Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ອົງການຈັດຕັ້ງ ມະຫາຊົນ ອົງການຈັດຕັ້ງ ຊາວໜຸ່ມ ໜ່ວຍຊາວໜຸ່ມກົມກວດກາ ເປີດກອງປະຊຸມໃຫຍ່ຄັ້ງ ທີ II

ໜ່ວຍຊາວໜຸ່ມກົມກວດກາ ເປີດກອງປະຊຸມໃຫຍ່ຄັ້ງ ທີ II

46ໜ່ວຍຊາວໜຸ່ມກົມກວດກາ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ເປີດກອງປະຊຸມໃຫຍ່ ຄັ້ງທີ II

ໃນຕອນເຊົ້າວັນທີ 05 ມີນາ 2019 ທີ່ຫ້ອງປະຊຸມສະຖາບັນການຄຸມຄອງວິທະຍາສາດ ແລະ ເຕັກໂນໂລຊີ ໂດຍ ການເຂົ້າຮ່ວມຂອງ ສະຫາຍ ເຮີເຊັງ ເຢຍບໍເຮີ, ຫົວໜ້າ ກົມ, ເລຂາໜ່ວຍພັກກົມດັ່ງກ່າວ; ສະຫາຍ ແກ້ວອຸທອນ ລຸນແສງຈັນ, ຮອງເລຂາຄະນະບໍລິຫານງານຊາວໜຸ່ມ ກວຕ; ສະຫາຍ ນາງ ພະທຸມວັນ ສຸລິຍະ, ເລຂາຊາວໜຸ່ມ ກົມກວດກາ; ທ່ານ ສົມສະຫວາດ ໂພທິສັດ, ຫົວໜ້າກຳມະບານກົມ ກວດກາ ແລະທ່ານ ນາງ ສຸດາວັນ ດວງມະ ນີວົງ, ຫົວໜ້າສະຫະພັນແມ່ຍິງ ກົມດັ່ງກ່າວ.

ກອງປະຊຸມຄັ້ງນີ້, ສະຫາຍ ມັງກອນ ແກ້ວຄຳດີ, ຮອງເລຂາຊາວໜຸ່ມກົມກວດກາ ໄດ້ຂຶ້ນຜ່ານບົດສະ ຫຼຸບຕີລາຄາການເຄື່ອນໄຫວວຽກງານຂອງໜ່ວຍຊາວ ໜຸ່ມຮາກຖານໃນໄລຍະຜ່ານມາ ແລະ ສະເໜີທິດທາງແຜນ ການ 05 ປີຕໍ່ໜ້າ(2019-2023) ຊຶ່ງໄດ້ຍົກໃຫ້ເຫັນວຽກງານດ້ານວິຊາສະເພາະທີ່ໄດ້ສຳເລັດໃນຫຼາຍດ້ານ ແລະ ປະກອບສ່ວນເຄື່ອນໄຫວຂະບວນ ການຕ່າງໆ, ພ້ອມນັ້ນດ້ຈັດ ຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ I ຂອງຄະນະບໍລິຫານງານຊາວໜຸ່ມກະຊວງວິທະຍາສາດ ແລະ ເຕັກໂນໂລຊີ ແລະ ມະຕິກອງປະຊຸມໃຫຍ່ຄັ້ງທີ I ຂອງໜ່ວຍຊາວໜຸ່ມຮາກຖານກົມກວດກາ ກວຕ ໃຫ້ໄດ້ ຮັບການຈັດຕັ້ງປະຕິບັດຢ່າງທົ່ວເຖິງ ແລະ ມີປະສິດທິຜົນສູງ.

ພາຍຫຼັງສຳເລັດການຜ່ານບົດສະຫຼຸບຕີລາຄາວຽກງານໃນໄລຍະຜ່ານມາ, ຄະນະເລຂາຊາວໜຸ່ມ ຮາກຖານຊຸດເກົ່າໄດ້ກ່າວ ອຳລາໜ້າທີ່.

ຄະນະຮັບຜິດຊອບການດຳເນີນການປ່ອນບັດຄັດເລືອກເອົາຄະນະຊາວໜຸ່ມຊຸດໃໝ່; ຜ່ານການປ່ອນບັດຄັ້ງນີ້ ສາມາດເລືອກໄດ້ຄະນະຊາວໜຸ່ມຊຸດໃໝ່ຊຶ່ງປະ ກອບດວ້ຍ: ສະຫາຍມັງກອນແກ້ວຄຳດີ, ເປັນເລຂາ, ສະຫາຍສາຍແກ້ວບຸນຄຳດີເປັນຮອງເລຂາ ແລະ ສະຫາຍເພັດທະນູພອນສີວໍລະເພັດເປັນຄະນະ.

ໂອກາດດຽວກັນນີ້, ສະຫາຍ ແກ້ວອຸທອນ ລຸນແສງຈັນ, ຮອງເລຂາຄະນະບໍລິຫານງານຊາວໜຸ່ມ ກວຕ ໄດ້ໃຫ້ກຽດໂອ້ລົມ ແລະ ມີຄຳເຫັນຕໍ່ສະມາຊິກຊາວ ໜຸ່ມທຸກສະຫາຍ ຊຶ່ງສະຫາຍໄດ້ສະແດງ ຄວາມຍ້ອງຍໍຊົມເຊີຍຄະນະໜ່ວຍຊາວໜຸ່ມຮາກຖານກົມກວດກາ ຊຸດເກົ່າທີ່ໄດ້ເອົາໃຈໃສ່ນຳພາ ແລະ ປະຕິບັດໜ້າທີ່ວຽກງານ, ສ້າງຜົນງານຫຼາຍໆດ້ານໃນໄລຍະຜ່ານມາ ແລະ ຊົມຊົມຕໍ່ຄະນະໜ່ວຍຊາວ ໜຸ່ມຊຸດໃໝ່ທີ່ໄດ້ຮັບຄວາມ ໄວ້ວາງໃຈຈາກບັນດາສະມາຊິກ ຊາວໜຸ່ມ.

ສະຫາຍຍັງໄດ້ເນັ້ນໃຫ້ສະມາຊິກຊາວໜຸ່ມໃຫ້ມີສະຕິຄວາມອຸ່ນອຽນທຸ່ນທ່ຽງ, ມີຄວາມຫ້າວ ຫັນ, ມີຄວາມໜັກແໜ້ນ, ກ້າຄິດ, ກ້າສະແດງອອກ ແລະ ກ້າ ຮັບຜິດຊອບ, ປະຕິບັດກົດລະບຽບຂອງຊາວໜຸ່ມຢ່າງເຄັ່ງຄັດ.

ພ້ອມນັ້ນສະຫາຍຍັງຮຽກຮ້ອງໃຫ້ເອົາໃຈຄົ້ນຄວ້າ ແລະ ຮ່ຳຮຽນ ເຂົ້າໃນຂະແໜງການທີກ່ຽວຂ້ອງເພື່ອນຳມາພັດທະນາ ແລະ ສ້າງສາປະເທດຊາດໃຫ້ຈະເລີນ ຮຸ່ງເຮືອງເທື່ອລະກ້າວ.

ສະຫາຍຕາງໜ້າຈາກອົງການຈັັດຕັ້ງຊາວໜຸ່ມຈາກຫ້ອງການ, ກົມ, ສະຖາບັນພ້ອມດ້ວຍບັນດາ ສະມາຊິກຊາວໜຸ່ມພາຍໃນກົມເຂົ້າຮ່ວມກອງປະຊຸມຄັ້ງນີ້.

ຂ່າວ ແລະ ຮູບ: ແສງທອງ ວັນນະທຳ

434749484445