Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ອົງການຈັດຕັ້ງ ມະຫາຊົນ ອົງການຈັດຕັ້ງ ກຳມະບານ ໜ່ວຍສະຫະພັນກຳມະບານສະຖາບັນພະລັງງານທົດແທນ ແລະ ວັດສະດຸໃໝ່ ສໍາເລັດກອງປະຊຸມໃຫຍ່ຄັ້ງທີ່ II

ໜ່ວຍສະຫະພັນກຳມະບານສະຖາບັນພະລັງງານທົດແທນ ແລະ ວັດສະດຸໃໝ່ ສໍາເລັດກອງປະຊຸມໃຫຍ່ຄັ້ງທີ່ II

80ໜ່ວຍກຳມະບານຮາກຖານສະຖາບັນພະລັງງານທົດແທນ ແລະ ວັດສະດຸໃໝ່ (ສພວ), ກະຊວງວິທະຍາສາດ

 ແລະ ເຕັກໂນໂລຊີ(ກວຕ)ໄດ້ຈັດກອງປະຊຸມໃຫຍ່ຄັ້ງທີ II ຂອງຕົນຂຶ້ນໃນວັນທີ 11 ມີນາ 2019 ທີ່ຫ້ອງປະຊຸມສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ, ໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ນາງ ໄມຕີ ວົງຄຳຊາວ, ຄະນະພັກກະຊວງ, ເລຂາໜ່ວຍພັກ, ຫົວໜ້າ ສພວ, ມີສະຫາຍບຸນປອນ ບົວແພງ, ຮອງປະທານສະຫະພັນກຳມະບານກວຕ, ສະຫາຍ ສາຍສະໝອນ ຈັນສະຫງ່າ, ເລຂາໜ່ວຍກຳມະບານຮາກຖານ ສພວ, ສະຫາຍ ນາງ ສຸລິນທາ ໂຄດຕະວົງ, ຫົວໜ້າໜ່ວຍສະຫະພັນແມ່ຍິງ ສພວ, ສະຫາຍ ນາງ ນິພາພອນ ພົມມະຈັນ, ເລຂາໜ່ວຍຊາວໜຸ່ມຮາກຖານ ສພວ ແລະບັນດາສະຫາຍທີ່ຕາງໜ້າສະຫະພັນກຳມະບານຫ້ອງການ, ກົມ, ສະຖາບັນພາຍໃນ ກວຕ ແລະ ສະມາຊິກກຳມະບານຂອງ ສພວ ເຂົ້າຮ່ວມ.

ໂອກາດດັ່ງກ່າວ, ສະຫາຍ ສາຍສະໝອນ ຈັນສະຫງ່າ ໄດ້ຂຶ້ນຜ່ານບົດສະຫຼຸບຕີລາຄາການເຄື່ອນໄຫວວຽກງານຜ່ານມາ ແລະສະເໜີທິດທາງແຜນການ 5ປີຕໍ່ໜ້າຂອງໜ່ວຍກຳມະບານຮາກຖານ ສພວ ວ່າ: ໃນປັດຈຸບັນ, ໜ່ວຍມີສະມາຊິກກຳມະບານທັງໝົດ 35 ສະຫາຍ, ຍິງ 11 ສະຫາຍ, ຜ່ານມາໜ່ວຍຂອງຕົນໄດ້ເອົາໃຈໃສ່ສຶກສາອົບຮົມການ ເມືອງ ແນວຄິດໃຫ້ແກ່ສະມາຊິກກຳມະບານເປັນປະຈຳແນ່ໃສ່ເພື່ອສ້າງໃຫ້ສະມາຊິກພາຍໃນ ໜ່ວຍມີຄວາມໜັກແໜ້ນທາງດ້ານການເມືອງແນວຄິດ,ກຳແໜ້ນ ແລະ ເຊື່ອມຊືມຕໍ່ແນວທາງນະໂຍບາຍຂອງພັກ-ລັດ, ມີນໍ້າໃຈຮັກຊາດ,ຮັກປະຊາຊົນ ຫ້າວຫັນປະຕິບັດໜ້າທີ່ວຽກງານກໍຄືວິຊາສະເພາະຂອງຕົນໄດ້ດີ.

ນອກຈາກນັ້ນ, ກໍໄດ້ເອົາໃຈໃສ່ປຸກລະດົມໃຫ້ສະມາຊິກເຂົ້າຮ່ວມຮັບຟັງການເຜີຍແຜ່ເອກະສານແນວທາງນະ ໂຍບາຍຂອງພັກ ກໍຄືມະຕິຄຳສັ່ງຂອງ ສູນກາງສະຫະພັນກຳມະບານລາວວາງອອກ ເພື່ອເຮັດໃຫ້ສະມາຊິກກຳມະບານພາຍໃນໜ່ວຍ ມີແນວຄິດອຸ່ນອ່ຽນທຸນທ່ຽງເຊື່ອໝັ້ນຕໍ່ການນຳພາອັນສະຫຼາດສ່ອງໃສຂອງພັກ,ຫ້າວຫັນປະຕິບັດໜ້າທີ່ວຽກງານວິຊາສະເພາະຂອງຕົນດ້ວຍຄວາມຮັບຜິດຊອບສູງ ແລະ ສໍາເລັດທຸກໜ້າທີ່ວຽກງານ ທີ່ການຈັດຕັ້ງມອບໝາຍໃຫ້, ຍ້ອນມີຄວາມສາມັກຄີກັນຢ່າງແໜ້ນແຟ້ນຂອງສະມາຊິກໜ່ວຍກໍາມະບານ ສພວ ໄດ້ຮ່ວມຈິດຮ່ວມໃຈກັນສ້າງຕັ້ງ ແລະ ມີສ່ວນຮ່ວມໃນການສ້າງກອງທຶນຊ່ວຍເຫຼືອເຊິ່ງກັນ ແລະ ກັນ ຂຶ້ນໃນປີ 2014ມາຮອດປັດຈຸບັນ ໄດ້ມີເງິນກອງທືນທັງໝົດ ຈໍານວນ 11,852,698 ກີບ.

