Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ພິທີເຊັນບົດບັນທຶກຄວາມເຂົ້າໃຈ ກ່ຽວກັບການຮ່ວມ ສ້າງຫ້ອງ ກວດສອບຄຸນນະພາບແຮ່ທາດ, ວັດຖຸມີຄ່າ ແລະ ອັນຍະມະນີ ໃນ ສປປ ລາວ

ພິທີເຊັນບົດບັນທຶກຄວາມເຂົ້າໃຈ ກ່ຽວກັບການຮ່ວມ ສ້າງຫ້ອງ ກວດສອບຄຸນນະພາບແຮ່ທາດ, ວັດຖຸມີຄ່າ ແລະ ອັນຍະມະນີ ໃນ ສປປ ລາວ

altວັນທີ 19 ຕຸລາ 2018 ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດພິທີເຊັນ

ບົດບັນທຶກຄວາມເຂົ້າໃຈກ່ຽວກັບການຮ່ວມສ້າງຫ້ອງ ກວດສອບຄຸນນະພາບແຮ່ທາດ, ວັດຖຸມີຄ່າ ແລະ ອັນ ຍະມະນີ ໃນ ສປປ ລາວ, ຢູ່ທີ່ໂຮງແຮມດອນຈັນ ພາເລດ ນະຄອນຫຼວງວຽງຈັນ, ໃຫ້ກຽດເປັນປະທານ ທ່ານ ບັນດິດ ສຈ. ບໍ່ວຽງຄຳ ວົງດາລາ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງວິທະຍາສາດ ແລະ ເຕັກ ໂນໂລຊີ.

ທ່ານ ວຽງທອງ ວົງທະວິໄລ ຫົວໜ້າກົມມາດຕະຖານ ແລະ ວັດແທກ ໄດ້ກ່າວຈຸດປະສົງໃນການເຊັນ ບົດບັນທຶກໃນຄັ້ງນີ້ວ່າ: ເພື່ອເປັນການຮ່ວມກັນສ້າງບົດສຶກສາຄວາມເປັນໄປໄດ້ຂອງໂຄງການຄຸ້ມຄອງ, ກວດສອບ ຄຸນນະພາບແຮ່ທາດ, ວັດຖຸມີຄ່າ ແລະ ອັນຍະມະນີ ຢູ່ສປປ ລາວ.

ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມທັງເປັນການເອື້ອອຳນວຍຄວາມສະດວກໃຫ້ ແກ່ພາກລັດ ແລະ ເອກະຊົນ ໃຫ້ຮັບປະກັນຄຸນນະພາບ ແລະ ຖຶກຕ້ອງຕາມມາດຕະ ຖານແຫ່ງຊາດ ແລະ ມາດຕະຖານສາກົນ ແລະ ກໍເພື່ອສ້າງຫ້ອງກວດສອບຄຸນນະພາບແຮ່ທາດ, ວັດຖຸມີຄ່າ ແລະ ອັນຍະມະນີ ຢູ່ສປປ ລາວ ເພື່ອເປັນການຕອບສະໜອງນະໂຍບາຍຂອງ ລັດຖະບານໃນການສ້າງພື້ນຖານໂຄງລ່າງດ້ານຄຸນນະພາບແຫ່ງຊາດ ສະໜອງການບໍລິການກວດກາຄຸນນະພາບ ກວດສອບຄຸນ ນະພາບແຮ່ ທາດ, ວັດຖຸ ມີຄ່າ ແລະ ອັນຍະມະນີໃຫ້ກັບສັງຄົມ, ທັງເປັນການຮັບປະກັນຄຸນນະພາບຂອງຜະລິດຕະພັນ, ຮັບປະກັນຄວາມປອດໄພຂອງປະຊາຊົນ, ເປັນການປັບປຸງລະບົບມາດຕະຖານຂອງຜະ ລິດຕະພັນມີຄວາມສົມບູນ ແລະ ສອດຄ່ອງກັບການກຳນົດຂອງລະບຽບການ.

ໂຄງການຮ່ວມມືດັ່ງກ່າວ ແມ່ນຊ່ວຍກໍ່ສ້າງພະນັກງານບຸກຄະລາກອນ ດ້ານກວດກາຄຸນນະພາບໃຫ້ມີຄວາມສາມາດ ແລະ ເປັນທີ່ຍອມຮັບ, ທັງສາມາດເຊື່ອມ ໂຍງກັບພາກພື້ນ ແລະ ສາ ກົນໄດ້ໃນວຽກງານການກວດກາ ແລະ ຢັ້ງຢືນຄຸນນະພາບເຮ່ທາດ, ວັດຖຸມີຄ່າ ແລະ ອັນຍະມະນີ.

ລົງນາມເຊັນບົດບັນທຶກຄວາມເຂົ້າໃຈໃນຄັ້ງນີ້ໂດຍ ທ່ານ ວຽງທອງ ວົງທະວິໄລ ຫົວໜ້າກົມມາດຕະຖານ ແລະ ວັດແທກ, ທ່ານ ບຸນໂຮມ ພານຸວົງ ຫົວໜ້າ ສູນຢັ້ງຢືນມາດຕະຖານ ແລະ ກວດກາຄຸນນະພາບແຫ່ງຊາດ ແລະ ທ່ານ ຄຳຜາຍ ສີລາຊາ ປະທານ ບໍລິສັດ ກຸ່ມດວງຈະເລີນພັດທະນາກໍ່ສ້າງ ຈຳກັດ.

ເຂົ້າຮ່ວມເປັນສັກຂີພະຍານໃນຄັ້ງນີ້ມີບັນດາທ່ານ ຮອງ ລັດຖະມົນຕີ ກວຕ, ຫົວໜ້າຫ້ອງການ, ກົມ, ສະຖາບັນ ແລະ ພະນັກງານວິຊາການທັງສອງພາກສ່ວນ.

ຂ່າວ: ທັດສະນີ ພົງບັນດິດ

ພາບ: ແສງທອງ ວັນນະທຳ

altaltaltaltalt