Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ລາວ-ຈີນ ສ້າງຈຸດປະສານງານທາງດ້ານການພັດທະນາ ວິທະຍາສາດ

ລາວ-ຈີນ ສ້າງຈຸດປະສານງານທາງດ້ານການພັດທະນາ ວິທະຍາສາດ

altພິທີເປີດປ້າຍ ແລະ ຫ້ອງການຂອງສະຖາບັນຄົ້ນຄວ້າ ຊີວະນາໆພັນອາຊີຕາເວັນອອກສ່ຽງໃຕ້ ຢູ່ ສປປ ລາວ ຈັດ

ຂຶ້ນ ໃນວັນທີ 17 ຕຸລາ 2018 ທີ່ສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ແລະ ໄດ້ຮັບກຽດການເຂົ້າຮ່ວມພິທີດັ່ງກ່າວ ຂອງທ່ານ ຈາງຢາປິງ, ຮອງປະທານສະ ພາບັນ ດິດວິທະຍາສາດ ສປ ຈີນ ແລະ ທ່ານ ຈັນແສງ ພິມມະວົງ, ຮອງລັດຖະມົນຕີ ກວຕ.

ຫ້ອງການດັ່ງກ່າວ ຕັ້ງຢູ່ສະຖາບັນນິເວດວິທະຍາ ແລະ ເຕັກໂນໂລຊີ ຊີວະພາບ (ເຂດດົງໝາກຄາຍ), ກວຕ ມີພາລະບົດບາດເປັນຈຸດປະສານງານການຮ່ວມມືທາງດ້ານການພັດທະນາຊັບພະຍາກອນມະນຸດ ແລະ ສ້າງ ຄວາມເຂັ້ມແຂງ ກ່ຽວກັບການສຶກສາ ຄົ້ນຄວ້າທາງດ້ານຊີວະນາໆພັນ, ການອະນຸລັກ, ສ້າງເປັນສວນພຶກສາສາດ ທໍາມະຊາດແບບຍືນຍົງ ເພື່ອການທ່ອງທ່ຽວລະບົບນິເວດ ຕາມແລວທາງລົດໄຟ ລາວ-ຈີນ.

ການສ້າງຫ້ອງການນີ້ ແມ່ນໄດ້ຮັບການສະໜັບສະໜູນ ແລະ ການຮ່ວມມື ຈາກສວນພຶກສາສາດ ສິບສອງປັນນາ, ສະພາບັນດິດວິທະຍາສາດ, ສປ ຈີນ ປະກອບ ດ້ວຍການສ້າງພື້ນຖານໂຄງລາງ, ຫ້ອງທົດລອງ ການຄົ້ນຄວ້າ ແລະ ການພັດທະນາຊັບພະຍາກອນມະນຸດ ໃຫ້ແກ່ ສປປ ລາວ.

ການຮ່ວມມືລະຫວ່າງ ສອງຝ່າຍນີ້ ເປັນການຜັນຂະຫຍາຍ ແລະ ຈັດຕັ້ງປະຕິບັດ ບົດບັນທຶກການຮ່ວມມື ລະຫວ່າງ ກວຕ ແລະ ສະພາບັນດິດວິທະຍາສາດ, ສປ ຈີນ ທີ່ໄດ້ເຊັນສັນຍາເມື່ອວັນທີ 17 ສິງຫາ 2017 ທີ່ຜ່ານມາຊຶ່ງໄດ້ສະແດງເຖິງການເສີມຂະຫຍາຍຕາມທິດ 4 ດີ ຄື: ເປັນບ້ານໃກ້ເຮືອນຄຽງທີ່ດີຕໍ່ກັນ, ເປັນຄູ່ຮ່ວມມືທີ່ ດີ, ເປັນອ້າຍນ້ອງທີ່ດີ ແລະ ເປັນສະຫາຍທີ່ດີ, ພ້ອມນັ້ນກໍເປັນການຈັດຕັ້ງຜັນຂະຫຍາຍ ຕາມນະໂຍບາຍການຮ່ວມມື ໜຶ່ງແລວ, ໜຶ່ງເສັ້ນທາງຂອງ ສປ ຈີນ ໃນການເປັນ ເພື່ອນຮ່ວມຊະຕາກໍາສັງຄົມນິຍົມອັນດຽວກັນ ທີ່ບໍ່ສາມາດຕັດແຍກອອກຈາກກັນໄດ້ ຄືດັ່ງທີ່ທ່ານ ສີຈິນຜິງ ໄດ້ກ່າວໄວ້.

ໃນໂອກາດທີ່ ທ່ານ ຈາງຢາປິງ, ຮອງປະທານສະພາບັນດິດວິທະຍາສາດ ສປ ຈີນ ພ້ອມດ້ວຍຄະນະໄດ້ເດີນທາງມາເຮັດວຽກຢູ່ ສປປ ລາວ ແລະ ເຂົ້າຮ່ວມພິທີ ເປີດປ້າຍ ຫ້ອງການຂອງສະຖາບັນຄົ້ນຄວ້າຊີວະນາໆພັນອາຊີຕາເວັນອອກສ່ຽງໃຕ້ ຄັ້ງນີ້ແລ້ວ ຍັງຮ່ວມເຮັດວຽກກັບສະຖາບັນ ນິເວດວິທະຍາ ແລະ ເຕັກໂນໂລຊີ ເພື່ອປຶກ ສາຫາລື ແນວທາງຮ່ວມມືກັນໃນອະນາຄົດ. ຫຼັງຈາກນັ້ນ, ສອງຝ່າຍຍັງໄດ້ ລົງນາມເຊັນບົດບັນທຶກກອງປະຊຸມພົບປະການຮ່ວມມືຂອງສອງຝ່າຍຮ່ວມກັນ.

ຕາງໜ້າຈາກບັນດາກະຊວງ, ມະຫາວິທະຍາໄລແຫ່ງຊາດ, ສະພາບັນດິດວິທະຍາສາດ ສປ ຈີນ ແລະ ລັດຖະກອນ ຈາກສະຖາບັນນິເວດວິທະຍາຂ້ອງເຂົ້າຮ່ວມ ພິທີເປີດປ້າຍດັ່ງກ່າວ.

ໃນຕອນແລງຂອງວັນດຽວກັນ, ທ່ານ ຮອງປະທານສະພາບັນດິດວິທະຍາສາດ ສປ ຈີນ ພ້ອມດ້ວຍຄະນະ ໄດ້ເຂົ້າຢ້ຽມຂຳນັບ ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ປະທານສະພາວິທະຍາສາດ ແຫ່ງຊາດຢູ່ທີ່ຫ້ອງຮັບແຂກ ຂອງ ກວຕ.

ພາບ ແລະ ຂ່າວ: ບຸນທັນ ນັນທະວົງ

altaltaltaltaltaltaltalt
alt