະ ການພົບປະເຮັດວຽກກັບແຂກພາຍໃນ ແລະ ຕ່າງປະເທດ. ສ້າງບົດບັນທຶກກອງປະຊຸມ, ອອກແຈ້ງການ ຫຼື ຮ່າງມະຕິກ່ຽວກັບຜົນຂອງກອງປະຊຸມແຕ່ລະຄັ້ງ;

8. ຕິດຕາມ, ກວດກາການຈັດຕັ້ງປະຕິບັດ ມະຕິ, ດຳລັດ, ຄຳສັ່ງ, ແຈ້ງການ ແລະ ຄຳເຫັນຊີ້ນຳຂອງຄະນະພັກ, ຄະນະນຳກະຊວງ ພ້ອມທັງລາຍງານໃຫ້ລັດຖະມົນຕີ, ຢ່າງເປັນປະຈຳ ກ່ຽວກັບສະພາບການຈັດຕັ້ງປະຕິບັດ ມະຕິ, ດຳລັດ, ຄຳສັ່ງ, ແຈ້ງການ ແລະ ຄຳເຫັນຊີ້ນຳ ຕ່າງໆ ໃນແຕ່ໄລຍະ;

9. ຄົ້ນຄວ້າກະກຽມ ແລະ ຮຽບຮຽງເອກະສານຕ່າງໆ, ກວດຜ່ານບົດລາຍງານ ແລະ ນິຕິກຳຕ່າງໆ ທີ່ຈະສະເໜີ, ລາຍງານ, ຂໍຄວາມເຫັນຊີ້ນຳ, ຂໍການຕົກລົງ ແລະ ລາຍເຊັນ ຈາກລັດຖະມົນຕີ ຫຼື ຮອງລັດຖະມົນຕີ;

10. ສະໜອງຂໍ້ມູນຂ່າວອັນຈຳເປັນໃຫ້ແກ່ລັດຖະມົນຕີ, ຮອງລັດຖະມົນຕີ ເພື່ອຮັບໃຊ້ການບໍລິຫານວຽກງານຂອງກະຊວງ, ປະຕິບັດໜ້າທີ່ເປັນໂຄສົກກະຊວງ ເພື່ອໂຄ ສະນາປະຊາສຳພັນ ແລະ ສະໜອງຂໍ້ມູນໃຫ້ສັງຄົມໄດ້ຮັບຮູ້ ແລະ ເຂົ້າໃຈ ກ່ຽວກັບພາລະບົດບາດ, ໜ້າທີ່, ຂອບເຂດສິດ ແລະ ການເຄື່ອນໄຫວວຽກງານ ຂອງກະຊວງ, ຄະນະ ນຳກະຊວງ ແລະ ການຈັດຕັ້ງເຄື່ອນໄຫວວຽກງານຂະແໜງວິທະຍາສາດ ແລະ ເຕັກໂນໂລຊີ;

11. ອອກແຈ້ງການ, ໜັງສືທາງລັດຖະການ, ບັດເຊີນ ໄປຍັງຂະແໜງການ, ທ້ອງຖິ່ນ ແລະ ພາກສ່ວນຕ່າງໆ ທີ່ກ່ຽວຂ້ອງເພື່ອແຈ້ງໃຫ້ຊາບ ຫຼື ຈັດຕັ້ງປະຕິບັດ ກ່ຽວກັບ ການ ຕົກລົງ ຫຼື ຄຳເຫັນຊີ້ນຳ ຂອງລັດຖະ ມົນຕີ, ຮອງລັດຖະມົນຕີ ແລະ ຂອງບັນດາກົມ, ສະຖາບັນ ກ່ຽວກັບ ບັນຫາສຳຄັນໃດໜຶ່ງ, ຊຸກຍູ້, ຕິດ ຕາມ, ສັງລວມ ແລະ ລາຍງານຕໍ່ລັດຖະມົນຕີ ແລະ ຮອງລັດຖະມົນຕີ ກ່ຽວກັບສະພາບການຈັດຕັ້ງປະຕິບັດ;

12. ຄຸ້ມຄອງເອກະສານທາງລັດຖະການ, ຂາເຂົ້າ-ຂາອອກກະຊວງ ແລະ ການຈໍລະຈອນເອກະສານ ຢູ່ພາຍໃນກະຊວງ ໃຫ້ເປັນລະບົບ, ວ່ອງໄວ, ຖືກຕ້ອງ ແລະ ຊັດ ເຈນ ໃນດ້ານຮູບແບບ, ດ້ານນິຕິໄນ ແລະ ຮັກສາໄດ້ອັນເປັນຄວາມລັບ;