ພ້ອມກັນນັ້ນ, ສະມາຊິກພາຍໃນໜ່ວຍກໍໄດ້ເອົາໃຈໃສ່ໃນການຄົ້ນຄວ້າ, ຊອກຮູ້ຮຳ່ຮຽນ ບັນດາບົດຮຽນຕ່າງໆ ພ້ອມທັງຍົກລະດັບຄວາມຮູ້ຄວາມສາມາດແລະ ແລະ ຍົກລະດັບວິຊາສະເພາະຂອງຕົນຢ່າງຕໍ່ເນື່ອງເພື່ອຮອງຮັບວຽກງານທີ່ໄດ້ຮັບຕາມການມອບໝາຍ ສະແດງອອກໄດ້ຄື: ສະມາຊິກພາຍໃນໜ່ວຍໄດ້ໄປສືບຕໍ່ຮໍ່າຮຽນຢູ່ຕ່າງປະເທດໃນລະດັບປະລິນຍາເອກ 4 ສະຫາຍ, ປະລິນຍາໂທ 8 ສະຫາຍ, ພາຍໃນປະເທດ 1 ສະຫາຍ.

  ພາຍຫຼັງການສະຫຼຸບຜົນງານໃນໄລຍະຜ່ານມາແລ້ວ, ຄະນະໜ່ວຍຊຸດເກົ່າໄດ້ຂຶ້ນກ່າວຄຳອຳລາໜ້າທີ່ຫຼັງຈາກນັ້ນກອງປະຊຸມໄດ້ດຳເນີນການປ່ອນປັດຄັດເລືອກເອົາຄະນະໜ່ວຍສະຫະພັນຊຸດໃໝ່ ຊຶ່ງຜົນການປ່ອນບັດຄັດເລືອກຄະນະໜ່ວຍຊຸດໃໝ່ໄດ້ຄື: ສະຫາຍ ນົກແກ້ວ ແກ້ວດວງຈິດ, ເປັນເລຂາ; ສະຫາຍ ໂດນ້າ ສຸລິຍາໄທ, ເປັນຮອງ ແລະ ສະຫາຍ ນາງ ແກ້ວມະນີ ວັນສາລີ, ເປັນຄະນະໜ່ວຍສະຫະພັນກຳມະບານ ສພວ.

ໂອກາດດັ່ງກ່າວນີ້, ສະຫາຍ ບຸນປອນ ບົວແພງ,ຮອງປະທານສະຫະພັນກຳມະບານ ກວຕ ໄດ້ໃຫ້ກຽດໂອ້ລົມແລະ ມີຄຳເຫັນຕໍ່ກອງປະຊຸມ ສະຫາຍໄດ້ສະແດງຄວາມຊົມເຊີຍຕໍ່ຄະນະໜ່ວຍກຳມະບານຊຸດໃໝ່ ທີ່ໄດ້ຮັບຄວາມໄວ້ວາງໃຈຈາກບັນດາສະຫາຍສະມາຊິກກຳມະບານພາຍໃນສະຖາບັນພະລັງງານທົດແທນ ແລະ ວັດສະດຸໃໝ່ ກວຕ ແລະຊົມເຊີຍຕໍ່ຄະນະໜ່ວຍກຳມະບານຮາກຖານຊຸດເກົ່າທີ່ໄດ້ເອົາໃຈໃສ່ປະຕິບັດໜ້າທີ່ວຽກງານ ແລະ ສ້າງຜົນງານໄດ້ຫຼາຍດ້ານໃນໄລຍະຜ່ານມາ.ພ້ອມນັ້ນ, ສະຫາຍຍັງໄດ້ເນັ້ນໃຫ້ບັນດາສະມາຊິກກຳມະບານທຸກສະຫາຍສືບຕໍ່ເອົາໃຈຝຶກຝົນຫຼໍ່ຫຼອມຕົນເອງທາງດ້ານການເມືອງແນວຄິດແລະ ປະຕິບັດໜ້າທີ່ວຽກງານຂອງຕົນເອງຕາມການມອບໝາຍ, ມີຄວາມກ້າຫານ, ກ້າເຮັດ ແລະ ກ້າຮັບຜິດຊອບ, ເອົາໃຈໃສ່ຊອກຫາຄົ້ນຄ້ວາ, ຮ່ຳຮຽນເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ ແລະ ເຂັ້ມງວດໃນການປະຕິບັດກົດລະບຽບຂອງສະຫະພັນກຳມະບານຢ່າງເຄັ່ງຄັດ.

ພາບ ແລະ ຂ່າວ: ບຸນທັນ ນັນທະວົງ

76817584838278
7977