ກົມເຕັກໂນໂລຊີດິຈິຕ໋ອນ ຈັດຝຶກອົບຮົມການນຳໃຊ້ ລະ ບົບ E-Voting ໃຫ້ທ້ອງຖິ່ນ

010ໃນລະຫວ່າງວັນທີ 29 ມິຖຸນາ - 1 ກໍລະກົດ 2020 ຜ່ານມາ, ກົມເຕັກໂນໂລຊີດິຈິຕ໋ອນ, ກະຊວງວິທະ ຍາສາດ

ແລະ ເຕັກໂນໂລຊີ (ກວຕ) ໄດ້ຈັດການຝຶກອົບຮົມໃນຫົວຂໍ້ ການນໍາໃຊ້ ລະບົບການນັບຄະແນນສຽງເລືອກຕັ້ງ” (E-Voting) ເພື່ອຍົກປະສິດທິພາບຂອງການປະຕິບັດວຽກງານໃຫ້ກັບທ້ອງຖິ່ນ, ໂດຍໃຫ້ກຽດເປັນປະທານຂອງ ທ່ານ ແກ້ວນະຄອນ ໄຊສຸລຽນ, ຫົວໜ້າກົມເຕັກໂນໂລຊີດິຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ.

ຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອຝຶກອົບຮົມຮຽນຮູ້ວິທີການນໍາໃຊ້ຊອບແວຣ໌ດັ່ງກ່າວເພື່ອ ນໍາໄປຈັດຕັ້ງຜັນຂະຫຍາຍເຂົ້າໃນການຮັບໃຊ້ກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງຫຼວງພະບາງ ທີ່ຈະໄຂຂຶ້ນໃນທ້າຍປີ 2020 ນີ້. ລະບົບ E-Voting ແມ່ນຜົນງານການຄົ້ນຄວ້າ-ພັດທະນາຂຶ້ນໂດຍ ກົມເຕັກໂນ ໂລຊີດິຈິຕ໋ອນ ໃນໂຄງການຄົ້ນຄວ້າວິທະຍາສາດ ຂອງ ກະຊວງວິທະຍາສາດ ແລະ ເຕັກໂນໂລຊີເພື່ອໃຫ້ຜູ້ເຂົ້າ ຮ່ວມໄດ້ຮຽນຮູ້ ແລະ ເຂົ້າໃຈ, ສາມາດນໍາໃຊ້ລະບົບເຂົ້າໃນວຽກງານຕົວຈິງ ກໍຄື ການນັບຄະແນນສຽງເລືອກຕັ້ງ, ທັງເປັນການຍົກສູງປະສິດທິພາບຂອງການປະຕິບັດວຽກງານຂອງທ້ອງຖິ່ນ ໂດຍການນໍາໃຊ້ລະບົບເຕັກໂນໂລຊີດິ ຈິຕ໋ອນ ເພື່ອເຮັດໃຫ້ການນັບຄະແນນສຽງເລືອກຕັ້ງມີຄວາມວ່ອງໄວ, ສະດວກສະບາຍ, ປະຢັດງົບປະມານ ແລະ ເກັບຂໍ້ມູນໄດ້ຢ່າງເປັນລະບົບ.

ໃນການຝຶກອົບຮົມຄັ້ງນີ້, ຜູ້ເຂົ້າຮ່ວມໄດ້ຮຽນຮູ້ວິທີການຕິດຕັ້ງລະບົບ, ການຈັດການຂໍ້ມູນ, ການນໍາໃຊ້ລະບົບ ແລະ ການຕັ້ງຄ່າ ຊຶ່ງໄດ້ມີການລົງປະຕິບັດຕົວຈິງ ພ້ອມທັງແລກປ່ຽນຄຳຄິດເຫັນ, ມີສ່ວນຮ່ວມໃນການຕັ້ງບັນຫາເຈາະຈີ້ມ, ຖາມ-ຕອບ, ແລກປ່ຽນບົດຮຽນກັບນັກວິທະຍາກອນ ແລະ ນັກສຳມະນາກອນດ້ວຍກັນ ເພື່ອໃຫ້ເຂົ້າໃຈກ່ຽວກັບລະບົບດັ່ງກ່າວ.

ພາຍຫຼັງສຳເລັດການຝຶກອົບຮົມດັ່ງກ່າວ ກໍໄດ້ມີພິທີ ມອບ-ຮັບ ໃບຢັ້ງຢືນໃຫ້ແກ່ນັກສຳມະນາກອນ ຊຶ່ງໃຫ້ກຽດມອບໃບຢັ້ງຢືນໃນຄັ້ງນີ້ ໂດຍ ທ່ານ ແກ້ວນະຄອນ ໄຊສຸລຽນ, ຫົວໜ້າກົມເຕັກໂນໂລຊີດິຈິຕ໋ອນ, ກວຕ. ເຂົ້າຮ່ວມຝຶກອົບຮົມໃນຄັ້ງນີ້ມີນັກສຳມະນາກອນທີ່ມາຈາກຄະນະຈັດຕັ້ງ ແຂວງຫຼວງພະບາງ, ຫ້ອງວ່າການ ແຂວງຫຼວງພະບາງ, ພະແນກວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ, ສູນຄົ້ນຄວ້າພັດທະນາ ແລະ ຝຶກອົບຮົມໄອທີ ແຂວງຫຼວງພະບາງ ລວມທັງໝົດຈໍານວນ 07 ທ່ານ, ຍິງ 01 ທ່ານ.

ພາບ ແລະ ຂ່າວ: ກົມເຕັກໂນໂລຊີດິຈິຕ໋ອນ

011012013