ເປີດຊຸດຝຶກອົບຮົມພາສາ ຈີນ ໃຫ້ແກ່ພະນັກງານ-ລັດ ຖະກອນ ພາຍໃນ ກວຕ

There are no translations available.

076ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ, ກະຊວງວິທະຍາສາດ ແລະ ເຕັກໂນໂລຊີ (ກວຕ)

ຮ່ວມກັບ ສະຖາບັນຂົງຈື ສປ ຈີນ ໄດ້ຈັດພິທີເປີດຊຸດຝຶກອົບຮົມພາສາ ຈີນ ໃຫ້ແກ່ພະນັກງານ-ລັດຖະກອນ ພາຍ ໃນ ກວຕ, ໃຫ້ກຽດເປັນປະທານຮ່ວມຂອງ ທ່ານ ພິມພາ ອຸດທະຈັກ, ຫົວໜ້າສະຖາບັນການຄຸ້ມຄອງວິທະ ຍາສາດ ແລະ ເຕັກໂນໂລຊີ ແລະ ທ່ານ ຄຳຮຸ່ງ ຈັນທະວົງ, ຮັກສາການສະຖາບັນຂົງຈື.

ຈຸດປະສົງຂອງການຝຶກອົບຮົມໃນຄັ້ງນີ້, ແມ່ນເພື່ອແນໃສຍົກລະດັບຄວາມຮູ້ດ້ານພາສາຕ່າງປະເທດ ໃຫ້ ແກ່ພະນັກງານ-ລັດຖະກອນ ພາຍໃນ ກວຕ, ໂດຍສະເພາະ ແມ່ນພາສາຈີນ ເພື່ອສ້າງຄວາມສະດວກໃນການພົວ ພັນຮ່ວມມືລະຫວ່າງ ພັກ-ລັດ ກໍຄື ປະຊາຊົນສອງຊາດ ເວົ້າລວມ, ເວົ້າສະເພາະແມ່ນການພົວພັນ ຮ່ວມມື ລະ ຫວ່າງ ສອງກະຊວງວິທະຍາສາດ ແລະ ເຕັກໂນໂລຊີ ສປປ ລາວ-ສປ ຈີນ ໃຫ້ນັບມື້ໄດ້ຮັບການເພີ່ມພູນຄູນສ້າງ ແລະ ເຕີບໃຫຍ່ຂະຫຍາຍຕົວຂຶ້ນຢ່າງ ບໍ່ຢຸດຢັ້ງ.

ໃນໂອກາດກ່າວເປີດພິທີຊຸດຝຶກອົບຮົມ, ທ່ານ ພິມພາ ອຸດທະຈັກ, ໄດ້ກ່າວສະແດງຄວາມຂອບໃຈມາ ຍັງຜູ້ອຳນວຍການຂອງສະຖາບັນຂົງຈື ທັງຝ່າຍລາວ ແລະ ຝ່າຍຈີນ ທີ່ໄດ້ເຂົ້າຮ່ວມ ແລະ ໄດ້ສະໜອງຄູອາຈານຜູ້ທີ່ມີບົດຮຽນ ແລະ ປະສົບການ ມາຊ່ວຍໃນການຝຶກ ອົບຮົມໃນຄັ້ງນີ້ ຊຶ່ງໃນທຸກໆປີສະຖາບັນການຄຸ້ມຄອງ ວິທະຍາສາດ ແລະ ເຕັກໂນໂລຊີ ແມ່ນຈະມີແຜນໃນການຈັດຝຶກອົບຮົມຍົກລະດັບພາສາຕ່າງປະເທດ ໃນນັ້ນກໍມີພາ ສາຈີນ ພ້ອມດຽວກັນນັ້ນ, ທ່ານ ຍັງໄດ້ຮຽກຮ້ອງມາຍັງນັກສຳມະນາກອນທຸກໆທ່ານທີ່ເຂົ້າຮ່ວມໃນການຝຶກອົບຮົມໃນຄັ້ງນີ້ ຈົ່ງສຸມຈິດສຸມໃຈໃນການສຶກສາຮ່ຳຮຽນ, ເປັນຕົ້ນແມ່ນ ການປະຕິບັດໂມງເວລາ, ການແລກປ່ຽນບົດຮຽນນຳຄູອາຈານ, ໃຫ້ມີຄວາມເອົາໃຈໃສເປັນເຈົ້າຕົນເອງ ເພື່ອຍາດແຍ່ງເອົາຄວາມຮູ້ນຳຄູອາຈານມາສູ່ຕົນເອງ ໃຫ້ໄດ້ຫຼາຍທີ່ສຸດ.

ພາຍຫຼັງສຳເລັດການຝຶກອົບຮົມພາສາດັ່ງກ່າວແລ້ວ ທາງສອງສະຖາບັນກໍຈະມີການສະຫຼຸບຕີລາຄາ ແລະ ຖອດຖອນບົດຮຽນໃນການຈັດຊຸດຝຶກອົບຮົມໃນຄັ້ງ ນີ້ ເພື່ອປັບປຸງໃນການຈັດຕັ້ງປະຕິບັດຈັດຊຸດຝຶກອົບຮົມໃນຕໍ່ໜ້າ.

ພິທີດັ່ງກ່າວໄດ້ຈັດຂຶ້ນໃນຕອນເຊົ້າວັນທີ 03 ສິງຫາ 2020, ທີ່ຫ້ອງປະຊຸມຂອງ ສະຖາບັນນິເວດວິທະຍາ ແລະ ເຕັກໂນໂລຊີ ຊີວະພາບ ກວຕ, ຊຶ່ງມີທ່ານ ນາງ ໂສດາ ລາຊາສີມມາ, ຮອງຫົວໜ້າສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ, ທ່ານ ນາງ ຫຼີຊ່ຽວ, ຜູ້ອໍານວຍການສະຖາບັນຂົງຈື ຝ່າຍ ສປ ຈີນ, ຄູອາ ຈານ ຈາກສະຖາບັນຂົງຈື, ນັກສຳມະນາກອນ ທີ່ມາຈາກຫ້ອງການ, ກົມ, ສະຖາບັນ ແລະ ພະນັກງານທີ່ກ່ຽວຂ້ອງເຂົ້າຮ່ວມທັງໝົດ 30 ກວ່າ ທ່ານ.

ໃນນັ້ນ ມີນັກສຳມະນາກອນຈຳນວນ 25 ທ່ານ ຊຶ່ງການຝຶກອົບຮົມຄັ້ງນີ້ ແມ່ນຈະໄດ້ດຳເນີນເປັນເວລາ 16 ອາທິດຈຶ່ງຈະສຳເລັດ.

ຂ່າວ ແລະ ຮູບ: ບາລະຄອນ ສຸວັນນະພາສີ

077078079080