Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວການເຄື່ອນໄຫວຂອງອົງຄະນະພັກ ຫ້ອງການສະພາວິທະຍາສາດແຫ່ງຊາດ ກວຕ ຮັບມະ ຫາຊົນກ້າວໜ້າ ເຂົ້າເປັນສະມາຊິກພັກສຳຮອງ

ຫ້ອງການສະພາວິທະຍາສາດແຫ່ງຊາດ ກວຕ ຮັບມະ ຫາຊົນກ້າວໜ້າ ເຂົ້າເປັນສະມາຊິກພັກສຳຮອງ

altໜ່ວຍພັກຫ້ອງການສະພາວິທະຍາສາດ ແຫ່ງຊາດ, ກະ ຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດພິທີ

ຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ໃນຕອນເຊົ້າ ວັນທີ 28 ທັນວາ 2018 ທີ່ຫ້ອງປະຊຸມ ກວຕ ໂດຍໄດ້ຮັບ ກຽດເຂົ້າຮ່ວມເປັນປະທານຂອງ ສະຫາຍ ປອ. ສຸລິອຸດົງ ສູນດາລາ, ຮອງເລຂາຄະນະພັກ, ຮອງລັດຖະມົນ ກວຕ.

ໃນພິທີດັ່ງກ່າວ, ສະຫາຍ ນາງ ແກ້ວໄພວັນ ດວງສະຫວັນ, ເລຂາໜ່ວຍພັກ ຫ້ອງການ ສະພາວິທະຍາ ສາດ ແຫ່ງຊາດ ກວຕ ໄດ້ຂຶ້ນຜ່ານມະຕິຕົກລົງຂອງຄະນະພັກ ກະຊວງ ກວຕ ວ່າດ້ວຍການຮັບເອົາມະຫາຊົນ ກ້າວໜ້າເຂົ້າເປັນສະມາຊິກພັກ ສຳຮອງ ຈຳນວນ 4 ສະຫາຍ, ຍິງ 2 ສະຫາຍ.

ໂອກາດນີ້, ສະຫາຍ ປອ. ສຸລິອຸດົງ ສູນດາລາ, ຮອງລັດຖະມົນຕີ ກວຕ ໄດ້ກ່າວ ຍ້ອງຍໍ ແລະ ຊົມເຊີຍ ຕໍ່ບັນດາມະຫາຊົນ ກ້າວໜ້າທີ່ເຂົ້າເປັນສະມາຊິກພັກສຳຮອງຄັ້ງນີ້ ແລະ ໄດ້ຮຽກຮ້ອງບັນດາສະຫາຍສະມາຊິກພັກໃໝ່ຈົ່ງສືບຕໍ່ຮັກສາມູນເຊື້ອ ແລະ ຕັ້ງໜ້າຝຶກຝົນຫຼໍ່ຫຼອມ ຕົນເອງຢ່າງຕໍ່ເນື່ອງ ໂດຍຖືການຍົກສູງທາງດ້ານຄູນທາດການເມືອງ ເປັນຫຼັກ, ຢຶດໝັ້ນໃນທາດແທ້ ແລະ ອຸດົມການຂອງພັກ, ຍົກສູງສະຕິຕໍ່ການຈັດຕັ້ງ, ຊື່ສັດ ແລະ ຈົ່ງ ຮັກພັກດີຕໍ່ພັກ-ລັດ, ຕໍ່ປະເທດຊາດ ແລະ ເພີ່ມທະວີຄວາມສາມັກຄີ ຮັກແພງ ເຊິ່ງກັນ ແລະ ກັນ.

ສະຫາຍຮອງເລຂາຄະນະພັກ ຍັງໄດ້ເນັ້ນໃຫ້ບັນດາສະມາຊິກພັກທັງໝົດຮ່ຳຮຽນ ແລະ ສືບຕໍ່ຍົກລະດັບຄວາມຮູ້ຄວາມສາມາດຕົນເອງ ເພື່ອປະກອບສວ່ນເຂົ້າ ໃນການສ້າງສາພັດທະນາປະເທດຊາດ.

ເຂົ້າຮວ່ມພິທີຄັ້ງນີ້ ມີເລຂາໜ່ວຍພັກ, ກົມ, ສະຖາບັນ ແລະ ຜູ້ຕາງໜ້າຈາກ 3 ອົງການຈັດຕັ້ງ ພ້ອມດ້ວຍສະຫາຍສະມາຊິກພັກພາຍໃນຫ້ອງການ ສະພາວິທະ ຍາສາດແຫ່ງຊາດ.

ຂ່າວ ແລະ ຮູບ: ແສງທອງ ວັນນະທຳ

altaltaltaltaltaltaltaltalt