MOU ເພື່ອສຶກສາຄວາມເປັນໄປໄດ້ ໃນການພັດທະນາ ແລະ ສົ່ງເສີມ ການຮຽນຮູ້ສະເຕັມການສຶກສາ (STEM Education) ໂດຍຜ່

012ພິທີເຊັນບົດບັນທຶກຄວາມເຂົ້າໃຈ ວ່າດ້ວຍການ ຮ່ວມມື ສຶກສາຄວາມເປັນໄປໄດ້ໃນການ ພັດທະນາ ແລະ ສົ່ງ

ເສີມການຮຽນຮູ້ສະເຕັມການສຶກສາ (STEM Education) ໂດຍຜ່ານສື່ຫຸ່ນຍົນ ລະຫວ່າງ ກົມເຕັກໂນໂລຊີ ດິຈິ ຕ໋ອນ, ກະຊວງວິທະຍາສາດ ແລະ ເຕັກໂນໂລຊີ ແລະ ສູນການຮຽນຮູ້ ວີເອຟ ຈຳກັດຜູ້ດຽວ ຈັດຂຶ້ນວັນທີ 11 ກໍ ລະກົດ 2019, ທີ່ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ຮ່ວມລົງນາມຂອງ ທ່ານ ແກ້ວນະຄອນ ໄຊສຸລຽນ, ຫົວໜ້າກົມເຕັກໂນໂລຊີດິຈິຕ໋ອນ, ທ່ານ ປອ. ຄໍາເພັດ ວົງດາລາ, ຫົວໜ້າກົມແຜນ ການ ແລະ ການຮ່ວມມື, ທ່ານ ນາງ ສຸກຖາວອນ ວົງສະຫວັນ, ຜູ້ອໍານວຍການບໍລິສັດສູນການຮຽນຮູ້ ວິເອຟ ຈຳກັດຜູ້ດຽວ ແລະ ທ່ານ Dr. Srinath Devaraju ຜູ້ຈັດການຝ່າຍພັດທະນາທຸລະກິດ ບໍລິສັດ My ROBOT TIME ASIA.

ໃຫ້ກຽດເຂົ້າຮ່ວມເປັນປະທານ ທ່ານ ບໍ່ວຽງຄໍາ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ), ມີບັນດາທ່ານ ຮອງລັດຖະມົນຕີ, ຫົວໜ້າຫ້ອງການ, ກົມ, ສະຖາບັນ, ແຂກທີ່ຖຶກເຊີນ ຈາກພາກສ່ວນຕ່າງໆອ້ອມຂ້າງກະຊວງ ແລະ ພະນັກງານວິຊາການສອງຝ່າຍ.

ທ່ານ ສຸລິຍາ ແສງດາລາວົງ, ຮອງຫົວໜ້າກົມເຕັກໂນໂລຊີດິຈິຕ໋ອນໄດ້ຂຶ້ນມີຄຳເຫັນລາຍງານກ່ຽວກັບການຮ່ວມມືກັບສູນຮຽນຮູ້ ວິເອຟໃນການເຊັນບົດບັນ ທຶກຄວາມເຂົ້າໃຈຄັ້ງນີ້ວ່າ:ຈຸດປະສົງການຮ່ວມມືແມ່ນເພື່ອສຶກສາຄວາມເປັນໄປໄດ້ໃນການພັດທະນາສົ່ງເສີມການຮຽນຮູ້ສະເຕັມສຶກສາ ‘’STEM Education’’ໂດຍ ຜ່ານ ສື່ຫຸ່ນຍົນ ຢູ່ ສປປ ລາວ.ເພາະວ່າໃນຍຸກການປະຕິວັດອຸດສາຫະກຳ ຄັ້ງທີ 4 ໄດ້ມີບົດບາດທີ່ສຳຄັນໃນການພັດທະນາເສດຖະກິດ-ສັງຄົມ ຂອງໂລກກໍຄືຂອງ ສປປ ລາວປັດຈຸບັນ, ບັນດາປະເທດໃນພາກພຶ້ນ, ປະເທດອາຊຽນແມ່ນໄດ້ໃຫ້ຄວາມສຳຄັນໃນບັນຫາດັ່ງກ່າວ ສຳລັບ ສປປ ລາວ ພວກເຮົາຍັງມີຫລາຍບັນຫາ ທີ່ທ້າທາຍເພື່ອ ໃຫ້ມີຄວາມພ້ອມເພື່ອຈະກ້າວເຂົ້າສູ່ຍຸດິຈິຕ໋ອນ 4.0 ເປັນຕົ້ນແມ່ນ ບັນຫາຄວາມພ້ອມດ້ານລະບົບພື້ນຖານໂຄງລ່າງ, ເຕັກນິກ ແລະ ບຸກຄະລາກອນຫຸ່ນຍົນ Robot ແມ່ນໜຶ່ງໃນເຕັກໂນໂລຊີດິຈິຕ໋ອນ ແລະ ເປັນອົງປະກອບໜຶ່ງສຳຄັນທັງເປັນ 1 ໃນ 3 ເສົາຄໍ້າ ຂອງ ຍຸກອຸດສາຫະກຳ 4.0.

