Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ກອງປະຊຸມວຽກງານກວດກາທົ່ວປະເທດ ປະຈໍາປີ 2018

ກອງປະຊຸມວຽກງານກວດກາທົ່ວປະເທດ ປະຈໍາປີ 2018

altໃນລະຫວ່າງວັນທີ 28-30 ມັງກອນ 2019 ຜ່ານມານີ້, ອົງການກວດກາລັດຖະບານ ໄດ້ດໍາເນີນ ແລະ ສຳເລັດ

ການຈັດກອງປະຊຸມ ວຽກງານກວດກາທົ່ວປະເທດປະຈຳປີ 2018, ໂດຍການເປັນປະທານຂອງສະຫາຍ ບຸນທອງ ຈິດມະນີ, ກຳມະການກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະມົນຕີ, ປະທານ ກວດກາສູນກາງພັກ ແລະ ອົງການກວດກາລັດຖະບານ, ຫົວຫນ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີ ບັນດາເລຂາ-ຮອງເລຂາ, ຄະນະປະຈຳພັກ, ຮອງປະທານກວດກາສູນກາງພັກ ແລະ ອົງການກວດກາລັດຖະບານ, ປະທານ-ຮອງປະທານ ຄະນະກວດກາພັກ-ອົງການ ກວດກາລັດໃນຂອບເຂດທົ່ວປະເທດເຂົ້າຮ່ວມ.

ໃນການດໍາເນີນກອງປະຊຸມເປັນເວລາ 3 ວັນນີ້, ສະຫາຍ ບຸນທອງ ຈິດມະນີ ໄດ້ກ່າວວ່າ: ບັນດາຜູ້ ແທນ ໄດ້ພ້ອມກັນຮັບຟັງ ແລະ ປະກອບຄຳຄິດຄຳເຫັນ ຕໍ່ບົດສະຫຼຸບການປະຕິບັດວຽກງານຕິດຕາມ, ກວດກາ ສະກັດກັ້ນ ແລະ ຕ້ານການສໍ້ລາດບັງຫຼວງໃນໜຶ່ງປີຜ່ານມາ.

ພ້ອມທັງລົງເລິກວຽກງານຕິດຕາມ, ກວດກາພັກ, ບົດລາຍງານວຽກຕິດຕາມ, ກວດກາການບໍລິຫານລັດ ເພື່ອຊອກໃຫ້ເຫັນດ້ານດີທີ່ຄວນສົ່ງເສີມ ແລະ ດ້ານ ອ່ອນຂໍ້ຄົງຄ້າງ ທີ່ຈະຕ້ອງນຳໄປປັບປຸງໃນຕໍ່ໜ້າແລະ ບາງບົດ ຮຽນທີ່ດີກ່ຽວກັບວຽກງານກວດກາຂອງທ້ອງຖິ່ນ ແຂວງ, ກະຊວງເພື່ອນຳໄປຫມູນໃຊ້ ໃນອະນາຄົດ.

ເພື່ອ ເປັນທິດ ໃນການສືບຕໍ່ປະຕິບັດວຽກງານຕິດຕາມ, ກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ ໃນປີ 2019 ເຊິ່ງເປັນປີທີ 4 ທີ່ຂອງການປະຕິບັດ ມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII, ເນື້ອໃນກອງປະຊຸມວຽກງານກວດກາທົ່ວປະເທດຄັ້ງທີ III ແລະ ເນື້ອໃນກອງປະ ຊຸມ ຂອງພວກເຮົາເທື່ອນີ້ສະຫາຍ ບຸນທອງ ຈິດມະນີ ໄດ້ເນັ້ນໃຫ້ບັນດາຜູ້ແທນກໍຄືຜູ້ຮັບຜິດຊອບວຽກງານດັ່ງກ່າວ ໃຫ້ເອົາໃຈໃສ່ຫລາຍບັນຫາດັ່ງນີ້: ສືບຕໍ່ຄົ້ນຄວ້າ ແລະ ຈັດຕັ້ງປະຕິບັດ ບັນດາຄາດຫມາຍ ກໍຄືເນື້ອໃນມະຕິ ກອງປະຊຸມໃຫຍ່ຄັ້ງທີ X ຂອງພັກລວມທັງບັນດາມະຕິ ຂອງຄະນະບໍລິຫານງານ ສູນກາງພັກ ສະໄຫມທີ X; ເອົາໃຈໃສ່ຕິດຕາມ, ກວດກາການຈັດຕັ້ງປະຕິບັດ ບັນດາມະຕິ, ຄຳສັ່ງ, ຂໍ້ກຳນົດຕ່າງໆຂອງພັກ ລວມທັງການປະຕິບັດ ມະຕິກອງປະຊຸມໃຫຍ່ອົງຄະນະ ພັກໃຫ້ມີຜົນສຳເລັດ; ເອົາໃຈໃສ່ຊີ້ນຳ ແລະ ສຸມໃສ່ຕິດຕາມ, ກວດກາການຄຸ້ມຄອງບໍລິຫານລັດ ແຕ່ລະຂັ້ນ; ຕິດຕາມ, ກວດກາ ການປະຕິບັດພາລະບົດບາດ, ຫນ້າທີ່ການ ໃຊ້ສິດອຳນາດ ຂອງແຕ່ລະຂະແໜງການ ແລະ ທ້ອງຖິ່ນ; ຕິດຕາມ, ກວດກາການຄຸ້ມຄອງ ແລະ ນຳໃຊ້ງົບປະມານຂອງລັດ; ສືບຕໍ່ຕິດຕາມ, ກວດກາລົງເລິກ ແລະ ສືບ ສວນ-ສອບສວນຕໍ່ການຈັດຕັ້ງ ແລະ ບຸກຄົນທີ່ພົວພັນເຖິງໂຄງການລົງທຶນຂອງລັດແລະ ການຊຳລະໜີ້ສິນ ແບບມີສ່ວນຫຼຸດ, ການຊຳລະເກີນ ແລະ ຊໍ້າຊ້ອນຢູ່ບາງກະ ຊວງ ແລະ ບາງແຂວງໃຫ້ສຳເລັດ; ສືບຕໍ່ເພີ່ມທະວີຄວາມເອົາໃຈໃສ່ຕໍ່ການສະກັດກັ້ນ ແລະຕ້ານການສໍ້ລາດບັງຫຼວງ ທີ່ເປັນໄພຂົ່ມຂູ່ຕໍ່ສະຖຽນລະ ພາບຂອງການຈັດຕັ້ງ ແລະ ສະມາຊິກພັກ-ພະນັກງານ ຊຶ່ງເປັນບັນຫາໜຶ່ງທີ່ສົ່ງຜົນກະທົບເຖິງຄວາມເຫລື້ອມໃສ ແລະ ຄວາມເຊື່ອໝັ້ນຂອງມະຫາຊົນ.