13. ປະສານສົມທົບກັນບັນດາກົມ, ສະຖາບັນ, ຫ້ອງການ ພາຍໃນກະຊວງ ແລະ ບັນດາກະຊວງ, ອົງການທຽບເທົ່າກະຊວງ ແລະ ພາກສ່ວນອື່ນໆ ທີ່ກ່ຽວຂ້ອງຢູ່ສູນກາງ ແລະ ທ້ອງຖິ່ນ ເພື່ອຈັດຕັ້ງປະຕິບັດແຜນການເຄື່ອນໄຫວຂອງກະຊວງ ຫຼື ເພື່ອດຳເນີນກອງປະຊຸມປຶກສາຫາລືແກ້ໄຂບັນຫາຕ່າງໆ ຕາມການມອບໝາຍ ຂອງຄະນະນຳ ກະຊວງ;

14. ຄົ້ນຄວ້າສ້າງແຜນ ແລະ ຈັດສັນງົບປະມານການເງິນ ສຳລັບການເຄື່ອນໄຫວຂອງກະຊວງ, ລັດຖະມົນຕີ ແລະ ຮອງລັດຖະມົນຕີ, ຕິດຕາມກວດກາ ແລະ ຄຸ້ມຄອງ ວຽກງານການເງິນຂອງກະຊວງໃຫ້ຮັດກຸມ ແລະ ຖືກຕ້ອງຕາມລະບຽບການຂອງກະຊວງການເງິນວາງອອກ, ສ້າງແຜນຈັດຊື້ພາຫະນະ, ອຸປະກອນຮັບໃຊ້ທີ່ ຈຳເປັນໃຫ້ ແກ່ກະຊວງ, ລັດຖະມົນຕີ ແລະ ຮອງລັດຖະມົນຕີ;

15. ຄຸ້ມຄອງ, ປົກປັກຮັກສາ, ບູລະນະສ້ອມແປງ ຊັບສິນຂອງກະຊວງ ເປັນຕົ້ນ ຕຶກອາຄານ, ສະຖານທີ່ ວັດຖຸອຸປະກອນຮັບໃຊ້ຫ້ອງການ, ພາຫະນະ ແລະ ອື່ນໆ ໃຫ້ຢູ່ໃນ ສະພາບດີ ແລະ ພ້ອມໃຊ້ງານ;

16. ບໍລິການຮັບໃຊ້ດ້ານບໍລິຫານ, ພິທີການ ແລະ ງົບປະມານ ໃນການຮັບແຂກພາຍໃນ ແລະ ຕ່າງປະເທດການຈັດກອງປະຊຸມ ທີ່ລັດຖະມົນຕີ ຫຼື ຮອງລັດຖະມົນຕີ ເປັນ ປະທານ;

17. ຊຸກຍູ້, ສົ່ງເສີມ ຄວາມກ້າວໜ້າຂອງແມ່ຍິງ ແລະ ແມ່-ເດັກ, ເຊື່ອມໂຍງບົດບາດຍິງ-ຊາຍ ກັບບັນດາຂະແໜງການ, ອົງການຈັດຕັ້ງມະຫາຊົນ ແລະ ພາກສ່ວນຕ່າງໆ ໃນຂົງ ເຂດວິທະຍາສາດ ແລະ ເຕັກໂນໂລຊີ;

18. ຈັດຕັ້ງປະຕິບັດວຽກງານປ້ອງກັນເວນຍາມສຳນັກງານ, ຮັກສາຄວາມສະອາດ, ຄວາມສະຫງົບ ແລະ ຄວາມປອດໄພໃຫ້ແກ່ກະຊວງ, ລັດຖະມົນຕີ ແລະ ຮອງລັດຖະ ມົນຕີ;

19. ຕິດຕາມ, ເບີ່ງແຍງ, ດູແລສຸຂະພາບ, ຊີວິດການເປັນຢູ່ຂອງລັດຖະມົນຕີ, ຮອງລັດຖະມົນຕີ, ພະນັກ ງານນຳພາ-ຄຸ້ມຄອງ ແລະ ພະນັກງານ-ລັດຖະກອນ ຕາມລະ ບຽບການວາງອອກ;

20. ປະຕິບັດໜ້າທີ່ອື່ນໆຕາມການມອບໝາຍ ຂອງຄະນະນຳກະຊວງ.

