Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ກອງປະຊຸມກ່ຽວກັບການສ້າງແຜນພັດທະນາ ສະພາບັນດິດ ວິທະຍາສາດ ແລະ ເຕັກໂນໂລຊີ ແຫ່ງຊາດລາວ

ກອງປະຊຸມກ່ຽວກັບການສ້າງແຜນພັດທະນາ ສະພາບັນດິດ ວິທະຍາສາດ ແລະ ເຕັກໂນໂລຊີ ແຫ່ງຊາດລາວ

altແຜນພັດທະນາ ສະພາບັນດິດວິທະຍາສາດ ແລະ ເຕັກໂນໂລຊີ ແຫ່ງຊາດລາວ ຊຶ່ງເປັນໂຄງການຮ່ວມມື 2 ຝ່າຍລະ

ຫວ່າງ ຫ້ອງການສະພາວິທະຍາສາດ ແຫ່ງຊາດ, ກະຊວງວິທະຍາສາດ ແລະ ເຕັກໂນໂລຊີສປປ ລາວ ແລະ ສະພາບັນດິດວິທະຍາສາດ ແລະ ເຕັກໂນໂລຊີ ສສ ຫວຽດນາມ ເພື່ອໃຫ້ວຽກງານວິທະຍາສາດ ແລະ ເຕັກໂນໂລຊີ ໄດ້ມີການພັດທະນາຢ່າງເຂັ້ມແຂງ ໃນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງປະເທດ ເຮົາ, ໃນວັນທີ 26 ທັນວາ 2018, ຢູ່ທີ່ກະຊວງວິທະຍາສາດ ແລະ ເຕັກໂນໂລຊີ ໄດ້ມີກອງປະຊຸມ ກ່ຽວກັບການ ສ້າງແຜນພັດທະນາ ສະພາບັນດິດວິທະຍາສາດ ແລະ ເຕັກໂນໂລຊີ ແຫ່ງຊາດລາວ ພາຍໃຕ້ການເປັນປະທານຂອງ ທ່ານ ປອ. ຈັນແສງ ພິມມະວົງ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ.

ຈຸດປະສົງຂອງກອງປະຊຸມໃນຄັ້ງນີ້ແມ່ນ ເພື່ອສືບຕໍ່ປຶກສາຫາລື ແລະ ປະກອບຄໍາເຫັນຕໍ່ຮ່າງແຜນພັດ ທະນາ ສະພາບັນດິດວິທະຍາສາດ ແລະ ເຕັກໂນໂລຊີ ແຫ່ງຊາດລາວ ໃນການຈັດຕັ້ງຜັນຂະຫຍາຍກົດໝາຍ ວ່າດ້ວຍ ວິທະຍາສາດ ແລະ ເຕັກໂນໂລຊີ ທີ່ສະພາແຫ່ງຊາດ ໄດ້ຮັບຮອງເອົາໃນປີ 2013 ຜ່ານມາ ວ່າດ້ວຍການ ສ້າງຕັ້ງສະພາບັນດິວິທະຍາສາດ ແລະ ເຕັກໂນໂລຊີ. ພ້ອມກັນນັ້ນ, ເພື່ອໃຫ້ວຽກງານດັ່ງກ່າວໄດ້ມີການຄຸ້ມຄອງ ແລະ ສົ່ງເສີມການຄົ້ນຄວ້າວິທະຍາສາດ ແລະ ເຕັກໂນໂລຊີ ຂອງປະເທດເຮົາ ເພື່ອກ້າວເຂົ້າສູ່ການພັດທະນາເສດຖະກິດ-ສັງຄົມ ໃນຍຸກການປະຕິວັດອຸດສາຫະກຳ ຄັ້ງທີ່ 4 ຫຼື ເອີ້ນວ່າ ຍຸກ 4.0.

