ກອງປະຊຸມໃຫຍ່ສະມາຊິກພັກຄັ້ງທີ I ຂອງສະຖາບັນການຄຸ້ມຄອງ ວຕ

015ກອງປະຊຸມໃຫຍ່ສະມາຊິກພັກຄັ້ງທີ I ຂອງໜ່ວຍພັກສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ

ໄດ້ເປີດຂຶ້ນໃນຕອນເຊົ້າຂອງວັນທີ 7 ພະຈິກ 2019 ທີ່ຫ້ອງປະຊຸມສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ, ກະຊວງວິທະຍາສາດ ແລະ ເຕັກໂນໂລຊີ ພາຍໃຕ້ການເປັນຄະນະປະທານຂອງສະຫາຍ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ເລຂາຄະນະພັກກະຊວງ, ສະຫາຍ ພິມພາ ອຸດທະຈັກ, ເລຂາໜ່ວຍພັກ ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ; ສະຫາຍ ນ. ໂສດາ ລາຊະສິມມາ, ຮອງເລຂາໜ່ວຍພັກ ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ແລະ ສະຫາຍ ປອ. ສິພອນ ແສງສຸລິຈັນ, ຄະນະໜ່ວຍພັກ ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ.

ກອງປະຊຸມໃຫຍ່ ໄດ້ຄົ້ນຄວ້າ, ປະກອບຄຳເຫັນ ແລະ ເປັນເອກະພາບຮັບຮອງເອົາບົດລາຍງານການເມືອງ ແລະ ບົດສຳຫຼວດການນຳພາຂອງຄະນະໜ່ວຍພັກຊຸດເກົ່າຊຶ່ງໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ ແລະ ບົດຮຽນໃນການຊີ້ນຳ-ນຳພາ,ການຈັດຕັ້ງປະຕິບັດ, ມະຕິອົງຄະນະພັກກະຊວງ ແລະ ແຜນການລວມ ຂອງໜ່ວຍພັກໃນໄລຍະຜ່ານມາ.

ກອງປະຊຸມ ຍັງໄດ້ເປັນເອກະພາບກັນຮັບຮອງເອົາທິດທາງ, ແຜນການວຽກງານຈຸດສຸມໃນຊຸມປີຕໍ່ໜ້າ ປີ 2020-2024 ແນໃສ່ສ້າງສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ເປັນບ່ອນຮຽນຮູ້, ນຳໃຊ້ວິທະຍາສາດໃນຍຸກນະວັດຕະກຳອັນລໍ້າເລີດເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ໂດຍມີຄາດໝາຍສູ້ຊົນດັ່ງນີ້: 1). ເຮັດໃຫ້ສະມາຊິກພັກ, ພະນັກງານພາຍໃນໜ່ວຍພັກມີຄວາມຮັບຮູ້, ເຊື່ອມຊຶມກຳແໜ້ນບັນດາແນວທາງ ແຜນນະໂຍບາຍ ຂອງພັກ ແລະ ກົດໝາຍຂອງລັດຢ່າງໜັກແໜ້ນ; 2). ຈັດຕັ້ງປະຕິບັດແຜນການສ້າງໜ່ວຍພັກປອດໄສ, ເຂັ້ມແຂງ, ໜັກແໜ້ນໃຫ້ສຳເລັດຕາມຄາດໝາຍ; 3). ຄົ້ນຄວ້າພັດທະນາຫລັກສູດການຮຽນ-ການສອນ ແລະ ຈັດຝຶກອົບຮົມ ເພື່ອຍົກລະດັບຄວາມຮູ້ດ້ານວິທະຍາສາດ ແລະ ເຕັກໂນໂລຊີ; 4). ກໍ່ສ້າງບຳລຸງຍົກລະດັບວິຊາສະເພາະ, ທິດສະດີການເມືອງໃຫ້ແກ່ສະມາຊິກພັກ, ພະນັກງານໃຫ້ຫລາຍຂຶ້ນ.

ຜູ້ແທນສົມບູນໜ່ວຍພັກສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີໄດ້ໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະພັກຊຸດໃໝ່ບົນພື້ນຖານ ຄວາມຖືກຕ້ອງສອດຄ່ອງກັບມາດຖານເງື່ອນໄຂທີ່ກຳນົດໄວ້ ຊຶ່ງມີຜູ້ສະໝັກເລືອກຕັ້ງ 05ສະຫາຍ (ຍິງ 03 ສະຫາຍ) ແລະ ເລືອກໄດ້ 03 ສະຫາຍ.