ຂອບເຂດສິດ:

1. ຈັດຕັ້ງຜັນຂະຫຍາຍແນວທາງ, ແຜນນະໂຍບາຍຂອງພັກ ແລະ ລັດຖະບານ, ແຜນການ, ແຜນງານຂອງກະຊວງໃຫ້ກາຍເປັນແຜນວຽກລະອຽດ ແລະ ໂຄງການສະ ເພາະຫ້ອງການ;

2. ເຂົ້າຮ່ວມກອງປະຊຸມສ່ອງແສງປະຈຳເດືອນຂອງລັດຖະບານ, ກະຊວງ, ກອງປະຊຸມອື່ນໆ ຢູ່ພາຍໃນປະເທດ ແລະ ຕ່າງປະເທດ ທີ່ລັດຖະມົນຕີ ຫຼື ຮອງລັດຖະມົນຕີ ເຂົ້າຮ່ວມເປັນປະທານ ຫຼື ມີຄຳເຫັນ ໃຫ້ຄຳປືກສາ, ສະເໜີຄວາມຄິດເຫັນແກ່ລັດຖະມົນຕີ ແລະ ຮອງລັດຖະມົນຕີ ກ່ຽວກັບບັນຫາຕ່າງໆ ທີ່ເຫັນວ່າສົມຄວນ ແລະ ຈຳເປັນ;

3. ຈັດຕັ້ງກອງປະຊຸມ ຫຼື ເຂົ້າຮ່ວມກອງປະຊຸມພົບປະລະຫວ່າງ ກະຊວງກັບບັນດາກະຊວງ, ຂະແໜງ ອົງການປົກຄອງທ້ອງຖິ່ນ, ອົງການຈັດຕັ້ງສັງຄົມ-ວິຊາຊີບ ແລະ ພາກທຸລະກິດ ຕາມໜ້າທີ່ຄວາມຮັບຜິດຊອບ ແລະ ຕາມຄວາມຮຽກຮ້ອງຕ້ອງການຂອງວຽກງານ;

4. ອອກແຈ້ງການ, ໜັງສືທາງລັດຖະການ, ບັດເຊີນ ໃຫ້ບັນດາກົມ, ສະຖາບັນ ແລະ ຮຽກເຊີນບັນດາສະຖາບັນ, ຫ້ອງການພາຍໃນກະຊວງ ແລະ ບັນດາພະແນກ ວິທະຍາ ສາດ ແລະ ເຕັກໂນໂລຊີ ແຂວງນະຄອນ ລາຍງານສະພາບການເຄື່ອນໄຫວຂົງເຂດວຽກງານວິທະຍາສາດ ແລະ ເຕັກໂນໂລຊີ ຮຽກເຊີນພະນັກງານ ຫຼື ບຸກຄົນທີ່ກ່ຽວຂ້ອງ ມາປຶກສາແລກປ່ຽນຄວາມເຫັນກ່ຽວກັບວຽກງານຕ່າງໆທີ່ຂື້ນກັບຄວາມຮັບຜິດຊອບຂອງຕົນ;

5. ຈັດຕັ້ງ ແລະ ເຂົ້າຮ່ວມພິທີຕ້ອນຮັບ-ສົ່ງຄະນະຜູ້ແທນ, ບຸກຄົນສຳຄັນທີ່ເປັນແຂກຂອງກະຊວງ ຫຼື ລັດຖະມົນຕີ, ຮອງລັດຖະມົນຕີ ທີ່ມາເຮັດວຽກ, ມາຢ້ຽມຢາມ;

6. ສະເໜີແຕ່ງຕັ້ງ, ຍົກຍ້າຍ, ຍ້ອງຍໍ, ປະຕິບັດນະໂຍບາຍ ຫຼື ລົງວິໄນຕໍ່ພະນັກງານ-ລັດຖະກອນ ທີ່ສັງກັດຫ້ອງການກະຊວງ. ຊັບຊ້ອນພະນັກງານທີ່ມາບຳລຸງ-ກໍ່ສ້າງ ກ່ຽວກັບວຽງານວິທະຍາສາດ ແລະ ເຕັກໂນໂລຊີ ເຂົ້ານອນຫໍພັກ ຕາມລະບຽບການ. ແຕ່ງຕັ້ງ, ຊັບຊ້ອນ ແລະ ມອບໝາຍໃຫ້ພະນັກງານ-ລັດຖະກອນໄປເຮັດວຽກ ນຳບັນດາ ກະຊວງ, ອົງການພັກ-ລັດ ແລະ ອົງການປົກຄອງທ້ອງຖິ່ນ ຫຼື ໄປຢ້ຽມຍາມ ທັດສະນະສຶກສາ, ຝຶກອົບຮົມ ຢູ່ພາຍໃນ ແລະ ຕ່າງປະເທດ;

