ພວຕ ແຂວງ ໄຊຍະບູລີ ເຊື່ອມຊຶມຂໍ້ຕົກລົງຂອງທ່ານ ເຈົ້າແຂວງ ແຂວງໄຊຍະບູລີ

143ໃນວັນທີ 19 ມິຖຸນາ 2019, ພະແນກ ວິທະຍາສາດ ແລະ ເຕັກໂນໂລຊີ (ພວຕ) ແຂວງໄຊຍະບູລີ ໄດ້ຈັດກອງ

ປະຊຸມເຜີຍແຜ່ຂໍ້ຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງ ແລະ ພັດທະນາສວນອຸທິຍານພຶກສາສາດ ຜາ ຊ້າງ-ຜາຂີ້ໝີ້ນ, ແຂວງໄຊຍະບູລີ, ສະບັບເລກທີ 285/ຈຂ.ຊຍ, ລົງວັນທີ 21 ມີນາ 2019 ຢູ່ຫ້ອງວ່າການປົກຄອງ ແຂວງໄຊຍະບູລີ ພາຍໃຕ້ການເປັນປະທານຮ່ວມຂອງທ່ານ ສົມສະໜຸກ ໄຊຄໍາມູນ, ຫົວໜ້າ ພວຕ ແຂວງ ແລະ ທ່ານ ຄຳຜາຍ ແກ້ວບົວ, ຮອງເຈົ້າ ເມືອງໄຊຍະບູລີ.

“ຂໍ້ຕົກລົງດັ່ງກ່າວ ເຜີຍແຜ່ໂດຍທ່ານ ສົມສະໜຸກ ໄຊຄຳມູນ, ຫົວໜ້າ ພວຕ ແຂວງ ໄຊຍະບູລີ ໂດຍມີ ຈຸດປະສົງການນໍາໃຊ້ເນື້ອທີ່ສວນອຸທິຍານສຶກສາສາດ ຜາຊ້າງ-ຜາຂີ້ໝີ້ນ ແຂວງໄຊຍະບູລີ ເພື່ອແນ່ໃສ່ການປະຕິບັດ ແຜນພັດທະນາເສດຖະກິດ-ສັງຄົມໃນໄລຍະຍາວ, ໂດຍສະເພາະແມ່ນແຜນການພັດທະນາວຽກງານຄົ້ນຄວ້າ ວິທະ ຍາສາດ ແລະ ເຕັກໂນໂລຊີຂອງແຂວງ ໃຫ້ປາກົດຜົນເປັນຈິງ. ຂໍ້ຕົກລົງສະບັບນີ້ ປະກອບດ້ວຍ 7 ໝວດ 32 ມາດຕາ.

ບັນດາຜູ້ຕາງໜ້າພະແນກການອ້ອມຂ້າງແຂວງ, ນາຍບ້ານຈໍານວນ 13 ບ້ານ ແລະ ບັນດາວິຊາການ ທັງໝົດ 50 ກວ່າຄົນ ເຂົ້າຮ່ວມກອງປະຊຸມຄັ້ງນີ້ ຊຶ່ງໄດ້ ເປີດໂອກາດໃຫ້ຜູ້ເຂົ້າຮ່ວມ ປະກອບຄຳຄິດຄຳເຫັນຕໍ່ຂໍ້ຕົກລົງສະບັບນີ້ ແລະ ຍັງໄດ້ຮັບຟັງການໂອ້ລົມຂອງທ່ານ ຄໍາຜາຍ ແກ້ວບົວ, ຮອງເຈົ້າແຂວງໄຊຍະບູລີດ້ວຍ.

ຂ່າວ ແລະ ຮູບ: ພວຕ ແຂວງ ໄຊຍະບູລີ

144145146147148149150