Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ອົງການຈັດຕັ້ງ ມະຫາຊົນ ອົງການຈັດຕັ້ງ ແມ່ຍິງ ກະຊວງວິທະຍາສາດ ແລະ ເຕັກໂນໂລຊີ ສະເຫຼີມສະ ຫຼອງວັນແມ່ຍິງສາກົນ

ກະຊວງວິທະຍາສາດ ແລະ ເຕັກໂນໂລຊີ ສະເຫຼີມສະ ຫຼອງວັນແມ່ຍິງສາກົນ

56ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດພິທີສະ ເຫຼີມສະຫຼອງວັນແມ່ຍິງສາກົນຄົບຮອບ 109 ປີ ( 08

ມີນາ 1910-08ມີນາ 2019) ແລະ ສໍາມະນາວຽກງານວິທະຍາສາດ, ເຕັກໂນໂລຊີ, ນະວັດຕະກໍາ ແລະ ຊັບສິນ ທາງປັນຍາ ຂອງ ສະຫະພັນແມ່ຍິງ ກະຊວງວິທະຍາສາດ ແລະ ເຕັກໂນໂລຊີ ຂຶ້ນວັນທີ 7 ມີນາ 2019 ຜ່ານມາ, ຢູ່ທີ່ຫ້ອງປະຊຸມຂອງກະຊວງດັ່ງກ່າວ.

ໃຫ້ກຽດເຂົ້າຮ່ວມເປັນປະທານຂອງ ສະຫາຍ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງ ພັກ, ເລຂາຄະນະພັກ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ; ສະຫາຍ ນາງ ແກ້ວໄພວັນ ດວງ ສະຫວັນ, ຮອງປະທານສະຫະພັນແມ່ຍິງ ກວຕ ຊຶ່ງມີຄະນະພັກ-ຄະນະນໍາ, ອົງການຈັດຕັ້ງມະຫາຊົນ ແລະ ເອື້ອຍນ້ອງສະຫະພັນແມ່ຍິງພາຍໃນກະຊວງ ພ້ອມດ້ວຍແຂກຖືກເຊີນເຂົ້າຮ່ວມຢ່າງພ້ອມພຽງ.

ໃນພິທີຄັ້ງນີ້, ສະຫາຍ ນາງ ແກ້ວໄພວັນ ດວງສະຫວັນ, ຮອງປະທານສະຫະພັນແມ່ຍິງ ກວຕ ໄດ້ຍົກ ໃຫ້ເຫັນເຖິງປະຫວັດຄວາມເປັນມາຂອງວັນແມ່ຍິງສາກົນ ຊຶ່ງໃນວັນທີ 08 ມີນາ 1899 ກຳມະກອນແມ່ຍິງຢູ່ ໂຮງງານຕ່ຳແຜ່ນ ແລະ ຕັດຫຍິບ ທີ່ເມືອງນິວຢອກ, ສະຫະລັດອາເມຣິກາ ໄດ້ເຕົ້າໂຮມຊຸມນຸມປະທ້ວງ ແລະ ຄັດ ຄ້ານຕໍ່ການໃຫ້ຄ່າແຮງງານຕ່ຳ ແລະ ສະຖານທີ່ເຮັດວຽກບໍ່ຮັບປະກັນຕໍ່ສຸຂະພາບ, ການປະທ້ວງຂອງເຂົາເຈົ້າຄັ້ງນັ້ນຖືກຕຳຫຼວດເຂົ້າສະລາຍ ແລະ ຈັບກຸມຈຳນວນໜຶ່ງ.

ວັນທີ 08 ມີນາ 1908, ແມ່ຍິງ ຈຳນວນ 15,000ຄົນ ໄດ້ເດີນຂະບວນຢູ່ເມືອງນິວຢອກ ເພື່ອທ້ວງໃຫ້ນາຍທືນຫຼຸດຜ່ອນຊົ່ວໂມງເຮັດວຽກ, ຢຸດເຊົາການ ຂຸດຮີບແຮງງານເດັກນ້ອຍ ແລະ ທວງໃຫ້ແມ່ຍິງ ມີສິດໃນການອອກສຽງເລືອກຕັ້ງ ແລະ ການຮັບສະໝັກເລືອກຕັ້ງ. ເດືອນກຸມພາ 1909 ແມ່ຍິງອາເມຣິກາ ໄດ້ຈັດພິທີສະ ຫຼອງ ວັນແມ່ຍິງສາກົນ ເປັນຄັ້ງທຳອິດ ຢູ່ເມືອງນິວຢອກມີແມ່ຍິງ3,000 ຄົນເຂົ້າຮ່ວມການຕໍ່ສູ້ຄັດຄ້ານລັດຖະບານ ທີ່ບໍ່ຢອມໃຫ້ແມ່ຍິງ ມີສິດຮັບເລືອກຕັ້ງ.

