ໜ່ວຍກໍາມະບານຮາກຖານ ກົມເຕັກໂນໂລຊີ ແລະ ນະວັດຕະກໍາ ແລະ ກົມຊັບສິນທາງປັນຍາ ຮັບເອົາສະມາຊິກກໍາມະບານໃໝ່

008ໜ່ວຍກຳມະບານຮາກຖານ ກົມເຕັກໂນໂລຊີ ແລະ ນະວັດຕະກຳ ແລະ ກົມຊັບສິນທາງປັນຍາ, ກະຊວງ

ວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດພິທີຮັບເອົາມະຫາຊົນກ້າວໜ້າເຂົ້າເປັນສະມາຊິກກຳມະບານໃໝ່. ພິທີດັ່ງກ່າວໄດ້ຈັດຂຶ້ນໃນຕອນບ່າຍຂອງວັນທີ 5 ພະຈິກ 2019 ນີ້, ທີ່ຫ້ອງປະຊຸມໃຫຍ່ຂອງສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ, ກວຕ ໂດຍພາຍໃຕ້ການເຂົ້າຮ່ວມເປັນປະທານຂອງ ສະຫາຍ ບຸນປອນ ບົວແພງ, ຮອງປະທານສະຫະພັນກຳມະບານ, ກວຕ, ສະຫາຍ ນາງ ຄໍາຍອງ ສີຈັນທະວົງ, ຮອງເລຂາໜ່ວຍພັກກົມເຕັັກໂນໂລຊີ ແລະ ນະວັດຕະກຳ, ສະຫາຍຫົວໜ້າໜ່ວຍກຳມະບານຮາກຖານ ກົມເຕັັກໂນໂລຊີ ແລະ ນະວັດຕະກຳ, ກົມຊັບສິນທາງປັນຍາ, ຊຶ່ງມີບັນດາຜູ້ຕາງໜ້າໜ່ວຍກໍາມະບານຮາກຖານຫ້ອງການ, ກົມ, ສະຖາບັນພາຍໃນ ກວຕ ພ້ອມດ້ວຍສະມາຊິກກຳມະບານຂອງທັງສອງກົມເຂົ້າຮ່ວມ.

ໃນພິທີດັ່ງກ່າວ ແມ່ນຈັດຂຶ້ນພາຍຫຼັງທີ່ໜ່ວຍກຳມະບານຮາກຖານຂອງສອງກົມ ໄດ້ຈັດຕັ້ງການຮຽນ ກົດລະບຽບໃຫ້ແກ່ມະຫາຊົນກ້າວໜ້າ ແລະ ມີປະຊາມະຕິເປັນເອກະພາບເຫັນດີຮັບເອົາມະຫາຊົນກ້າວໜ້າ ເຂົ້າເປັນສະມາຊິກກຳມະບານໃໝ່ຂອງໜ່ວຍກໍາມະບານຮາກຖານກົມເຕັກໂນໂລຊີ ແລະ ນະວັດຕະກຳ ຈຳນວນ 1 ສະຫາຍ ແລະ ໜ່ວຍກໍາມະບານຮາກຖານກົມຊັບສິນທາງປັນຍາ ຈຳນວນ 3 ສະຫາຍ, ຍິງ 2 ສະຫາຍ, ຊຶ່ງສະມາຊິກກຳມະບານໃໝ່ທັງ4ສະຫາຍນັ້ນລ້ວນແລ້ວແຕ່ແມ່ນບຸກຄົນທີ່ມີຄວາມຮູ້ ຄວາມສາມາດ ແລະ ຫ້າວຫັນບຸກບືນຕົນເອງຈົນໄດ້ຮັບຄວາມໄວ້ເນື້ອເຊື່ອໃຈ ຈາກໜ່ວຍກໍາມະບານຂອງກົມ ກໍຄືສະຫະພັນກໍາມະບານ ກວຕ.

ໃນວາລະດໍາເນີນພິທີຄັ້ງນີ້ ສະຫາຍຜູ້ຕາງໜ້າມະຫາຊົນກ້າວໜ້າໄດ້ຂຶ້ນອ່ານໃບສະໝັກເຂົ້າເປັນສະມາຊິກກຳມະບານ,ພ້ອມກັນນັ້ນ ຄະນະໜ່ວຍກຳມະບານຮາກຖານຂອງສອງກົມ ກໍໄດ້ຜ່ານຂໍ້ຕົກລົງຂອງປະທານສະຫະພັນກຳມະບານ ກວຕ ວ່າດ້ວຍການຮັບຮອງເອົາມະຫາຊົນກ້າວໜ້າເຂົ້າເປັນສະມາຊິກກຳມະບານ.

ໃນໂອກາດດຽວກັນ, ສະຫາຍ ບຸນປອນ ບົວແພງ, ຮອງປະທານສະຫະພັນກຳມະບານ ກວຕ ກໍໄດ້ໃຫ້ກຽດໂອ້ລົມ ແລະ ສະແດງຄວາມຊົມເຊີຍຕໍ່ໜ່ວຍກຳມະບານຮາກຖານທອງສອງໜ່ວຍ ທີ່ສາມາດຂະຫຍາຍສະມາຊິກກຳມະບານໃນຄັ້ງນີ້.ພ້ອມດຽວກັນນັ້ນ, ສະຫາຍຍັງໄດ້ຮຽກຮ້ອງຕໍ່ສະມາຊິກກຳມະບານໃໝ່ ຈົ່ງພ້ອມກັນເອົາໃຈໃສ່ປະຕິບັດມະຕິຄຳສັ່ງຕ່າງໆຈາກຂັ້ນເທິງ, ປະຕິບັດລະບຽບຂອງລັດຖະກອນ,ເພີ່ມການສຶກສາອົບຮົມເພື່ອການຕິດຕາມເບິ່ງແຍ່ງຊ່ວຍເຫຼືອເຊິ່ງກັນ ແລະ ກັນ, ກຳແໜ້ນແນວທາງນະໂຍບາຍ, ກົດລະບຽບຂອງສະຫະພັນກຳມະບານ, ເຂົ້າຮ່ວມທຸກການເຄື່ອນໄຫວຕ່າງໆ, ເປັນແບບຢ່າງທີດີ ແລະສືບຕໍ່ເຄື່ອນໄຫວວິຊາສະເພາະຂອງຕົນຕິດພັນກັບການເຄື່ອນໄຫວຂອງວຽກງານກໍາມະບານ, ເສຍເງິນສະຕິ ແລະ ຝຶກຝົນຫຼໍ່ຫຼອມຕົນເອງໃຫ້ກາຍເປັນພະນັກງານທີ່ມີຄວາມເຂັ້ມແຂງ ມີປະສິດທິພາບ ແລະ ປະສິດທິຜົນ.

ຂ່າວ ແລະ ຮູບພາບ: ແສງທອງ ວັນນະທຳ.

009010011012013014