ຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳ ຮອງ ແລະ ເລື່ອນສະມາຊິກພັກສຳຮອງຂຶ້ນ ເປັນສະມາຊິກພັກສົມບູນ

002

ວັນທີ 20 ມີນາ 2020 ນີ້, ອົງຄະນະພັກ ກະຊວງວິ ທະຍາສາດ ແລະ ເຕັກໂນໂລຊີ (ກວຕ) ໄດ້ຈັດ ພິທີຮັບເອົາ

ມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ໂດຍໃຫ້ກຽດເຂົ້າຮ່ວມຂອງສະຫາຍ ປອ. ສຸລິອຸດົງ ສູນດາລາ, ຄະນະພັກກະຊວງ, ປະທານກວດກາ ທັງເປັນຮອງ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ມີບັນດາເລຂາ, ຮອງເລຂາໜ່ວຍພັກຫ້ອງການ, ກົມ, ສະຖາບັນ, ຕາງໜ້າສາມອົງການຈັດຕັ້ງມະຫາຊົນ ແລະ ສະມາຊິກພັກຈາກ 5 ພາກສ່ວນ ເຂົ້າຮ່ວມ.

ໂອກາດດັ່ງກ່າວ, ສະຫາຍ ເຮີເຊັງ ເຢຍປໍເຮີ, ເລຂາໜ່ວຍພັກກົມກວດກາ ໄດ້ຂຶ້ນຜ່ານມະຕິຕົກລົງ ຂອງຄະນະພັກ ກວຕ ວ່າດ້ວຍ ການຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງຂອງພັກປະຊາຊົນ ປະຕິວັດລາວ ຈຳນວນ 4 ສະຫາຍ, ຍິງ 1 ສະຫາຍ ແລະ ສະຫາຍ ບຸນປອນ ບົວແພງ, ເລຂາໜ່ວຍພັກກົມຈັດ ຕັ້ງ ແລະ ພະນັກງານ ກໍໄດ້ຂຶ້ນຜ່ານມະຕິຕົກລົງ ຂອງຄະນະພັກ ກວຕ ວ່າດ້ວຍການຮັບເອົາມະຫາຊົນກ້າວ ໜ້າເຂົ້າເປັນສະມາຊິກພັກສຳຮອງຂອງພັກປະຊາຊົນ ປະຕິວັດລາວ ຈຳນວນ1 ສະຫາຍ.

ພ້ອມດຽວກັນນັ້ນ, ສະຫາຍ ປອ. ນາງ ຂັນລາສີ ແກ້ວບຸນພັນ,ເລຂາໜ່ວຍພັກ ກົມຊັບສິນທາງປັນຍາ ໄດ້ຂຶ້ນຜ່ານມະຕິຕົກລົງຂອງອົງຄະນະພັກ ກວຕ ວ່າ ດ້ວຍ ການເຫັນດີອະນຸມັດເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ຈຳນວນ 4 ສະຫາຍ, ຍິງ 2 ສະຫາຍ ແລະ ສະຫາຍ ພຸດທະສັກ ວິຈິດຕຣາ, ເລຂາ ໜ່ວຍພັກ ຫ້ອງການ ໄດ້ຂຶ້ນຜ່ານມະຕິຕົກລົງຂອງອົງຄະນະພັກກະຊວງ ວ່າດ້ວຍການເຫັນດີອະນຸມັດເລື່ອນສະມາຊິກພັກສຳຮອງຂຶ້ນ ເປັນສະມາຊິກພັກສົມບູນຈຳນວນ1 ສະຫາຍ ແລະ ສະຫາຍ ບຸນທັນ ວົງຊະນະ, ຮອງເລຂາໜ່ວຍພັກ ກົມແຜນການ ແລະ ຮ່ວມມື ກໍໄດ້ຂຶ້ນຜ່ານມະຕິຕົກລົງຂອງອົງຄະນະພັກກະຊວງ ວ່າດ້ວຍການ ເຫັນດີອະນຸມັດ ເລື່ອນສະມາຊິກພັກສຳຮອງຂຶ້ນ ເປັນສະມາຊິກພັກສົມບູນຈຳນວນ ຍິງ 1 ສະຫາຍ.

ໃນຕອນທ້າຍສະຫາຍ ປອ. ສຸລິອຸດົງ ສູນດາລາ ຍັງໄດ້ໃຫ້ກຽດໂອ້ລົມໃນພິທີ ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ 5 ໜ່ວຍພັກທີ່ສ້າງໄດ້ສະມາ ຊິກພັກສຳຮອງໃໝ່ ແລະ ເລື່ອນສະມາຊິກພັກສຳຮອງຂຶ້ນເປັນສົມບູນ ເຮັດໃຫ້ໜ່ວຍພັກມີການເຕີບໃຫຍ່ຂະຫຍາຍໂຕ ແລະ ພ້ອມນັ້ນກໍສະແດງຄວາມຍ້ອງຍໍຊົມເຊີຍ ຕໍ່ບັນດາສະມາຊິກທັງສຳຮອງ ແລະ ສົມບູນໃໝ່ ທີ່ສາມາດກ້າວຜ່ານວຽກງານຕ່າງໆຈົນສາມາດເຂົ້າເປັນສະມາຊິກພັກປະຊາຊົນປະຕິວັດລາວໃນຄັ້ງນີ້.

ສະຫາຍຍັງໄດ້ຮຽກຮ້ອງມາຍັງສະມາຊິກພັກທຸກສະຫາຍຈົ່ງສືບຕໍ່ຮັກສາມູນເຊື້ອ ແລະ ຕັ້ງໜ້າຝຶກຝົນຫຼໍ່ຫຼອມຕົນເອງຢ່າງຕໍ່ເນື່ອງ ໂດຍສະເພາະແມ່ນຍົກສູງ ທາງດ້ານຄຸນທາດການເມືອງ, ຢຶດໝັ້ນໃນທາດແທ້ ແລະ ອຸດົມການຂອງພັກ, ຍົກສູງສະຕິຕໍ່ການຈັດຕັ້ງ, ຊື່ສັດ ແລະ ຈົ່ງຮັກພັກດີຕໍ່ພັກ-ລັດ, ຕໍ່ປະເທດຊາດ, ເອົາໃຈໃສ່ ເພີ່ມທະວີຄວາມສາມັກຄີຮັກແພງເຊິ່ງກັນ ແລະ ກັນໃຫ້ເປັນປຶກແຜ່ນ ເພື່ອສືບຕໍ່ຈັດຕັ້ງປະຕິບັດວຽກງານທີ່ພັກ-ລັດ ມອບໝາຍໃຫ້ປະສົບຜົນສຳເລັດ.

ຂ່າວ ແລະ ຮູບພາບ: ແສງທອງ ວັນນະທຳ

011010009006005004003007001