ແຂວງ ຄຳມ່ວນ ເລີ່ມກວດສອບບໍລິມາດຫົວຈ່າຍນໍ້າ ມັນເຊື້ອໄຟ ປະຈໍາປີ 2020

There are no translations available.

013ໂດຍອີງຕາມກົດໝາຍວ່າດ້ວຍການວັດແທກ ສະບັບ ປັບປຸງເລກທີ 36/ສພຊ, ລົງວັນທີ 13 ທັນວາ 2013 ແລະ

ຂໍ້ຕົກລົງຂອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ວ່າດ້ວຍການຄຸ້ມຄອງຫົວຈ່າຍນ້ຳມັນ ເຊື້ອໄຟຢູ່ ສປປ ລາວ, ສະບັບເລກທີ 0608/ກວຕ, ລົງວັນທີ 6 ພຶດສະພາ 2017.

ໃນລະຫວ່າງວັນທີ 16-18 ມີນາ 2020 ນີ້, ພະແນກວິທະຍາສາດ ແລະ ເຕັກໂນໂລຊີ ແຂວງ ຄຳມ່ວນ ໄດ້ສົມທົບກັບ ບໍລິສັດນໍ້າມັນເຊື້ອໄຟ ພລັສ (PTL) ເພື່ອຈັດຕັ້ງການກວດສອບບໍລິມາດຫົວຈ່າຍນ້ຳມັນເຊື້ອໄຟ ປະຈຳປີ 2020 ໃນ 5 ຕົວເມືອງຂອງ ແຂວງ ຄຳມ່ວນ ຄື: ເມືອງທ່າແຂກ, ເມືອງຫີນບູນ, ເມືອງມະຫາໄຊ, ເມືອງຍົມມະລາດ ແລະ ເມືອງ ໄຊບົວທອງ.

ຈຸດປະສົງຂອງການລົງກວດສອບບໍລິມາດຫົວຈ່າຍນໍ້າມັນເຊື້ອໄຟຄັ້ງນີ້ ແມ່ນເພື່ອເປັນການຄຸ້ມຄອງ ກວດຄືນບໍລິມາດນໍ້າມັນເຊື້ອໄຟໃຫ້ມີຄວາມເປັນເອກະພາບ, ຖືກຕ້ອງ, ຊັດເຈນ, ຮັບປະກັນສິດທິຜົນປະໂຫຍດ ຂອງຜູ້ດຳເນິນທຸລະກິດ ແລະ ຜູ້ຊົມໃຊ້ແນໃສ່ຮັບປະກັນຄວາມໂປ່ງໃສ ແລະ ເຮັດໃຫ້ສັງຄົມມີຄວາມຍຸຕິທຳ.

ຊຶ່ງຜ່ານການລົງກວດກາຕົວຈິງ ສາມາດກວດໄດ້ທັງໝົດ ຈຳນວນ 8 ປ້ຳ, ລວມມີ 46 ຫົວຈ່າຍ ທີ່ຂຶ້ນກັບບໍລິສັດດັ່ງກ່າວ ຊຶ່ງເຫັນວ່າຫົວຈ່າຍທັງໝົດແມ່ນຢູ່ ໃນເກນມາດຕະຖານທີ່ກໍານົດໄວ້.

ແຫຼ່ງຂໍ້ມູນ: ພວຕ ແຂວງ ຄໍາມ່ວນ

014014015016