ກອງປະຊຸມປຶກສາຫາລືປະກອບຄຳເຫັນໃສຮ່າງດຳລັດ ວ່າດ້ວຍບັນຊີເຕັກໂນໂລຊີ

There are no translations available.

056ກົມເຕັກໂນໂລຊີ ແລະ ນະວັດຕະກຳ, ກະຊວງວິທະຍາ ສາດ ແລະ ເຕັກໂນໂລຊີ (ກວຕ) ໄດ້ຈັດກອງປະຊຸມປຶກ

ສາຫາລື ປະກອບຄຳເຫັນໃສຮ່າງດຳລັດວ່າດ້ວຍບັນຊີເຕັກໂນໂລຊີ ຂຶ້ນໃນຕອນເຊົ້າຂອງວັນທີ 11 ສິງຫາ 2020, ທີ່ຫ້ອງປະຊຸມຊັ້ນ 4 ຂອງ ກວຕ ໂດຍການເປັນປະທານ ຂອງ ທ່ານ ຫຸມພັນ ອິນທະຣາດ, ຄະນະພັກກະຊວງ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ.

ຈຸດປະສົງຂອງກອງປະຊຸມແມ່ນ ເພື່ອປຶກສາຫາລື ປະກອບຄຳເຫັນໃສຮ່າງດຳລັດ ແລະ ຮັບຟັງກ່ຽວກັບ ຂະບວນການຂອງການສ້າງຮ່າງດຳລັດ ຕາມຂັ້ນຕອນການສ້າງນິຕິກຳລຸ່ມກົດໝາຍຂອງກົດໝາຍວ່າດ້ວຍການຖ່າຍ ທອດເຕັກໂນໂລຊີ ທີ່ໄດ້ປະກາດນຳໃຊ້ໂດຍ ປະທານປະເທດແຫ່ງ ສປປ ລາວ ສະບັບເລກທີ 314/ປປທ, ລົງວັນທີ 18 ທັນວາ 2017.

ໃນໂອກາດກ່າວເປີດກອງປະຊຸມ ທ່ານຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ໄດ້ກ່າວວ່າ: ໃນການສ້າງຮ່າງດຳລັດສະບັບນີ້ ກໍເພື່ອເປັນ ເຄື່ອງມືທາງດ້ານນິຕິກຳ ຮັບໃຊ້ໃຫ້ແກ່ການຄຸ້ມຄອງ ແລະ ການເຄື່ອນໄຫວວຽກງານຕ່າງໆ ທີ່ຕິດພັນກັບເຕັກໂນໂລຊີ ຊຶ່ງໃນດຳລັດສະບັບນີ້ໄດ້ກຳນົດຫລັກການ, ລະບຽບ ການ ແລະ ມາດຕະການຕ່າງໆ ເພື່ອການຄຸ້ມຄອງ ແລະ ຊຸກຍູ້ສົ່ງເສີມວຽກງານການຖ່າຍທອດເຕັກໂນໂລຊີ ໃນ ສປປ ລາວ ຮັບປະກັນໃຫ້ແກ່ການຄຸ້ມຄອງລວມສູນ ວຽກງານເຕັກໂນໂລຊີ, ເຮັດໃຫ້ຜູ້ຜະລິດໄດ້ນໍາໃຊ້ເຕັກໂນໂລຊີ ທີ່ກ້າວໜ້າ ທັນສະໄໝ ແລະ ເໝາະສົມ, ຮັບປະກັນໃຫ້ແກ່ຜະລິດຕະພັນສິນຄ້າທີ່ຜະລິດອອກມາມີລັກ ສະນະແຂ່ງຂັນ ແລະ ເຊື່ອມໂຍງກັບພາກພື້ນ ແລະ ສາກົນ ເພື່ອໃຫ້ແທດເໝາະກັບສະພາບຕົວຈິງຂອງການພັດທະນາເສດຖະກິດ-ສັງຄົມ ຂອງປະເທດເຮົາໃນໄລຍະໃໝ່.

ຜູ້ເຂົ້າຮ່ວມກອງປະຊຸມຍັງໄດ້ມີການປຶກສາຫາລື ແລະ ປະກອບຄຳເຫັນຢ່າງກົງໄປກົງມາ ແລະ ມີຄວາມເປັນເອກະພາບສູງໃນການສະໜັບສະໜູນຕໍ່ກັບຮ່າງດຳ ລັດສະບັບນີ້ ໃຫ້ສາມາດນຳສະເໜີຕໍ່ກອງປະຊຸມຂອງຄະນະລັດຖະບານພິຈາລະນາຮັບຮອງ ແລະ ປະກາດນຳໃຊ້ ຢ່າງເປັນທາງການ.

ກອງປະຊຸມດັ່ງກ່າວ ມີຜູ້ເຂົ້າຮ່ວມຈາກຫ້ອງການ, ກົມ, ສະຖາບັນພາຍໃນ ກວຕ, ຜູ້ຕາງໜ້າຈາກກະຊວງ ແລະ ບັນດາຂະແໜງການທີ່ກ່ຽວຂ້ອງ ຈໍານວນທັງ ໝົດ 50 ກວ່າທ່ານ.

ພາບ ແລະ ຂ່າວ: ແສງທອງ ວັນນະທຳ

057058059060