ສະກັດກັ້ນການຈຳໜ່າຍສິນຄ້າປອມ ຢູ່ ແຂວງ ຊຽງຂວາງ

There are no translations available.

019ໃນຕອນເຊົ້າຂອງວັນທີ 18 ມີນາ 2020 ຜ່ານມາ, ຂະແໜງຊັບສິນທາງປັນຍາ ມາດຕະຖານ ແລະ ວັດແທກ,

ພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງ ຊຽງຂວາງ ໄດ້ຈັດກອງປະຊຸມປຶກສາຫາລື ກ່ຽວກັບ ຂັ້ນຕອນການກວດກາ, ສະກັດກັ້ນ ການນໍ້າເຂົ້າສິນຄ້າລອກຮຽນແບບເຄື່ອງໝາຍການຄ້າ ປະເພດແປ້ງນົວກາຈອງ ຣາຊາສຸລົດ ປອມ (RACHA CHOOROS) ໂດຍພາຍໃຕ້ການເປັນປະທານຂອງ ທ່ານ ຄໍາຫຼ້າ ຈັນທະວອນ, ຮອງຫົວໜ້າ ພວຕ ແຂວງຊຽງ ຂວາງ, ມີຜູ້ຕາງໜ້າບໍລິສັດພູວຽງທີ່ປຶກສາການຄ້າ ແລະ ການລົງທຶນຈໍາກັນຜູ້ດຽວ (ຜູ້ນຳເຂົ້າແປ້ງນົວກາຈອງ), ຕາງໜ້າຈາກພະແນກຍຸຕິທຳແຂວງ, ພະແນກຕຳຫຼວດເສດຖະກິດແຂວງ, ສ່ວຍສາ ອາກອນແຂວງ, ພະແນກອຸດສະຫາກຳ ແລະ ການຄ້າ ແຂວງ, ຫ້ອງການວິທະຍາສາດ ແລະ ເຕັກໂນໂລຊີ ເມືອງ ແປກ ແລະ ພະນັກງານວິຊາການທີ່ກ່ຽວຂ້ອງທັງໝົດ 14 ທ່ານ, ຍິງ 3 ທ່ານ.

ກອງປະຊຸມປຶກສາຫາລືຄັ້ງນີ້, ຄະນະກໍາມະການກວດກາໄດ້ກໍານົດເອົາທ້ອງຕະຫຼາດໃນ 2 ເມືອງເປົ້າ ໝາຍຂອງແຂວງ ຊຽງຂວາງ ຄື: ເມືອງແປກ ແລະ ເມືອງຄຳ.

ຊຶ່ງຈຸດປະສົງຫຼັກໃນການກວດກາຄັ້ງນີ້ແມ່ນເພື່ອສົ່ງເສີມການຈຳໜ່າຍສິນຄ້າທີ່ມີຄຸນນະພາບດີ ດໍາເນີນໄປຢ່າງເປັນເອກະພາບ, ຖືກຕ້ອງ ແລະ ຊັດເຈນ, ຮັບ ປະກັນເຖິງສິດ ແລະ ຜົນປະໂຫຍດອັນຊອບທໍາຂອງຜູ້ທີ່ດໍາເນີນທຸລະກິດ ແລະ ຜູ້ຊົມໃຊ້, ແນໃສ່ສ້າງເງື່ອນໄຂອໍານວຍຄວາມສະດວກໃຫ້ແກ່ການຜະລິດ, ການບໍລິການ ແລະ ການຊື້-ຂາຍ, ຮັບປະກັນໃຫ້ປະຊາຊົນມີຄວາມປອດໄພ ແລະ ສັງຄົມມີຄວາມຍຸຕິທໍາ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງຊາດ ແລະ ພ້ອມທັງເປັນການປົກປ້ອງສຸຂະພາບຂອງຜູ້ບໍລິໂພກເປັນຫຼັກສໍາຄັນ.

ຜ່ານການລົງຕິດຕາມກວດກາຕົວຈິງຂອງຄະນະກໍາມະການກວດກາເຫັນວ່າ: ສາມາດພົບເຫັນ ແລະ ຢຶດສິນຄ້າທີ່ລອກຮຽນແບບເຄື່ອງໝາຍການຄ້າ ປະເພດ ແປງນົວກາຈອງປອມ ໄດ້ຈໍານວນທັງໝົດ 196 ຖົງ, ລວມເປັນມູນຄ່າ 1,150,000 ກີບ.

ພ້ອມນັ້ນ, ຄະນະກໍາມະການ ກໍໄດ້ເຮັດບົດບັນທຶກກ່າວເຕືອນກັບເຈົ້າຂອງຮ້ານຜູ້ທີ່ນໍາສິນຄ້າລອກຮຽນແບບດັ່ງກ່າວມາຈໍາໜ່າຍ.

ພາບ ແລະ ຂ່າວ: ພວຕ ແຂວງ ຊຽງຂວາງ

022021023020024