ຜົມຫງອກ ເກີດໄດ້ຈາກຫຼາຍສາ ­ເຫດບໍ່ວ່າຈະເປັນ ພັນ­ທຸກຳ, ສຸຂະພາບໜັງຫົວບໍ່ຄ່ອຍດີມີຄວາມມຸດ ມັດສູງ, ໃຊ້

ຜະ­ລິດຕະພັນ ເສັ້ນຜົມທີ່ມີສານເຄມີຫຼາຍເກີນໄປ ເຮັດໃຫ້ເກີດຂາດສານອາ­ຫານເຊັ່ນ:ວິຕາມິນບີ, ໄອໂອດິນ, ທອງ­ແດງ, ທາດເຫຼັກເປັນ­ຕົ້ນ ຫຼື ໂລກດ່າງ, ໂລກເລືອດຈາງ ລວມທັງໂລກກ່ຽວກັບຕ່ອມໄທຣອຍຜິດປົກ­ກະ­ຕິ ດັ່ງ­ນັ້ນຖ້າບໍ່ຢາກໃຫ້ຜົມຫງອກກ່ອນໄວ ຄວນຈະປະ­ຕິ­ບັດຕາມວິ­ທີດ້ວຍການໃຊ້ສະໝຸນໄພດັ່ງຕໍ່ໄປນີ້: 

ເຄືອເຂົາ­ຮໍ: ເຄືອເຂົາ­ຮໍ 100-200 ກຣາມ, ນ້ຳມວກ (ນໍ້າມ່າເຂົ້າ) 1 ຖ້ວຍ ຫຼັງຈາກນັ້ນ ຕຳເຄືອເຂົາ­ຮໍໃຫ້ມຸ່ນລະ­ອຽດໃສ່ລົງໄປໃນໝໍ້ຕື່ມນ້ຳມວກ ນຳ­ໄປຕົ້ມໃຫ້ຟົດແລ້ວປະໄວ້ໃຫ້ເຢັນ ວິ­ທີໃຊ້ແມ່ນນຳມາທາໃຫ້ທົ່ວ ໜັງຫົວໝັກຜົມໄວ້ປະ­ມານ 10 ນາ­ທີ ຈາກນັ້ນນວດຄ່ອຍໆແລ້ວລ້າງອອກ ດ້ວຍນ້ຳສະ­ອາດຄວນໃຊ້ອາ­ທິດລະ 2-4 ຄັ້ງ ເພາະເຄືອເຂົາຮໍອຸ­ດົມໄປດ້ວຍສານໃນກຸ່ມແອລຄາລອຍ (Alkaloid) ຊຶ່ງເປັນ­ສານຂົມມີຄຸນ­ສົມ­ບັດຊ່ວຍ ປ້ອງ ກັນຜົມຫງອກ ແລະບຳ­ລຸງເສັ້ນຜົມໃຫ້ແຂງ­ແຮງ.

ໃບຜັກ­ໜອກ: ໃບຜັກ­ໜອກ 2-3 ກໍາ­ມື, ນ້ຳ1 ຖ້ວຍ ແລະ ນໍ້າໝາກ­ພ້າວ 5 ບ່ວງແກງ ຈາກນັ້ນ, ນຳເອົາໃບຜັກໜອກມາຕັດເປັນຕ່ອນນ້ອຍໆ ແລ້ວນຳໄປ ປັ່ນປະສົມກັບນ້ຳ, ແລ້ວນຳ­ໄປຕົ້ມໃນໄຟອ່ອນໆໃສ່ນ້ຳໝາກພ້າວລົງ ໄປຂ້ຽວສ່ວນປະ­ສົມໄປເລື້ອຍໆຈົນເຫຼືອເປັນນ້ຳ­ມັນໆ ຈາກນັ້ນ ກໍນຳມາປະໄວ້ໃຫ້ອຸ່ນແລ້ວນຳມາ ທາເສັ້ນຜົມ ໝັກໄວ້ປະ­ມານ 15 ນາ­ທີ ແລ້ວນວດໜັງຫົວຄ່ອຍໆປະມານ 5 ນາ­ທີ ແລ້ວລ້າງອອກດ້ວຍນ້ຳສະ­ອາດ ຄວນເຮັດອາ­ທິດລະ 2-4 ຄັ້ງ .

ຮຽບຮຽງໂດຍ: ທັດສະນີ ພົງບັນດິດ