ກອງປະຊຸມຄັ້ງປະຖົມມະລຶກຂອງຄະນະໜ່ວຍພັກສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ໄດ້ເປັນເອກະສັນເລືອກສະຫາຍ ພິມພາ ອຸດທະຈັກ ເປັນເລຂາໜ່ວຍພັກ, ສະຫາຍ ນ. ໂສດາ ລາຊະສິມມາ ເປັນຮອງເລຂາໜ່ວຍພັກ ແລະ ສະຫາຍ ປອ. ສິພອນ ແສງສຸລິຈັນ ເປັນຄະນະ ແລະ ພ້ອມທັງເປັນປະທານກວດກາໜ່ວຍພັກ.

ກອງປະຊຸມໃຫຍ່ ຍັງໄດ້ປ່ອນບັດເລືອກເອົາຜູ້ແທນສົມບູນເຂົ້້າຮ່ວມກອງປະຊຸມໃຫຍ່ຄັ້ງທີ II ຂອງອົງຄະນະພັກກະຊວງ ຈຳນວນ 09 ສະຫາຍ ແລະ ຜູ້ແທນສຳຮອງ ຈຳນວນ 02 ສະຫາຍ.

ກອງປະຊຸມໃຫຍ່ຄັ້ງນີ້ ໄດ້ຮັບຟັງການໂອ້ລົມຈາກສະຫາຍບັນດິດ ສຈ. ບໍ່ວຽງຄຳ ວົງດາລາ, ກໍາມະການສູນກາງພັກ, ເລຂາຄະນະພັກກະຊວງ ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳ-ນຳພາ ຂອງຄະນະພັກຊຸດເກົ່າ ທີ່ໄດ້ຊີ້ນຳສະມາຊິກພັກ ແລະ ພະນັກງານລັດຖະກອນໃນການປະຕິບັດໜ້າທີ່ການເມືອງ ແລະ ໄດ້ຜົນສຳເລັດຫຼາຍດ້ານ. ພ້ອມກັນນັ້ນ, ສະຫາຍ ໄດ້ສະແດງຄວາມເປັນຫ່ວງເປັນໃຍຕໍ່ດ້ານອ່ອນ, ຂໍ້ຄົງຄ້າງ ແລະ ໄດ້ໃຫ້ທິດຊີ້ນຳແຕ່ລະດ້ານໃນທາງສ້າງສັນ. ສະຫາຍ ເຊື່ອໝັ້ນຕໍ່ຄະນະໜ່ວຍພັກຊຸດໃໝ່ ຈະສືບຕໍ່ຊີ້ນຳ-ນຳພາຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ I ຂອງໜ່ວຍພັກສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ປະສົບຜົນສຳເລັດຍິ່ງໃຫຍ່ກວ່າເກົ່າ.

ສະຫາຍ ໄດ້ຮຽກຮ້ອງມາຍັງສະມາຊິກພັກ, ພະນັກງານຈົ່ງເຊີດຊູສະຕິ ແລະ ຄວາມຮັບຜິດຊອບການເມືອງ ຂອງຕົນທີ່ພັກ-ລັດມອບໝາຍໃຫ້ ໂດຍສະເພາະແມ່ນວຽກງານສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ເຕີບໃຫຍ່ຂະຫຍາຍຕົວໄປເລື້ອຍໆ ເພື່ອສ້າງໜ່ວຍພັກ ເປັນໜ່ວຍພັກປອດໄສ, ເຂັ້ມແຂງ ແລະ ໜັກແໜ້ນ.

ເຂົ້າຮ່ວມກອງປະຊຸມດັ່ງກ່າວ ມີທ່ານ ບຸນຕີ ທະມິດ, ຮອງເລຂາຄະນະພັກ, ຄະນະພັກກະຊວງ, ບັນດາເລຂາໜ່ວຍພັກຫ້ອງການ, ກົມ, ສະຖາບັນອ້ອມຂ້າງກະຊວງ 13 ໜ່ວຍພັກ, ຜູ້ແທນຈາກສາມອົງການຈັດຕັ້ງມະຫາຊົນ, ສະມາຊິກພັກສົມບູນ ແລະ ສໍາຮອງຂອງໜ່ວຍພັກສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ.

ພາບ ແລະ ຂ່າວ: ນ. ທັດສະນີ ພົງບັນດິດ

018016017019020021022023024025