ກວຕ ເຜີຍແຜ່ເຊື່ອມຊຶມມະຕິກອງປະຊຸມຄົບຄະນະຄັ້ງ ທີ 10 ຂອງຄະນະບໍລິຫານງານສູນກາງພັກ ສະໄໝທີ X

0131ໃນວັນທີ 8 ກໍລະກົດ 2020, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດກອງປະຊຸມເຜີຍແຜ່

ເຊື່ອມຊຶມມະຕິກອງປະຊຸມຄົບຄະນະຄັ້ງທີ 10 ຂອງຄະນະບໍລິຫານງານສູນກາງພັກ ສະໄໝທີ X ທີ່ສະຖາບັນການ ຄຸ້ມຄອງວິທະຍາສາດ ແລະ ເຕັກໂນໂລຊີ (ຫຼັກ14), ນະຄອນຫຼວງວຽງຈັນ.

ພາຍໃຕ້ການເປັນປະທານຂອງ ສະຫາຍ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ເລ ຂາຄະນະພັກ, ລັດຖະມົນຕີ ກວຕ, ມີບັນດາສະຫາຍໃນຄະນະພັກກະຊວງ, ບັນດາສະຫາຍເລຂາ, ຮອງເລຂາ ໜ່ວຍພັກຫ້ອງການ, ກົມ, ສະຖາບັນ ແລະ ສະມາຊິກພັກ, ພະນັກງານຫຼັກແຫ່ງເຂົ້າຮ່ວມການເຜີຍແຜ່ດັ່ງກ່າວ ກໍ ເພື່ອແນໃສ່ໃຫ້ພະນັງງານ, ສະມາຊິກພັກ, ພະນັກງານໄດ້ຮັບຮູ້, ກໍາແໜ້ນຕໍ່ເນື້ອໃນຈິດໃຈຂອງມະຕິ 10 ໃຫ້ເລິກ ເຊິ່ງ.

ສະຫາຍ ບໍ່ວຽງຄຳ ວົງດາລາ ໄດ້ກ່າວວ່າ: ຄະນະບໍລິຫານງານສູນກາງພັກ ສະໄໝທີ X ໄດ້ດໍາເນີນກອງ ປະຊຸມຄົບຄະນະ ຄັ້ງທີ 10 ຢ່າງເປັນທາງການພາຍໃຕ້ ການເປັນປະທານຂອງ ສະຫາຍ ບຸນຍັງ ວໍລະຈິດ, ເລຂາທິ ການໃຫຍ່ ຄະນະບໍລິຫານງານສູນກາງພັກ ຊຶ່ງກອງປະຊຸມໄດ້ຄົ້ນຄວ້າ, ປຶກສາຫາລືບັນຫາສໍາຄັນຄື: 1. ການຜັນຂະຫຍາຍມະຕິກອງປະຊຸມຄົບຄະນະບໍລິຫານງານສູນກາງ ພັກ ຄັ້ງທີ 7, 8, 9 ສະໄໝທີ X ຕິດພັນກັບຄວາມຄືບໜ້າການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ, ແຜນງົບປະມານ, ເງິນຕາປະຈໍາໄຕມາດ 1 ປີ 2020 ແລະ ທິດທາງໃນຕໍ່ໜ້າ; 2. ຮ່າງລາຍງານການເມືອງຕໍ່ກອງປະຊຸມໃຫຍ່ຄັ້ງທີ XI ຂອງພັກ; 3. ຮ່າງ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025); 4. ການປັບປຸງກົດລະບຽບຂອງພັກສະໄໝທີ X ແລະ 5. ທິດການປັບປຸງກົງຈັກລັດຖະ ບານ.

ສະຫາຍ ກ່າວຕື່ມອີກວ່າ: ກອງປະຊຸມໄດ້ເຫັນດີດ້ານຫຼັກການຮັບຮອງເອົາບາງວຽກງານຈຸດສຸມຂອງລັດຖະບານ ແຕ່ນີ້ ຮອດທ້າຍປີ 2020 ພ້ອມທັງໃຫ້ທິດ ຊີ້ນໍາບາງມາດຕະການໃນການຜັນຂະຫຍາຍ ແລະ ຈັດຕັ້ງປະຕິບັດໃຫ້ເຂົ້າສູ່ລວງເລິກເປັນຕົ້ນແມ່ນ: ສືບຕໍ່ຈັດຕັ້ງຜັນຂະຫຍາຍບັນດາທິດຊີ້ນໍາທີ່ໄດ້ວາງອອກໃນມະຕິສູນ ກາງພັກ ຄັ້ງທີ 7, 8, 9 ສະໄໝທີ X ໃຫ້ແຂງແຮງ ແລະ ເຂົ້າສູ່ລວງເລິກໂດຍຍົກສູງຄວາມຮັບຜິດຊອບໃນການຊີ້ນໍາຂອງກົມການເມືອງ, ຄະນະພັກແຕ່ລະຂັ້ນ ກໍຄື ຍົກ ສູງປະສິດທິພາບ ການຄຸ້ມຄອງບໍລິຫານຂອງລັດຖະບານ, ຂະແໜງການ ແລະ ທ້ອງຖິ່ນຢ່າງມີຈຸດສຸມ; ສືບຕໍ່ປັບປຸງການຈັດຕັ້ງຕິດພັນກັບການປັບປຸງລະບອບແບບ ແຜນວິທີເຮັດວຽກ, ການຄຸ້ມຄອງ-ບໍລິຫານວຽກງານຂອງຂະແໜງການ ແລະ ທ້ອງຖິ່ນ ຕາມທິດຫັນເປັນທັນສະໄໝ; ສືບຕໍ່ເລັ່ງລັດການກວດກາ ແລະ ດໍາເນີນການເຈ ລະຈາຕໍ່ລອງກັບຜູ້ຮັບເໝົາໂຄງການລົງທຶນຂອງລັດທີ່ມີມູນຄ່າສູງເກີນຄວາມເປັນຈິງເພື່ອເຂົ້າແຜນຊໍາລະໃຫ້ຖືກຕ້ອງ; ສືບຕໍ່ຄົ້ນຄວ້າ ແລະ ເລັ່ງລັດແຜນປະຕິຮູບລັດວິສາ ຫະກິດຕິດພັນກັບການກວດກາຄົ້ນຄວ້າ ແລະ ແກ້ໄຂບຸກຄະລາກອນເພື່ອປັບປຸງໂຄງສ້າງການບໍລິຫານແນໃສ່ຟື້ນຟູ ແລະ ຍົກສູງປະສິດທິພາບການດໍາເນີນທຸລະກິດດ້ວຍ ຮູບການຕ່າງໆ; ສືບຕໍ່ຍູ້ແຮງການປະຕິບັດມາດຕະການກະຕຸ້ນເສດຖະກິດ ໂດຍສຸມໃສ່ຟື້ນຟູການຜະລິດ-ທຸລະກິດທີ່ໄດ້ຮັບຜົນກະທົບຈາກການລະບາດຂອງພະຍາດໂຄ ວິດ-19 ແລະ ສືບຕໍ່ເອົາໃຈໃສ່ວຽກງານວັດທະນະທໍາ-ສັງຄົມ ຖືເອົາບັ້ນຕ້ານການລະບາດພະຍາດໂຄວິດ-19 ສ້າງການຫັນປ່ຽນໃໝ່ ໃນການສ້າງວິຖີຊີວິດແບບໃໝ່ ແລະ ວຽກງານອື່ນໆ.

ພາບ-ຂ່າວ: ພະແນກຂ່າວສານ ແລະ ປະຊາສຳພັນ

0133013401320135