Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home News Party activities ຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ.

ຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ.

013ໃນວັນທີ 31 ຕຸລາ 2019 ຜ່ານມາ, ໜ່ວຍພັກກົມເຕັກໂນໂລຊີ ດິຈິຕ໋ອນ ແລະ ໜ່ວຍພັກ ສະຖາບັນພະລັງງານ

ທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ (ກວຕ) ຈັດພິທີເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ແລະ ຮັບເອົາມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງຂອງພັກປະຊາຊົນປະຕິວັດລາວ. ໂດຍໃຫ້ກຽດເຂົ້າຮ່ວມຂອງ ສະຫາຍ ຫຸມພັນ ອິນທະຣາດ, ຄະນະພັກກະຊວງ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ມີບັນດາເລຂາ, ຮອງເລຂາໜ່ວຍພັກຫ້ອງການ, ກົມ, ສະຖາບັນ, ຕາງໜ້າສາມອົງການຈັດຕັ້ງມະຫາຊົນຂອງກະຊວງ ແລະ ສະມາຊິກພັກ 2 ພາກສ່ວນດັ່ງກ່າວເຂົ້າຮ່ວມ.

ໃນພິທີສະຫາຍ ແກ້ວນະຄອນ ໄຊສຸລຽນ, ເລຂາໜ່ວຍພັກ ກົມເຕັກໂນໂນໂລຊີ ດິຈິຕ໋ອນ ຂຶ້ນຜ່ານມະຕິຕົກລົງຂອງຄະນະພັກກະຊວງ ວ່າດ້ວຍການເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ຈຳນວນ 4 ສະຫາຍ ແລະ ຜ່ານມະຕິຕົກລົງວ່າດ້ວຍການຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງຈຳນວນ 6 ສະຫາຍ, ຍິງ 5 ສະ ຫາຍ.

ຈາກນັ້ນ, ສະຫາຍ ນາງ ໄມຕີ ວົງຄຳຊາວ, ຄະນະພັກກະຊວງ, ເລຂາໜ່ວຍພັກ ສະຖາບັນພະລັງງານທົດແທນ ແລະ ວັດສະດຸໃໝ່ ກໍໄດ້ຂຶ້ນຜ່ານມະຕິຕົກລົງວ່າດ້ວຍການຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງຈຳນວນ 1 ສະຫາຍ.

ໂອກາດດັ່ງກ່າວ, ສະຫາຍ ຫຸມພັນ ອິນທະຣາດ ໄດ້ໃຫ້ກຽດໂອລົມຕໍ່ພິທີຮັບສະມາຊິກພັກໃນຄັ້ງນີ້ ຊຶ່ງສະຫາຍໄດ້ຕາງໜ້າຄະນະພັກ, ຄະນະນຳກະຊວງສະແດງຄວາມຍ້ອງຍໍຊົມເຊີຍຕໍ່ 2 ໜ່ວຍພັກ ທີ່ ສ້າງໄດ້ສະມາຊິກພັກສຳຮອງໃໝ່ ແລະ ສາມາດເລື່ອນສະມາຊິກພັກສຳຮອງຂຶ້ນເປັນສົມບູນ ເຮັດໃຫ້ໜ່ວຍພັກມີການເຕີບໃຫຍ່ຂະຫຍາຍໂຕ ແລະ ໄດ້ຊົມເຊີຍຕໍ່ບັນດາສະມາຊິກທັງສຳຮອງ ແລະ ສົມບູນໃໝ່ ທີ່ສາມາດກ້າວຜ່ານຈົນສາມາດເຂົ້າເປັນສະມາຊິກພັກປະຊາຊົນປະຕິວັດລາວໃນຄັ້ງນີ້.

ສະຫາຍ ຍັງໄດ້ເນັ້ນໜັກໃຫ້ສະມາຊິກພັກໃໝ່ ແລະ ສະມາຊິກພັກເກົ່າ ຕ້ອງສືບຕໍ່ຝຶກຝົນຫຼໍ່ຫຼອມຕົນເອງ, ຮັກສາມູນເຊື້ອຄຸນສົມບັດສິນທຳປະຕິວັດ, ເອົາໃຈໃສ່ການພັດທະນາຕົນເອງ, ມີແບບແຜນວິທີເຮັດວຽກທີ່ດີ, ຄວາມສາມັກຄີ ແລະ ການຕຳນິຕິຊົມກັນຢ່າງເປັນປົກກະຕິ, ເປັນແບບຢ່າງແກ່ມະຫາຊົນ, ສຸມທຸກສະຕິເຫື່ອແຮງເຂົ້າໃນການຈັດຕັ້ງປະຕິບັດວຽກງານທີ່ຂັ້ນເທິງມອບໝາຍໃຫ້ ເຮັດໃຫ້ວຽກງານວິທະຍາສາດ ແລະ ເຕັກໂນໂລຊີ ນັບມື້ນັບເຂັ້ມແຂງ, ກ້າວໜ້າ ແລະ ສາມາດປະກອບສ່ວນເຂົ້າໃນການສ້າງສາພັດທະນາປະເທດຊາດເຮົາໃຫ້ນັບມື້ນັບຈະເລີນກ້າວໜ້າໃຫ້ທຽບທັນກັບປະເທດໃນພາກພື້ນ ແລະ ສາກົນ.

ພາບ ແລະ ບົດຂ່າວ: ບຸນທັນ ນັນທະວົງ

014015019020022023024025026028027021017018