Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ກອງປະຊຸມ-ສຳມະນາ ການເຊື່ອມໂຍງຄຸນຄ່າຂອງການຄ້າ ທາງເອເລັກໂຕຣ ນິກ ໃນຍຸກ 4.0

ການເຊື່ອມໂຍງຄຸນຄ່າຂອງການຄ້າ ທາງເອເລັກໂຕຣ ນິກ ໃນຍຸກ 4.0

altກົມເຕັກໂນໂລຊີດິຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ ໄດ້ຮັບກຽດເຊື້ອເຊີນເຂົ້າຮ່ວມ ໃນກອງປະ

ຊຸມໃນຫົວຂໍ້ “ສາຍການເຊື່ອມໂຍງຄຸນຄ່າຂອງການຄ້າທາງເອເລັກໂຕຣນິກ” ຫຼື“e-Commerce Value Chain”ໃນຄັ້ງວັນທີ 21 ທັນວາ 2018, ທີ່ ໂຮງແຮມເມືອງແທັງ, ນະຄອນຫຼວງວຽງຈັນ. ຊຶ່ງຈັດໂດຍ ບໍລິສັດMeAsia, ມີຜູ້ເຂົ້າຮ່ວມຈາກບັນດາບໍລິສັດທາງດ້ານ SME ທັງໝົດ 100 ຄົນ.

ກອງປະຊຸມຄັ້ງນີ້ ໄດ້ຮັບກຽດຢ່າງສູງໃນການເຂົ້າຮ່ວມເປັນປະທານກ່າວເປີດກອງປະຊຸມຂອງ ທ່ານ ສຸລິຍາ ແສງດາລາວົງ, ຮອງຫົວໜ້າກົມເຕັກໂນໂລຊີດິຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ. ຊຶ່ງໃນ ກອງປະຊຸມດັ່ງກ່າວ ຜູ້ເຂົ້າຮ່ວມແມ່ນໄດ້ຮັບຟັງການນໍາສະເໜີບົດຮຽນ ແລະ ນໍາສະເໜີຜົນງານ ໂດຍຜູ້ກໍ່ຕັ້ງ ແລະ ພັດທະນາ ລະບົບທຸລະກິດ e-Commerce ໃນລາວ ຈາກ ບໍລິສັດ Me Asia ທີ່ມີລະບົບຊື່ວ່າ: “mekhai. com”  ຊຶ່ງໄດ້ແບ່ງປັນປະສົບປະການ ພ້ອມທັງມີເວທີ ຈັບຄູ່ທຸລະກິດ “Business Matching”.

ໃນໂອກາດດັ່ງກ່າວ, ທ່ານ ສຸລິຍາ ແສງດາລາວົງ ໄດ້ກ່າວມີຄໍາເຫັນເນື່ອງໃນໂອກາດເປັນປະທານກ່າວ ເປີດກອງປະຊຸມວ່າ: ກົມເຕັກໂນໂລຊີດິຈິຕ໋ອນ ມີພາລະບົດບາດເປັນເສນາທິການໃຫ້ກະຊວງ ກໍຄືລັດຖະບານເຮັດ ໜ້າທີ່ຄຸ້ມຄອງມະຫາພາກເປັນຕົ້ນແມ່ນການສ້າງຍຸດທະສາດ, ນະໂຍບາຍ, ຄົ້ນຄວ້າ, ພັດທະນາ, ສົ່ງເສີມ, ເຜີຍແຜ່ ແລະ ບໍລິການ ໃນຂົງເຂດ ເຕັກໂນໂລຊີດິຈິຕ໋ອນ ແລະ ການທຸລະກໍາທາງເອເລັກໂຕຣນິກ ໃນຂອບເຂດທົ່ວປະເທດ.ການເຂົ້າຮ່ວມມີຄໍາເຫັນໃນກອງປະຊຸມຄັ້ງນີ້ ກໍແມ່ນການຜັນຂະຫຍາຍຕາມສິດ-ພາລະບົດບາດ ຂອງກົມ ເຕັກໂນໂລຊີດິຈິຕ໋ອນ, ກວຕ ໂດຍສະເພາະແມ່ນການຈັດຕັ້ງຜັນຂະຫຍາຍ ກົດໝາຍວ່າດ້ວຍທຸລະກໍາທາງເອເລັກໂຕຣນິກ “Electronic Transaction Law” ຊຶ່ງເປັນ ກົດໝາຍທີ່ຄຸ້ມຄອງ ການເຮັດທຸລະກໍາທາງເອເລັກໂຕຣນິກ ໃນ ສປປລ ເຊັ່ນ: ລະບົບການຄຸ້ມຄອງ-ບໍລິຫານລັດແບບດິຈິຕ໋ອນ (ເອກະສານເອເລັກໂຕຣນິກ “e-Document, e-Application”ຕ່າງໆ), ລະບົບການຄ້າທາງເອເລັກໂຕຣນິກ (e-Commerce), ລະບົບການຊໍາລະສະສາງແບບດິຈິຕ໋ອນ ຜ່ານທາງລະບົບຂອງທະນາ ຄານຕ່າງໆ ເຊັ່ນ: (e-Banking, Mobile Banking, e-Payment ແລະ ລະບົບ Barcode“QR-Paid”), ລວມທັງການຊື້-ຂາຍໃນຕະຫຼາດຫຼັກຊັບ, ການຊື້-ຂາຍ ຫວຍດິຈິຕ໋ອນ ແລະ ອື່ນໆ.