ເປົ້າໝາຍໂດຍລວມຂອງການສ້າງສະພາບັນດິດ ວິທະຍາສາດ ແລະ ເຕັກໂນໂລຊີ ແຫ່ງຊາດລາວ ແມ່ນເພື່ອໃຫ້ເປັນສູນເຕົ້າໂຮມບັນດາວິທະຍາສາດ ແລະ ເຕັກ ໂນໂລຊີ ທົ່ວປະເທດທີ່ມີຫຼາຍຂະແໜງການ, ຫຼາຍຂົງເຂດ, ເປັນແຫຼ່ງການພັດທະນາຊັບພະຍາກອນມະນຸດທາງດ້ານວິທະຍາສາດ ແລະ ເຕັກໂນໂລຊີ ທີ່ມີຄວາມສາມາດ ລະດັບສູງ, ມີພື້ນຖານໂຄ່ງລ່າງທີ່ທັນສະໄໝ, ສາມາດຕອບສະໜອງຕໍ່ການພັດທະນາວຽກງານວິທະຍາສາດ ແລະ ເຕັກໂນໂລຊີ ຂອງ ສປປ ລາວ ໃນການຮັບໃຊ້ຢ່າງມີ ປະສິດທິພາບຕໍ່ການພັດທະນາເສດຖະກິດ-ສັງຄົມ ແລະ ຮັບປະກັນໃຫ້ວຽກງານປ້ອງການຊາດ, ປ້ອງກັນຄວາມສະຫງົບ.

ການຈັດຕັ້ງປະຕິບັດການຮ່ວມມື 2 ຝ່າຍໃນໄລຍະຜ່ານມາ ເປັນຕົ້ນແມ່ນວຽກງານການສ້າງຄວາມເຂັ້ມແຂງ ການພັດທະນາວິທະຍາສາດ ແລະ ເຕັກໂນໂລຊີ ສປປ ລາວ ປະກອບມີ 3 ກິດຈະກຳຫຼັກຄື: ການພັດທະນາຊັບພະຍາກອນມະນຸດ, ການສະໜັບສະໜູນອຸປະກອບປະກອບໃຫ້ຫ້ອງທົດລອງ ແລະ ການສ້າງແຜນພັດ ທະນາ ວິທະຍາສາດ ແລະ ເຕັກໂນໂລຊີ ຂອງ ສປປ ລາວ.

ເຂົ້າຮ່ວມກອງປະຊຸມດັ່ງກ່າວມີ ບັນດາທ່ານຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ທ່ານ ຮສຈ. ເຈິນ ຕວນ ແອັງ, ຫົວໜ້າສະຖາບັນປັດ ຕະພີວິທະຍາ, ສະພາບັນດິດວິທະຍາສາດ ແລະ ເຕັກໂນໂລຊີ ສສ ຫວຽດນາມ, ບັນດາຜູ້ຕາງໜ້າຈາກບັນດາກະຊວງ, ມະຫາວິທະຍາໄລ ແລະ ພາກສ່ວນທີ່ກ່ຽວຂ້ອງເຂົ້າ ຮ່ວມທັງໝົດ 50 ກວ່າຄົນ.

ໃນຕອນເຊົ້າຂອງວັນດຽວກັນ ທ່ານ ຮສຈ. ເຈິນ ຕວນ ແອັງ, ຫົວໜ້າສະຖາບັນປັດຕະພີວິທະຍາ, ສະພາບັນດິດວິທະຍາສາດ ແລະ ເຕັກໂນໂລຊີ ສສ ຫວຽດນາມ ພ້ອມດ້ວຍຄະນະທີ່ເດີນທາງມາເຂົ້າຮ່ວມກອງປະຊຸມຄັ້ງນີ້ ກໍໄດ້ເຂົ້າຢ້ຽມຂ່ຳນັບ ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ຢູ່ທີ່ຫ້ອງການຮັບແຂກຂອງກະຊວງ.

ບົດຂ່າວ: ບຸນທັນ ນັນທະວົງ

altaltaltaltaltaltalt