ເພີ່ມທະວີຄວາມຮັບຜິດຊອບ ນຳພາ-ຊີ້ນຳຂອງຄະນະພັກ, ອົງການປົກຄອງ ແລະ ຄະນະກວດກາແຕ່ລະຂັ້ນ ຕໍ່ການຄົ້ນຄວ້າແກ້ໄຂ ຄຳຮ້ອງ-ຄຳສະເໜີຂອງພະ ນັກງານ-ສະມາຊິກພັກ ແລະ ຂອງພົນ ລະເມືອງ; ສືບຕໍ່ເພີ່ມທະວີການພົວພັນຮ່ວມມື ແລະ ແລກປ່ຽນບົດຮຽນກັບຕ່າງປະເທດ; ເອົາໃນໃສ່ປັບປຸງກົງຈັກການຈັດຕັ້ງ ແລະ ພະນັກງານກວດກາແຕ່ລະຂັ້ນໃຫ້ຫນັກແຫນ້ນເຂັ້ມແຂງ ສາມາດເຮັດບົດບາດ ເປັນເສນາທິການໃຫ້ຄະນະພັກ ແລະອົງການປົກຄອງຂັ້ນຂອງຕົນ; ເພີ່ມທະວີການນຳພາ ຂອງຄະນະພັກ ແລະ ການນຳແຕ່ລະຂັ້ນຕໍ່ວຽກງານຕິດຕາມ, ກວດກາ, ວຽກງານສະກັດກັ້ນ ແລະຕ້ານການສໍ້ລາດບັງຫຼວງດ້ວຍຫຼາຍວິທີ ໂດຍຖືເອົາການຕິດຕາມ, ກວດ ກາເປັນປົກກະຕິເລີ່ມຫົວທີ.

ພ້ອມດຽວກັນນັ້ນ, ສະຫາຍປະທານກອງປະຊຸມຍັງໄດ້ເນັ້ນຕື່ມວ່າ: ພາຍຫຼັງສຳເລັດກອງປະຊຸມຄັ້ງນີ້ແລ້ວ, ສະເໜີໃຫ້ຄະນະພັກ, ຄະນະກວດກາຂອງບັນດາ ກະຊວງ-ອົງການ, ແຂວງ-ນະຄອນຫຼວງນຳເອົາເນື້ອໃນ ຈິດໃຈກອງປະຊຸມຄັ້ງນີ້ ໄປລາຍງານຕໍ່ສະຫາຍ ເລຂາຄະນະພັກ ແລະ ຄະນະປະຈຳພັກ ຮັບຮູ້-ເຂົ້າໃຈ ແລະ ພ້ອມກັນຜັນຂະຫຍາຍຈັດຕັ້ງປະຕິບັດໃຫ້ເກີດຜົນເປັນຈິງ.

ພ້ອມກັນນີ້ ໃຫ້ພ້ອມກັນສືບ ຕໍ່ໂຄສະນາຈັດຕັ້ງ ປາຖະກະຖາແລະ ສ້າງຂະບວນການຕ່າງໆ ເພື່ອຂໍ່ານັບຮັບຕ້ອນວັນສ້າງຕັ້ງ ອົງການກວດກາພັກ-ລັດຄົບຮອບ 37 ປີ (16/2/1982-16/2/2019) ເພື່ອໃຫ້ອົງການຈັດຕັ້ງ ຕະຫຼອດເຖິງພະນັກງານ, ສະມາຊິກພັກ, ທະຫານ, ຕຳຫຼວດ ແລະ ຊັ້ນຄົນຕ່າງໆຮັບຮູ້-ເຂົ້າໃຈ ແລະ ເຂົ້າຮ່ວມ ວຽກງານກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງໃຫ້ກວ້າງຂວາງ.

ໂດຍຕິດພັນກັບການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ ແລະຕິດພັນກັບຂະບວນການແຂ່ງຂັນ "ຮັກຊາດ ແລະ ພັດທະນາ" ເຮັດໃຫ້ວຽກ ງານຕິດຕາມກວດກາແລະ ຕ້ານການສໍ້ລາດບັງຫຼວງ ສືບຕໍ່ໄດ້ຮັບການຈັດຕັ້ງປະຕິບັດຢ່າງແຂງແຮງໃນທຸກຂົງເຂດວຽກງານໃນຕະຫຼອດໜຶ່ງປີຕໍ່ຫນ້າ.

altalt