Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ອົງການຈັດຕັ້ງ ມະຫາຊົນ ອົງການຈັດຕັ້ງ ແມ່ຍິງ ໜ່ວຍສະຫະພັນແມ່ຍິງກົມເຕັກໂນໂລຊີ ແລະ ນະວັດ ຕະກຳ ດໍາເນີນກອງປະຊຸມໃຫຍ່ຄັ້ງທີ II

ໜ່ວຍສະຫະພັນແມ່ຍິງກົມເຕັກໂນໂລຊີ ແລະ ນະວັດ ຕະກຳ ດໍາເນີນກອງປະຊຸມໃຫຍ່ຄັ້ງທີ II

50ກອງປະຊຸມໃຫຍ່ຄັ້ງທີ II ຂອງໜ່ວຍສະຫະພັນແມ່ຍິງ ກົມເຕັກໂນໂລຊີ ແລະ ນະວັດຕະກຳ ໄດ້ຈັດຂຶ້ນ ໃນວັນທີ

28 ກຸມພາ 2019 ຜ່ານມາ ຢູ່ທີ່ຫ້ອງປະຊຸມ ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ໂດຍໃຫ້ ກຽດເຂົ້າຮ່ວມເປັນປະທານຂອງ ສະຫາຍ ສຸມານະ ຈຸລະມະນີ, ຄະນະພັກກະຊວງ, ເລຂາໜ່ວຍພັກ, ຫົວໜ້າ ກົມເຕັກໂນໂລຊີ ແລະ ນະວັດຕະກຳ, ສະຫາຍ ນາງ ໂສດາ ລາດຊະສີມາ, ຮອງຫົວໜ້າສະຖາບັນການຄຸ້ມຄອງວິ ທະຍາສາດ ແລະ ເຕັກໂນໂລຊີ, ຮອງປະທານສະຫະພັນ ແມ່ຍິງ ກວຕ, ມີສະຫາຍ ຕາງໜ້າໜ່ວຍຊາວໜຸ່ມ, ກຳ ມະບານ ແລະ ບັນດາສະຫາຍຜູ້ຕາງໜ້າອົງການຈັດຕັ້ງແມ່ຍິງ ຈາກຫ້ອງການ, ກົົມ, ສະຖາບັນອ້ອມຂ້າງກະຊວງ ແລະ ສະມາຊິກສະຫະພັນແມ່ຍິງ ກົມເຕັກໂນໂລຊີ ແລະ ນະວັດຕະກຳເຂົ້າຮ່ວມ.

ໂອກາດດັ່ງກ່າວ, ສະຫາຍ ນາງ ເພັນນະພາ ພົມມະຈັນ, ເລຂາໜ່ວຍສະຫະພັນແມ່ຍິງ ກົມເຕັກໂນໂລຊີ ແລະ ນະວັດຕະກຳ ໄດ້ຂຶ້ນຜ່ານບົດສະຫຼຸບການເຄື່ອນໄຫວຂອງໜ່ວຍສະຫະພັນແມ່ຍິງ ໃນໄລຍະຜ່ານມາ ແລະ ສະເໜີແຜນ ການເຄື່ອນໄຫວໃນຕໍ່ໜ້າຊຶ່ງມີຜົນສຳເລັດໃນຫຼາຍດ້ານອັນເປັນການປະກອບສ່ວນ ເຂົ້າໃນວຽກງານວິ ຊາສະເພາະ ແລະການເຄື່ອນໄຫວໃນວຽກງານຂອງສະຫະພັນແມ່ຍິງ ນອກນັ້ນ, ຍັງມີບາງຂໍ້ຄົງຄ້າງທີ່ຈະຕ້ອງໄດ້ສືບຕໍ່ເພື່ອວາງຄາດໝາຍສູ້ຊົນໃນຕໍ່ໜ້າ.

