Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ພວຕ ແຂວງ ອຸດົມໄຊ ສະຫຼຸບວຽກງານປະຈໍາປີ 2018 ແລະ ວາງແຜນການປະຈໍາປີ 2019

ພວຕ ແຂວງ ອຸດົມໄຊ ສະຫຼຸບວຽກງານປະຈໍາປີ 2018 ແລະ ວາງແຜນການປະຈໍາປີ 2019

altພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງ ອຸດົມໄຊ ໄດ້ເປີດກອງ ປະຊຸມສະຫຼຸບຖອດ ຖອນບົດ

ຮຽນວຽກງານວິທະຍາສາດ ແລະ ເຕັກໂນໂລຊີ ປະຈໍາປີ 2018 ແລະ ວາງແຜນການປະຈໍາປີ 2019 ຂື້ນໃນວັນທີ 28 ກຸມພາ 2019, ທີ່ຫ້ອງປະຊຸມຂອງ ພະແນກດັ່ງກ່າວ. ໃຫ້ກຽດເປັນປະທານຮ່ວມຂອງ ທ່ານ ພອນສະຫວັນ ພັນທະວິຈິດ, ກໍາມະການປະຈໍາພັກແຂວງ, ຜູ້ຊີ້ນໍາຂົງເຂດວຽກງານວິທະຍາສາດ ແລະ ເຕັກໂນໂລຊີ ທົ່ວ ແຂວງ ແລະ ທ່ານ ສົມແພງ ໄພຍາວົງ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງ ອຸດົມໄຊ ຊຶ່ງມີຄະນະ ພະແນກ, ຫົວໜ້າຂະແໜງ, ຮອງຂະແໜງ, ພະນັກງານວິຊາ ການພາຍໃນພະແນກ ແລະ ໜ່ວຍງານວິທະຍາສາດ ແລະ ເຕັກໂນໂລຊີ ຂັ້ນເມືອງ 7 ເມືອງເຂົ້າຮ່ວມ.

ກອງປະຊຸມຄັ້ງນີ້, ໄດ້ສະຫຼຸບການຈັດຕັ້ງປະຕິບັດແຜນພັດທະນາວິທະຍາສາດ ແລະ ເຕັກໂນໂລຊີ ແຂວງ ອຸດົມໄຊ ປະຈໍາປີ 2018 ແລະ ວາງທິດທາງແຜນປະຈໍາປີ 2019. ພ້ອມນັ້ນ, ຍັງໄດ້ຮັບຟັງການລາຍງານ ການເຄຶ່ອນ ໄຫວໃນໄລຍະປີທີ່ຜ່ານມາຂອງໜ່ວຍງານວິທະຍາສາດ ແລະ ເຕັກໂນໂລຊີ ຂັ້ນເມືອງ ພ້ອມທັງປະ ກອບຄໍາຄິດເຫັນຕໍ່ຮ່າງບົດສະຫຼຸບ ແລະ ທິດທາງແຜນການ ແຕ່ລະເມືອງ. ໃນກອງປະຊຸມຍັງໄດ້ຮັບຟັງການຜ່ານບົດມອບວຽກແບ່ງຂັ້ນຄຸ້ມຄອງລະຫວ່າງ ພວຕ ແຂວງ ກັບ ໜ່ວຍງານ ວຕ ເມືອງ ພ້ອມທັງໃຫ້ແຕ່ລະຂະແໜງທີ່ກ່ຽວຂ້ອງ ຊີ້ແຈງແຕ່ລະໜ້າວຽກເພີ່ມຕື່ມ ເພື່ອສ້າງຄວາມເຂົ້າໃຈຕໍ່ກັບໜ້າວຽກ ງານໃຫ້ບັນດາເມືອງ ນອກຈານັ້ນ, ຍັງໄດ້ຮັບຟັງການຜ່ານ ຂໍ້ຕົກລົງຂອງ ທ່ານເຈົ້າແຂວງ-ແຂວງ ອຸດົມໄຊ, ສະບັບເລກທີ 186/ຈຂ.ອຊ, ລົງວັນທີ 20 ກຸມພາ 2018 ວ່າດ້ວຍການຍ້ອງຍໍສັນລະເສີນ ໃຫ້ພະນັກງານ-ລັດຖະກອນ ພວຕ ແຂວງ ອຸດົມໄຊ ທີ່ມີຜົນງານດີເດັ່ນປະຈໍາ ປີ 2017 ຈໍານວນ 14 ສະຫາຍ ຍິງ 1 ສະຫາຍ.

