Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ກວດສອບມາດຕະຖານຊິຊັ່ງລົດບັນທຸກຂອງ ບໍລິສັດ ຊີມັງຫຼວງພະບາງ ຈໍາກັດ

ກວດສອບມາດຕະຖານຊິຊັ່ງລົດບັນທຸກຂອງ ບໍລິສັດ ຊີມັງຫຼວງພະບາງ ຈໍາກັດ

altດັ່ງທີ່ເຮົາຮູ້ນໍາກັນຢູ່ແລ້ວວ່າ ຜະລິດຕະພັນຕ່າງໆທີ່ອອກ ມາຈໍາໜ່າຍ ນອກຈາກມີຄຸນນະພາບແລ້ວຕ້ອງຮັບປະ

ກັນທາງດ້ານປະລິມານ ຫຼື ນໍ້າໜັກ ຂອງສິນຄ້າທີ່ກໍານົດໄວ້ໃຫ້ສົມກັບເງິນທີ່ເຮົາຈ່າຍໄປ.

ເພື່ອປະຕິບັດຕາມ ລະບຽບການ, ຫຼັກ ການກວດສອບຊີງຊັ່ງ ແລະ ມາດຕະການກ່ຽວກັບການຄຸ້ມ ຄອງ, ກວດສອບຊີງຊັ່ງ ແລະ ໃຫ້ຖືກຕ້ອງຕາມລະບຽບ ການທີ່ກຳນົດໄວ້ ຢູ່ ສປປ ລາວ ແລະ ສາກົນເພື່ອສ້າງ ເງື່ອນໄຂອັນສະດວກໃນການຊື້-ຂາຍ, ແນໃສ່ເຮັດໃຫ້ສັງຄົມມີຄວາມຍຸດຕິທຳ, ປອດໄພ ແລະ ມີຄວາມເປັນເອກະ ພາບໃນການຈັດຕັ້ງປະຕິບັດ ໃນຂອບເຂດທົ່ວປະເທດ ແລະ ເຊື່ອມໂຍງກັບຫຼັກການກວດສອບຂອງພາກພື້ນ ແລະ ສາກົນ.

ໃນລະຫວ່າງວັນທີ 28-31 ມັງກອນ 2019 ຜ່ານມານີ້, ສູນວັດແທກຊຶ່ງຂຶ້ນກັບກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບ ພະແນກ ວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ ໄດ້ລົງເຄື່ອນໄຫວກວດສອບຊີງຊັ່ງລົດບັນລົດບັນທຸກຂອງ ບໍລິສັດ ຊີມັງຫຼວງພະບາງ ຈຳກັດ ທີ່ ຕັ້ງຢູ່ ບ້ານ ໂພນມະນີ, ເມືອງນໍ້າບາກ, ແຂວງຫຼວງ ພະບາງ.

ນໍາພາໂດຍ ທ່ານ ອານຸສອນ ສີຫາບັນຍາຮອງຫົວໜ້າສູນວັດແທກ ພ້ອມວິຊາການ 02 ທ່ານ ແລະ ຕາງໜ້າພະແນກວິທະຍາສາດ ແລະ ເຕັກໂນໂລຊີແຂວງ ຫຼວງພະບາງ 1 ທ່ານ.

ຜ່ານການລົງຈັດຕັ້ງປະຕິບັດໜ້າທີ່ໃນຄັ້ງນີ້, ຄະນະວິຊາການໄດ້ກວດສອບຊິງຊັ່ງລົດບັນທຸກດ້ວຍການຊັ່ງນ້ຳໜັກ (ຂະໝາດ 120T) ຈໍານວນ 01 ໜ່ວຍແລະ ເຫັນວ່ານໍ້າໜັກຂອງຊີຊັ່ງແມ່ນໄດ້ຕາມມາດຕະຖານທີ່ກຳນົດໄວ້.

ເຖິງຢ່າງໃດກໍຕາມ ທາງສູນວັດແທກຍັງໄດ້ແນະນໍາໃຫ້ທາງບໍລິສັດດັ່ງກ່າວເອົາໃຈໃສ່ຕື່ມກ່ຽວກັບການກວດສອບຊິງຊັ່ງໃຫ້ສອດຄ່ອງກັບລະບຽບການຢູ່ເປັນປະ ຈໍາ.

ຂຽນຂ່າວໂດຍ: ທ. ບຸນຍອຍ ກອງແກ້ວມະນີ້ວົງ

alt