ຫົວຂໍ້ກອງປະຊຸມມື້ນີ້, ແມ່ນມີຄວາມໝາຍສໍາຄັນຫຼາຍ ເນື່ອງຈາກວ່າ ປັດຈຸບັນພວກເຮົາກໍາລັງຢູ່ໃນສັດຕະວັດທີ 21, ຍຸກການປະຕິວັດອຸດສາຫະກໍາຄັ້ງທີ 4 ກໍຄື ຍຸກດິຈິຕ໋ອນ 4.0; ສະນັ້ນ, ຫຼາຍປະເທດທີ່ພັດທະນາແລ້ວໃນໂລກຂອງພວກເຮົາ ໄດ້ມີການຄົ້ນຄວ້າ-ພັດທະນາ ແລະ ໄດ້ນໍາໃຊ້ ສິ່ງຍອດຍິ່ງ ຈາກຜົນການຄົ້ນຄວ້າທາງດ້ານ ວິທະຍາສາດ ແລະ ເຕັກໂນໂລຊີ ໂດຍສະເພາະ ລະບົບ ເຕັກໂນໂລຊີດິຈິຕ໋ອນ. ສະນັ້ນ, ພັກ-ລັດ ພວກເຮົາໃຫ້ຄວາມສໍາຄັນ ແລະ ມີນະໂຍບາຍສົ່ງເສີມ ໃນການຫັນເປັນ ອຸດສາຫະກໍາ ແລະ ທັນສະໄໝ ເທື່ອລະກ້າວ ໂດຍສະເພາະ ຂົງເຂດການຄ້າ ແລະ ການບໍລິການພ້ອມທັງ ຫັນການຄຸ້ມຄອງບໍລິຫານລັດ ແລະ ບໍລິການສັງຄົມ ດ້ວຍລະບົບ ດິຈິຕ໋ອນທີ່ທັນສະໄໝ ແນໃສ່ຍົກສູງ ປະສິດທິພາບ-ປະສິດທິຜົນ ຂອງການຈັດຕັ້ງປະຕິບັດວຽກງານໃນທຸກຂົງເຂດ ແລະ ເພື່ອການເຊື່ອມໂຍງກັບພາກພື້ນ ແລະ ສາກົນ. ເວົ້າສະເພາະໃນຂົງເຂດເສດຖະກິດ ພວກເຮົາແມ່ນກໍາລັງປະເຊີນກັບໄລຍະປ່ຽນແປງໃໝ່ ທີ່ເອີ້ນວ່າ: ເສດຖະກິດດິຈິຕ໋ອນ “Digital Economy”ທີ່ອໍານວຍຄວາມ ສະດວກໃຫ້ແກ່ ການລົງທຶນ, ການເຮັດທຸລະກິດ, ບໍລິການດ້ານການເງິນ, ທະນາຄານ ແບບທັນສະໄໝ ທີ່ໃຫ້ຄວາມສະດວກ, ວ່ອງໄວ, ໂປ່ງໃສ ແລະ ປອດໄພ; ໜຶ່ງໃນນັ້ນ ກໍແມ່ນ ການຄ້າທາງເອເລັກໂຕຣນິກ (e-Commerce) ຊຶ່ງເປັນຊ່ອງທາງດ້ານການຄ້າ ກໍຄື ເປັນເຄື່ອງມືທີ່ອໍານວຍຄວາມສະດວກ ໃນການເຮັດທຸລະກິດ-ການຄ້າແບບ ໃໝ່ ທີ່ສ້າງມູນຄ່າເພີ່ມດ້ານເສດຖະກິດຂອງປະເທດ, ສົ່ງເສີມທຸລະກິດຂະໜາດນ້ອຍ-ກາງ “SMEs” ແລະ ສ້າງວຽກເຮັດງານທໍາ ໃຫ້ແກ່ປະຊົນເປັນຢ່າງດີ. ຕົວຢ່າງ: ມູນຄ່າ ທາງເສດຖະກິດ ຂອງ ທຸລະກິດ e-Commerce ໃນສາກົນ ເຊັ່ນ: ບໍລິສັດAlibaba/Taopao, Amazon, Lazada, Shoppee ອື່ນໆສະເພາະຢູ່ປະເທດ ໄທ ປີ 2018 ມີມູນຄ່າ 2,8 ລ້ານ-ລ້ານ-ບາດ, ອັດຕາຂະຫຍາຍຕົວ 8,76% ແລະ ມີແນວໂນມຂະຫຍາຍຕົວຂຶ້ນເລື້ອຍໆ. ນອກນັ້ນ, ທຸລະກິດ e-Commerce ຍັັງເປັນຕົວກາງ ໃນການສ້າງທຸລະກິດການຂົນສົ່ງ “Logistic”,“Fulfillment” ຊຶ່ງມີຕົວເລກການຂົນສົ່ງສິນຄ້າໃຫ້ ທຸລະກິດ e-Commerceປະມານ 8 ລ້ານກ່ອງ/ມື້. ນອກນັ້ນ, ກໍແມ່ນ ທຸລະກິດໃນຂະແໜງການເງິນ-ທະນາຄານ ແລະ ການຜະລິດ ອື່ນໆ.

