ທ່ານລັດຖະມົນຕີ ກວຕ ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ດຣ. Alexei BorisivichStieltsov

There are no translations available.

025ໃນຕອນແລງວັນທີ 7 ສິງຫາ 2019 ຜ່ານມາ ທີ່ຫ້ອງຮັບແຂກຂອງ ກະຊວງ ວິທະຍາສາດ ແລະ ເຕັກໂນໂລຊີ

(ກວຕ), ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກວຕ ເປັນກຽດຕ້ອນຮັບການເຂົ້າຢ້ຽມຂ່ຳນັບຈາກຄະນະຜູ້ແທນຈາກມະຫາວິທະຍາໄລແຫ່ງລັດ (Kaluga Kaluga State University) ຊຶ່ງນໍາໂດຍນັກນິເວດວິທະຍາຜູ້ຊົງກຽດຂອງຣັດເຊຍ, ສາສະດາຈານທາງດ້ານວິທະຍາສາດຊີວະພາບ ທ່ານ ດຣ. Alexei BorisivichStieltsov, ຜູ້ຕາງໜ້າ Rossotrudinchestvo ປະຈຳ ສປປ ລາວ ທີ່ໄດ້ມາເຮັດວຽກຢູ່ ສປປ ລາວ.

ການພົບປະກັນຄັ້ງນີ້ ໄດ້ພິຈາລະນາເຖິງບັນຫາການຮ່ວມມືໃນຂົງເຂດວິທະຍາສາດ ແລະ ການຈັດຕັ້ງກອງປະຊຸມທາງວິທະຍາສາດ. ທັງສອງຝ່າຍ ເຫັນດີທີ່ຈະຜັນຂະຫຍາຍ ບັນຫາທີ່ໄດ້ສົນທະນາກັນ ລະຫວ່າງ ສະພາບັນດິດວິທະຍາສາດຣັດເຊຍ ແລະ ລາວ.

ການຜັນຂະຫຍາຍການພົບປະຄັ້ງນີ້, ຕາມຂໍ້ສະເໜີຂອງທ່ານລັດຖະມົນຕີ ກວຕ ແມ່ນຈັດຕັ້ງການພົບປະກັນໃນລະດັບຄະນະນຳກະຊວງ ແລະ ສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ.

ທັງສອງຝ່າຍ ໃຫ້ຄວາມສົນໃຈໃນການເຮັດວຽກຮ່ວມກັນໃນການກວດເຝົ້າລະວັງຄວາມຫຼາກຫຼາຍທາງຊີວະພາບລວມໄປເຖິງການສຳຫຼວດຮ່ວມກັນ.

ສະນັ້ນ, ມະຫາວິທະຍາໄລແຫ່ງລັດ Kaluga ແລະ ສະຖາບັນນິເວດວິທະຍາ ແລະ ເຕັກໂນໂລຊີ ຊີວະພາບ ໄດ້ຕົກລົງທີ່ຈະເລີ່ມເຮັດວຽກ ແລະ ລົງນາມບົດບັນທຶກຄວາມເຂົ້າໃຈກ່ຽວກັບການຮ່ວມມືດັ່ງກ່າວໃນອະນາຄົດ.

026027028029