7. ເບີກຈ່າຍເງິນເດືອນ, ງົບປະມານ, ປະກອບພາຫະນະ ແລະ ອຸປະກອນຮັບໃຊ້ ຕາມຕຳແໜ່ງງານ, ໂຄງການ ແລະ ວຽກງານວິຊາສະເພາະ; ຈັດຕັ້ງການປະມູນຈັດຊື້ -ຈັດຈ້າງ, ການກໍ່ສ້າງ-ສ້ອມແປງ, ບຳລຸງຮັກສາ, ປະດັບປະດາສຳນັກງານຫ້ອງການ, ພາຫະນະ ແລະ ອຸປະກອນຮັບໃຊ້ຕ່າງໆ, ພ້ອມທັງຄຸ້ມຄອງ, ຕິດຕາມ, ກວດກາ ການເກັບລາຍຮັບ-ລາຍຈ່າຍ ຂອງບັນດາກົມ, ສະຖາບັນ ແລະ ຫ້ອງການສະພາວິທະຍາສາດແຫ່ງຊາດ ຕາມລະບຽບການກະຊວງການເງິນວາງອອກ;

8. ພົວພັນຮ່ວມມື ແລະ ເຊັນບົດບັນທຶກຮ່ວມມື ກັບບັນດາອົງການຈັດຕັ້ງລັດ, ເອກະຊົນ, ອົງການຈັດຕັ້ງສາກົນ ພາຍໃນ ແລະ ຕ່າງປະເທດ ຕາມສິດ, ໜ້າທີ່ ແລະ ການມອບໝາຍຂອງລັດຖະມົນຕີ;

9. ປະຕິບັດສິດອື່ນໆ ຕາມການມອບໝາຍ ຂອງຄະນະນຳກະຊວງ.

ແບບແຜນວິທີເຮັດວຽກ:

1. ເຮັດວຽກມີແຜນການ, ແຜນງານ ແລະ ໜ້າວຽກລະອຽດ, ແກ້ໄຂວຽກງານຢ່າງມີຈຸດສຸມ ແລະ ມີເປົ້າໝາຍໃນແຕ່ ລະໄລຍະ;

2. ປະຕິບັດລະບອບປະຊຸມ ແລະ ສ່ອງແສງປະຈຳອາທິດ, ປະຈຳເດືອນ, 3 ເດືອນ, 6 ເດືອນ ແລະ ປະຈຳປີເພື່ອ ກວດກາວຽກງານຄືນ ແລ້ວລາຍງານໃຫ້ ລັດຖະມົນຕີ ຢ່າງເປັນປົກກະຕິ;

3. ປະສານສົມທົບຢ່າງແໜ້ນແຟ້ນກັບຂະແໜງການພາຍໃນກະຊວງ ແລະ ພະແນກການຢູ່ທ້ອງຖິ່ນ ເພື່ອຮັບປະກັນໃຫ້ ແກ່ການເຄື່ອນໄຫວວຽກງານຂອງຫ້ອງການ ໃຫ້ໄດ້ ຮັບຜົນດີ;

4. ເຮັດວຽກມີການຊຸກຍູ້, ຕິດຕາມກວດກາ, ສະຫຼຸບຖອດຖອນບົດຮຽນ ແລະ ຕີລາຄາຜົນໄດ້ ຜົນເສຍພ້ອມທັງປະຕິ ບັດລະບອບລາຍງານຂໍຄຳເຫັນລັດຖະມົນຕີ ເປັນລະບົບ;

5. ເຄື່ອນໄຫວວຽກງານ ໂດຍຖືເອົາການລົງຮາກຖານຕິດພັນກັບວຽກງານຕົວຈິງ ເພື່ອປັບປຸງວຽກງານຫ້ອງການໃຫ້ ເຂັ້ມແຂງ, ຮອບດ້ານ ແລະ ປອດໃສ.

       ວຽກງາຍບໍລິການ ຕິດຕໍ່ສອບຖາມ

       ກະຊວງວິທະຍາສາດ ແລະ ເຕັກໂນໂລຊີ
                ຫ້ອງການ ມີທີ່ຕັ້ງຢູ່ຊັ້ນ IV, ອາຄານ 4  ຊັ້ນ ຂອງກະຊວງ ວິທະຍາສາດ ແລະ ເຕັກໂນໂລຊີ

                ຖະໜົນ ສີດຳດວນ
                ບ້ານ ສີດຳດວນ, ເມືອງ ຈັນທະບູລີ, ແຂວງ ນະຄອນຫຼວງວຽງຈັນ
                ໂທ: (+85621) 213470
                ແຟັກ: (+85621) 213472
                ຕູ້ ປ.ນ: 2279
                ອີເມວ:
                ເວັບໄຊ: http://www.most.gov.la

                                                                                                                                                    ເບິ່ງແຜນທີ່

ໂຄງການ ຕ່າງໆຂອງ ຫ້ອງການ