ໃນຕອນທ້າຍ, ຍັງໄດ້ຮັບຟັງການໂອ້ລົມຂອງ ທ່ານປະທານກອງປະຊຸມ ຊຶ່ງທ່ານໄດ້ກ່າວສະແດງຄວາມຍ້ອງຍໍຊົມເຊີຍຜົນງານ ການຈັດຕັ້ງປະຕິບັດໃນໄລຍະປີ ທີ່ຜ່ານມາ ໂດຍຍົກໃຫ້ເຫັນຈຸດທີ່ພົ້ນເດັ່ນຫຼາຍດ້ານ ເປັນຕົ້ນແມ່ນ: ທາງດ້ານການໂຄສະນາເຜີຍແຜ່ ບັນດາກົດໝາຍ, ນິຕິກໍາ, ສະພາບການເຄື່ອນໄຫວໃນຂົງເຂດ ວິທະຍາສາດ ແລະ ເຕັກໂນໂລຊີ ໄດ້ຫຼາຍຊ່ອງທາງ ເຊັ່ນ: ທາງວິທະຍຸ- ໂທລະພາບຂອງແຂວງ, ທາງເວັບໄຊ໌ຂອງພະແນກ ແລະ ທາງໜັງສືພິມຂອງກະຊວງ; ການພັດທະນາບຸກຄະລາກອນແມ່ນໄດ້ມີການ ກໍ່ສ້າງ ໂດຍສົ່ງພະນັກງານໄປຖອດຖອນບົດຮຽນແຕ່ລະດ້ານ, ຮຽນໄລຍະສັ້ນ-ໄລຍະຍາວ ແລະ ເຂົ້າຮ່ວມຝຶກອົບຮົມ ທາງດ້ານວິຊາສະເພາະ ຢູ່ທັງພາຍໃນ ແລະ ຕ່າງປະເທດ; ລະບົບການສ່ອງແສງລາຍງານແມ່ນມີຄວາມສະດວກ ຈະແຈ້ງ, ຊັດເຈນ ແລະ ທັນການ. ທ່ານຍັງໄດ້ ເນັ້ນໜັກໃຫ້ສຶບຕໍ່ເພີ່ມທະວີເອົາໃຈໃສ່ຍົກສູງຄວາມຮັບຜິດຊອບທາງດ້ານວຽກງານວິທະຍາສາດ ແລະ ເຕັກໂນໂລຊີ ໃຫ້ມີຄວາມພົ້ນ ເດັ່ນໃນທົ່ວສັງຄົມໄດ້ຫຼາຍຂຶ້ນ ພ້ອມທັງແກ້ໄຂຂໍ້ຂ້ອງໃຈ ແລະ ຄໍາຖາມ ຂອງບັນດາໜ່ວຍ ວິທະຍາສາດ ແລະ ເຕັກໂນໂລຊີ ຂັ້ນເມືອງ. ກອງປະຊຸມຄັ້ງນີ້ ໄດ້ດໍາເນີນເປັນເວລາໜຶ່ງວັນ ແລະ ໄດ້ປິດລົງຢ່າງເປັນທາງການໃນຕອນແລງຂອງວັນດຽວກັນ.

ພາບ-ຂ່າວ:ໂພໄຊ ໄຊຍະວົງ

ກວດແກ້: ໄລພອນ ແກ້ວມະນີວອນ

altaltalt