ໃນກອງປະຊຸມຄັ້ງນີ້ ບັນດາຜູ້ແທນຍັງໄດ້ຮັບເອົາບົດລາຍງານດັ່ງກ່າວ ແລະ ຄະນະໜ່ວຍສະຫະພັນແມ່ຍິງຊຸດເກົ່າກໍໄດ້ຂຶ້ນກ່າວອຳລາໜ້າທີ່ ພາຍຫຼັງສິ້ນສຸດໜ້າ ທີ່ຕາມວາລະທີ່ໄດ້ກໍານົດໄວ້ພ້ອມນັ້ນ, ກອງປະຊຸມແມ່ນໄດ້ດຳເນີນການປ່ອນບັດຄັດເລືອກເອົາຄະນະໜ່ວຍສະຫະພັນແມ່ຍິງຊຸດໃໝ່ ຊຶ່ງຜົນຂອງການປ່ອນບັດສາມາດ ເລືອກໄດ້ຄະນະໜ່ວຍສະຫະພັນແມ່ຍິງຊຸດໃໝ່ຊຶ່ງປະກອບມີ: ສະຫາຍນາງ ພຸດ ພົມມີໄຊ ເປັນເລຂາ,ສະຫາຍ ນາງ ເພັນນະພາ ພົມມະຈັນ ເປັນຮອງເລຂາ ແລະ ສະ ຫາຍ ນາງຄານວິໄລ ຄົງຕະກຸນ ເປັນຄະນະໜ່ວຍສະຫະພັນແມ່ຍິງ ກົມເຕັກໂນໂລຊີ ແລະ ນະວັດຕະກຳ.

ໃນຕອນທ້າຍ, ສະຫາຍ ນາງ ໂສດາ ລາດຊະສີມາ, ຮອງປະທານສະຫະພັນແມ່ຍິງ ກວຕ ກໍໄດ້ໃຫ້ກຽດໂອ້ລົມ ແລະ ມີຄໍາຄິດເຫັນຕໍ່ກອງປະຊຸມ ຊຶ່ງສະຫາຍ ໄດ້ສະແດງຄວາມຊົມເຊີຍຄະນະໜ່ວຍສະຫະພັນແມ່ຍິງ ເຕັກໂນໂລຊີ ແລະ ນະວັດຕະກຳ ຊຸດເກົ່າ ທີ່ໄດ້ເອົາໃຈໃສ່ນຳພາ, ປະຕິບັດໜ້າທີ່ວຽກງານ ແລະ ສ້າງຜົນງານໄດ້ ຫຼາຍດ້ານໃນໄລຍະ1ປີຜ່ານມາ ແລະ ຊົມເຊີຍຕໍ່ຄະນະໜ່ວຍແມ່ຍິງຊຸດໃໝ່ ທີ່ໄດ້ຮັບຄວາມໄວ້ວາງໃຈຈາກບັນດາສະຫາຍສະມາຊິກແມ່ຍິງພາຍໃນ ເຕັກໂນໂລຊີ ແລະ ນະ ວັດຕະກຳ.

ສະຫາຍຍັງໄດ້ຮຽກຮ້ອງໃຫ້ບັນດາສະມາຊິກແມ່ຍິງທຸກສະຫາຍເອົາໃຈໃສ່ຝຶກຝົນຫຼໍ່ຫຼອມຕົນເອງທາງດ້ານແນວຄິດໃຫ້ມີຄວາມສະຫງົບ, ອຸ່ນອ່ຽງທຸ່ນທ່ຽງ, ຫ້າວ ຫັນ ແລະ ເປັນເຈົ້າການໃນການປະຕິບັດໜ້າທີ່ວຽກງານ, ມີຄວາມກ້າຫານ, ກ້າເຮັດ, ກ້າຮັບຜິດຊອບ, ປະຕິບັດກົດລະບຽບຂອງສະຫະພັນແມ່ຍິງຢ່າງເຄັ່ງຄັດ, ເອົາໃຈໃສ່ ຄົ້ນຄວ້າ ແລະ ຮໍ່າຮຽນດ້ານວິທະຍາສາດ ແລະ ເຕັກໂນໂລຊີຢ່າງຕໍ່ເນື່ອງ ເພື່ອປະກອບສ່ວນເຂົ້າໃນການພັດທະນາວຽກງານ ວິທະຍາ ສາດ ແລະ ເຕັກໂນໂລຊີຂອງປະ ເທດເຮົາໃຫ້ນັບມື້ນັບທັນສະໄໝ ເທື່ອລະກ້າວ.

ພາບ ແລະ ຂ່າວ: ບຸນທັນ ນັນທະວົງ

5153525455