ສະນັ້ນ, ເພື່ອຜັນຂະຫຍາຍພາລະບົດບາດ ຂອງກົມເຕັກໂນໂລຊີດິຈິຕ໋ອນໃນນາມເປັນເສນາທິການໃຫ້ແກ່ ກະຊວງວິທະຍາສາດ ແລະ ເຕັກໂນໂລ ຊີເພື່ອເຮັດ ໜ້າທີ່ຄົ້ນຄວ້າ, ພັດທະນາ ແລະ ສົ່ງເສີມວຽກງານດັ່ງກ່າວໃຫ້ໄດ້ຮັບຜົນດີທາງກົມຈຶ່ງໄດ້ຊອກເງື່ອນໄຂເພື່ອຮ່ວມກັບສູນການຮຽນຮູ້ວີເອຟ VF Learning Centerທີ່ມີການຮ່ວມມືກັບສາກົນ ເຊັ່ນ: My ROBOT TIME ASIA ທີ່ມີຕົວແທນຢູ່ຫລາຍປະເທດ.

ການຮ່ວມມືກັນແມ່ນຈະໄດ້ນຳເອົາຄວາມຮູ້, ບົດຮຽນ ແລະ ປະສົບປະການກ່ຽວກັບສະເຕັມສຶກສາ ‘’STEM Education’’ແລະ ຫຸ່ນຍົນ ROBOTເຂົ້າມາເຜີຍແຜ່, ພັດທະນາ ແລະ ສົ່ງເສີມ ເຂົ້າໃນລະບົບການສຶກສາ, ການສຶກສາອົບຮົມ ຢູ່ ໃນ ສປປລາວ.

ໃນໄລຍະຜ່ານມາສູນ ວີເອຟ ໄດ້ເຮັດສຳເລັດຂັ້ນພຶ້ນຖານເປັນຕົ້ນແມ່ນການນຳພາຊາວໝຸ່ມລາວ ເຂົ້າຮ່ວມການແຂ່ງຂັນຫຸ່ນຍົນສາກົນ ແລະໄດ້ຮັບຜົນສຳສ້າງສື່ ສຽງໃຫ້ ສປປ ລາວ ພວກເຮົາໃນເວທີສາກົນມາແລ້ວ.

ທ່ານຍັງໄດ້ກ່າວອີກຕື່ມວ່າ: ສະເຕັມສຶກສາ ‘’STEM Education’’ແລະ ຫຸ່ນຍົນ ROBOTເປັນລະບົບການສຶກສາເນັ້ນພາກປະຕິບັດຕົວຈິງໃນການ ຮຽນການສອນໂດຍລົງເລີກພັດທະນາຄວາມຮູ້ໃນສາຍທຳມະຊາດ ຄື: ວິທະຍາສາດ, ເຕັກໂນໂລຊີ, ວິສະວະກຳ ແລະ ຄະນິດສາດ ຊຶ່ງຈະສ້າງໃຫ້ນັກຮຽນມີແນວຄວາມ ຄິດທີ່ເປັນວິທະຍາສາດ, ເຕັກໂນໂລຊີ ແລະ ນະວັດຕະກຳ ຫລາຍຂຶ້ນ. ສະນັ້ນ, ເພື່ອກ້າວເຂົ້າສູ່ຍຸກດິຈິຕ໋ອນ 4.0 ສປປ ລາວ ມີຄວາມຈຳເປັນຕ້ອງສ້າງໃຫ້ມີບຸກຄະ ລາກອນທີ່ມີຄວາມຮູ້-ຄວາມສາມາດທາງດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳໃຫ້ຫລາຍກວ່າເກົ່າ.

ພາບ: ບຸນທັນ ນັນທະວົງ
ຂ່າວ: ນາງ ທັດສະນີ ພົງບັນດິດ

013014015016017018