ທ່ານກ່າວຕື່ມວ່າ: ສໍາລັບ ສປປລ ພວກເຮົາ, ທຸລະກິດ e-Commerce ແມ່ນມີການເລີ່ມຕົ້ນມາແລ້ວ ແລະ ກໍາລັງຈະມີການປັບຕົວເຂົ້າໃຫ້ ເປັນລະບົບທຸລະ ກິດ e-Commerce ທີ່ແທ້ຈິງ ເອີ້ນວ່າ: ລະບົບນິເວດທາງການຄ້າເອເລັກໂຕຣນິກ “e-Commerce Ecosystem” ຊຶ່ງຈະເຊື່ອມໂຍງກັບຫຼາຍລະບົບທີ່ເປັນອົງປະ ກອບສໍາຄັນ ແລະ ຫຼາຍພາກສ່ວນກ່ຽວຂ້ອງທັງພາກລັດ ແລະ ເອກະຊົນ. ສະນັ້ນ, ເພື່ອສ້າງຄວາມເຂົ້າໃຈທີ່ຖືກຕ້ອງ ແລະ ສ້າງໂອກາດໃຫ້ແກ່ທຸກຄົນມີສ່ວນຮ່ວມໃນ ທຸລະກິດ e-Commerce ຂອງລາວພວກເຮົາ ກໍເພື່ອສ້າງມູນຄ່າເພີ່ມທາງດ້ານເສດຖະກິດ-ສັງຄົມຂອງພວກເຮົາ. ກົມເຕັກໂນໂລຊີດິຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ ໃນນາມຂະແໜງວິຊາການກ່ຽວຂ້ອງຂອງລັດ ແມ່ນມີໜ້າທີ່ໃນການຄຸ້ມຄອງດ້ວຍລະບຽບກົດໝາຍ ເພື່ອປົກປ້ອງສິດ ແລະ ຜົນປະໂຫຍດ ອັນຊອບທໍາຂອງ ປະຊາຊົນ, ປົກປ້ອງ ຜູ້ໃຫ້ບໍລິການ ແລະ ຜູ້ໃຊ້ບໍລິການ. ພາກລັດ ແມ່ນມີຄວາມຍິນດີ, ສະໜັບສະໜູນ ແລະ ສົ່ງເສີມ ໃຫ້ທຸລະກິດດ້ານ e-Commerce ຂອງລາວ ໂດຍການຮ່ວມຈັບມືກັນພັດທະນາລະຫວ່າງພາກລັດ ແລະ ເອກະຊົນ ເພື່ອພ້ອມກັນກ້າວເຂົ້າສູ່ຍຸກ ເສດຖະກິດດິຈິຕ໋ອນ “Digital Economy”ແລະ ພ້ອມກັນຜັນຂະ ຫຍາຍແຜນພັດທະນາເສດຖະກິດ-ສັງຄົມຂອງປະເທດພວກເຮົາໃຫ້ປະກົດຜົນເປັນຈິງ.


ແຫຼ່ງຂໍ້ມູນ: ກົມເຕັກໂນໂລຊີດິຈິຕ໋ອນ

altaltaltalt