Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວການເຄື່ອນໄຫວຂອງອົງຄະນະພັກ ສາມໜ່ວຍພັກພາຍໃນ ກວຕ ຮັບເອົາສະມາຊິກພັກ ສົມບູນ

ສາມໜ່ວຍພັກພາຍໃນ ກວຕ ຮັບເອົາສະມາຊິກພັກ ສົມບູນ

altສາມໜ່ວຍພັກພາຍໃນ ກະຊວງວິທະຍາສາດ ແລະ ເຕັກໂນໂລຊີ (ກວຕ) ປະກອບມີ: ໜ່ວຍພັກ ຫ້ອງການ,

ໜ່ວຍພັກ ສະຖາບັນເຕັກໂນໂລຊີຄອມພິວເຕິ ແລະ ເອເລັກໂຕຣນິກ ແລະ ໜ່ວຍພັກ ກົມແຜນການ ແລະ ການຮ່ວມມືໄດ້ຈັດພິທີເລື່ອນສະມາຊິກພັກສຳຮອງຜູ້ທີ່ຜ່ານການຕິດຕາມ ທີ່ມີຄວາມຫ້າວຫັນໃນການປະຕິບັດໜ້າທີ່ວຽກງານ, ມີທັດສະນະຫຼັກໝັ້ນທາງດ້ານການເມືອງແນວຄິດ, ມີຄວາມ ສາມັກຄີ, ຕັ້ງໜ້າຝຶກຝົນຫຼໍ່ຫຼອມຕົນເອງປະກອບສ່ວນເຂົ້າໃນທຸກຂົງເຂດວຽກງານ, ມີເງື່ອນໄຂຖືກຕ້ອງຄົບມາດ ຖານ ແລະເງຶ່ອນໄຂຂອງການເປັນສະມາຊິກພັກປະຊາຊົນປະຕິວັດລາວຂຶ້ນເປັນສະມາຊິກພັກສົມບູນ.

ພິທີດັ່ງກ່າວໄດ້ຈັດຂຶ້ນໃນຕອນແລງວັນທີ 26 ທັນວາ 2018, ຢູ່ຫ້ອງປະຊຸມກະຊວງດັ່ງກ່າວ ໂດຍ ກຽດເປັນປະທານຂອງ ສະຫາຍ ບຸນຕີ ທະມິດ, ຮອງເລຂາຄະນະພັກ, ຮອງລັດຖະມົນຕີ ກວຕ.

ໃນພິທີດັ່ງກ່າວ, ບັນດາສະຫາຍ ເລຂາໜ່ວຍພັກ 3 ໜ່ວຍພັກ ກໍຄື ໜ່ວຍພັກ ໄດ້ຂຶ້ນຜ່ານມະຕິຕົກລົງ ຂອງຄະນະພັກ ກວຕ ວ່າດ້ວຍການເຫັນດີອະນຸມັດເລື່ອນ ສະມາຊິກພັກສຳຮອງ ຂຶ້ນເປັນສະມາຊິກສົມບູນ ຈຳນວນ 5 ສະຫາຍ, ຍິງ 2 ສະຫາຍ ຊຶ່ງໃນນັ້ນມີສະມາຊິກຈາກໜ່ວຍພັກຫ້ອງການ 2 ສະຫາຍ, ຍິງ 1 ສະຫາຍ; ໜ່ວຍພັກ ສະຖາບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກ 2 ສະຫາຍ, ຍິງ 1 ສະຫາຍ ແລະ ໜ່ວຍພັກ ກົມແຜນການ ແລະ ການຮ່ວມມື 1 ສະຫາຍ.

ໂອກາດດັ່ງກ່າວ,ສະຫາຍ ຮອງເລຂາຄະນະພັກ ກວຕ ຍັງໄດ້ໃຫ້ກຽດໂອ້ລົມ ແລະ ໃຫ້ຄຳໂອວາດຊຶ່ງສະຫາຍໄດ້ສະແດງຄວາມຊົມເຊີຍຕໍ່ສະມາຊິກພັກໃໝ່ ແລະ ສະແດງຄວາມຍິນດີຮັບເອົາທັງ 5 ສະຫາຍ ເປັນສະມາຊິກພັກສົມບູນ ຂອງພັກປະຊາຊົນປະຕິວັດລາວ. ສະຫາຍຍັງໄດ້ໃຫ້ຄຳເຫັນຕໍ່ສະມາຊິກພັກທັງກົ່າ ແລະ ໃໝ່ ຈົ່ງເພີ່ມທະວີຄວາມຮັບຜິດຊອບຕໍ່ໜ້າວຽກຂອງຕົນ, ມີສະຕິຕໍ່ການຈັດຕັ້ງສູງ, ຢຶດໝັ້ນ ແລະ ເປັນເອກະພາບຕໍ່ແນວທາງນະໂຍບາຍຂອງພັກ-ລັດ, ປະກອບສ່ວນຄວາມຮູ້ ຄວາມສາມາດຂອງຕົນ ເຂົ້າໃນວຽກງານທີ່ການຈັດຕັ້ງມອບໝາຍໃຫ້, ສືບຕໍ່ຍົກລະດັບຄວາມຮູ້ຄວາມສາມາດຂອງຕົນ ເພື່ອປະກອບສ່ວນເຂົ້າໃນການສ້າງສາພັດທະນາ ປະເທດຊາດ.

ເຂົ້າຮ່ວມຮ່ວມໃນພິທີຄັ້ງນີ້ ມີສະຫາຍເລຂາ,ຮອງເລຂາໜ່ວຍພັກຂອງຫ້ອງການ, ບັນດາກົມ, ສະຖາບັນອ້ອມຂ້າງກະຊວງ, 3 ອົງການຈັດຕັ້ງມະຫາຊົນ ແລະ ສະມາຊິກພັກທີ່ກ່ຽວຂ້ອງເຂົ້າຮ່ວມ.

ບົດຂ່າວ: ບຸນທັນ ນັນທະວົງ

altaltaltaltaltaltalt