Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ກອງປະຊຸມ-ສຳມະນາ ກອງປະຊຸມກ່ຽວກັບການສ້າງເຄື່ອງໝາຍລວມໝູ່ ໃຫ້ ແກ່ຜູ້ປະກອບການ ຢູ່ ແຂວງ ຈໍາປາສັກ

ກອງປະຊຸມກ່ຽວກັບການສ້າງເຄື່ອງໝາຍລວມໝູ່ ໃຫ້ ແກ່ຜູ້ປະກອບການ ຢູ່ ແຂວງ ຈໍາປາສັກ

altກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ຮ່ວມກັບ ພະແນກ ວິທະຍາສາດ ແລະ

ເຕັກໂນໂລຊີ ແຂວງຈຳປາສັກ ຈັດກອງປະຊຸມ ກ່ຽວກັບ ການສ້າງເຄື່ອງໝາຍລວມໝູ່ ໃຫ້ແກ່ຜູ້ປະກອບການ ພາຍໃຕ້ໂຄງການສ້າງຄວາມເຂັ້ມແຂງດ້ານວຽກງານຊັບສິນທາງປັນຍາ ໃຫ້ຂະແໜງການທ້ອງຖິ່ນ ແລະ ຜູ້ປະກອບ ການ. ກອງປະຊຸມດັ່ງກ່າວ ໄດ້ຈັດຂຶ້ນໃນຕອນເຊົ້າຂອງວັນທີ 25 ທັນວາ 2018, ທີ່ສະໂມສອນ ແຂວງຈຳປາສັກ ໂດຍພາຍໃຕ້ເປັນປະທານຂອງທ່ານ ຫຸມພັນ ອິນທະຣາດ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ).

ຈຸດປະສົງຂອງກອງປະຊຸມຄັ້ງນີ້, ແມ່ນເພື່ອຄົ້ນຄວ້າ ແລະ ຮັບຮອງລະບຽບການນຳໃຊ້ເຄື່ອງໝາຍລວມ ໝູ່ຂອງໂຄງການສ້າງຄວາມເຂັ້ມແຂງວຽກງານຊັບສິນທາງປັນຍາ ໃຫ້ຂະແໜງການທ້ອງຖິ່ນ ແລະ ຜູ້ປະກອບການ ແລະ ການສ້າງເຄື່ອງໝາຍລວມໝູ່.

ທ່ານ ຫຸມພັນ ອິນທະຣາດ ໄດ້ມີຄໍາເຫັນໃນໂອກາດກ່າວເປີດກອງປະຊຸມຄັ້ງນີ້ວ່າ: ວຽກງານວິທະຍາ ສາດ ແລະ ເຕັກໂນໂລຊີແມ່ນວຽກງານໜຶ່ງທີ່ມີບົດບາດສຳ ຄັນຕໍ່ກັບການພັດທະນາເສດຖະກິດ-ສັງຄົມ, ເປັນກຳລັງແຮງ ແລະ ພາຫະນະບຸກທະລຸ ທີ່ມືປະສິດທິຜົນ ສູງ ເພື່ອຊຸກຍູ້ ແລະ ຂັບເຄື່ອນການພັດທະນາເສດຖະກິດ-ສັງຄົມ ແລະ ວັດທະນະທຳແຫ່ງຊາດ ໃຫ້ຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງຍືນຍົງ ຕາມທິດສີຂຽວ.

ພ້ອມດຽວກັນນັ້ນ, ທ່ານຍັງໄດ້ເນັ້ນໃຫ້ຜູ້ເຂົ້າຮ່ວມສຸມຈິດສຸມໃຈ ແລະ ສຸມທຸກກຳລັງເຫື່ອແຮງ ແລະ ສະຕິປັນຍາເພື່ອຍາດເອົາບົດຮຽນຈາກຜູ້ບັນຍາຍ ເພື່ອນຳ ມາໜູນໃຊ້ເຂົ້າໃນວຽກງານ ທຸລະກິດຂອງຕົນ ແລະ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ວັດທະນະທຳຂອງຊາດ ໃຫ້ນັບມື້ດີຂຶ້ນເທື່ອລະກ້າວ.

ໃນກອງປະຊຸມຄັ້ງນີ້, ຜູ້ເຂົ້າຮ່ວມກອງປະຊຸມໄດ້ຮັບຟັງກ່ຽວກັບການຜ່ານຮ່າງລະບຽບການນຳໃຊ້ເຄື່ອງໝາຍລວມໝູ່ ຊຶ່ງນໍາສະເໜີໂດຍ ທ່ານ ອະພິວັດ ສົມບູນ ຂັນ, ຫົວໜ້າພະແນກສົ່ງເສີມ ແລະ ພັັດທະນາ ຊັບສິນທາງປັນຍາ.

ນອກນັ້ນ,ຜູ້ເຂົ້າຮ່ວມກອງປະຊຸມຍັງໄດ້ມີການປະກອບຄໍາຄິດຄໍາເຫັນໃສ່ລະບຽບການດັ່ງກ່າວເພື່ອເຮັດໃຫ້ເນື້ອໃນສົມບູນຂຶ້ນຕື່ມ.

ເຂົ້າຮ່ວມກອງປະຊຸມຄັ້ງນີ້, ມີຫົວໜ້າກົມຊັບສິນທາງປັນຍາ ພ້ອມດ້ວຍຄະນະວິຊາການຈາກ ກະຊວງວິທະຍາສາດ ແລະ ເຕັກໂນໂລຊີ, ມີຫົວໜ້າ, ຮອງ ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງຈໍາປາສັກ ພ້ອມດ້ວຍພະນັກງານທີ່ກ່ຽວຂ້ອງ ແລະ ກຸ່ມຜູ້ຜະລິດເອກະຊົນພາຍໃນແຂວງເຂົ້າຮ່ວມ ຈຳນວນ 40 ກວ່າ ທ່ານ.

ຂ່າວ ແລະ ຮູບ: ແສງທອງ ວັນນນະທຳ

altaltalt