ການຕໍ່ສູ້ດັ່ງກ່າວເປັນການລະດົມນ້ຳໃຈຕໍ່ສູ້ຂອງແມ່ຍິງ ທີຖືກກົດຂີ່ຂຸດຮີບຢູ່ບັນດາປະເທດຕ່າງໆໃນທົ່ວໂລກ.

ມາເຖິງປີ 1910 ຂະບວນການຕໍ່ສູ້ຂອງແມ່ຍິງ ໄດ້ແຜ່ຂະຫຍາຍກວ້າງອອກໄປສູ່ປະເທດນາຍທືນ ຢູ່ທະວີບເອີຣົບ ແລະ ໃນປີນັ້ນເອງ ກອງປະຊຸມສາກົນ ກ່ຽວກັບບັນຫາແມ່ຍິງ ຄັ້ງທຳອິດໄດ້ຈັດຂຶ້ນ ຢູ່ໂກເປນຮາກນະຄອນຫຼວງຂອງປະເທດ ເດນມາກ(Copenhagen Denmark), ມີຜູ້ແທນ 100 ກວ່າຄົນ ຈາກ 17 ປະ ເທດເຂົ້າຮ່ວມ.

ກອງປະຊຸມດັ່ງກ່າວ ໄດ້ຮັບຮອງ ແລະ ຕົກລົງເອົາວັນທີ 8 ມີນາ ຂອງທຸກໆປີ ເປັນວັນແມ່ຍິງສາກົນ. ວັນທີ 8 ມີນາ ແມ່ນເຫດການ-ການເມືອງ ທີ່ສຳຄັນ, ເປັນ ຂີດໝາຍແຫ່ງໄຊຊະນະອັນພື້ນຖານຂອງຂະບວນການແມ່ຍິງສາກົນ ໃນການຕໍ່ສູ້ທວງເອົາສິດຜົນປະໂຫຍດອັນເປັນທຳໃຫ້ແກ່ແມ່ຍິງຊາວຜູ້ອອກແຮງານໃນທົ່ວໂລກ, ເປັນ ວັນລະນຶກເຖິງການຕໍ່ສູ້ຂອງແມ່ຍິງ ເພື່ອປົດປ່ອຍຕົນເອງ ແລະ ທວງໃຫ້ມີສິດສະເໝີພາບ ປະຊາທິປະໄຕ ຄືກັນກັບຜູ້ຊາຍ, ທວງໃຫ້ພວກນາຍທຶນແກ້ໄຂຊີວິດການເປັນຢູ່ ພາຍໃຕ້ຄຳຂວັນ “ຜູ້ໜຶ່ງເຮັດວຽກມື້ລະ 8 ຊົ່ວໂມງ, ແມ່ຍິງ ແລະ ຜູ້ຊາຍ ເຮັດວຽກຄືກັນ ຕ້ອງໄດ້ຮັບເງິນເດືອນເທົ່າກັນ, ຕ້ອງມີລະບຽບປ້ອງກັນສຸຂະພາບຂອງແມ່ຍິງ ແລະ ເດັກນ້ອຍ, ຕ້ານສົງຄາມຮຸກຮານ, ປົກປັກຮັກສາສັນຕິພາບຂອງໂລກ”.

ປີຕໍ່ມາ ວັນທີ 19/3/1991 ວັນແມ່ຍິງສາກົນໄດ້ຮັບການສະເຫຼີມສະຫຼອງໂດຍມີປະຊາຊົນເຂົ້າຮ່ວມຫຼາຍກວ່າລ້ານຄົນຢູ່ໃນບັນດາປະເທດເອີຣົບເຊັ່ນ: ປະເທດ ໂອຕຣິດ, ແດນມາກ, ເຢຍລະມັນ, ສະວິດເຊີແລນ.

ຂ່າວ ແລະ ຮູບ: ແສງທອງ ວັນນະທຳ

5760595861