Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home News Party activities ໜ່ວຍພັກກົມມາດຕະຖານ ແລະ ວັດແທກ ສຳເລັດກອງປະຊຸມໃຫຍ່ຄັ້ງທີ II

ໜ່ວຍພັກກົມມາດຕະຖານ ແລະ ວັດແທກ ສຳເລັດກອງປະຊຸມໃຫຍ່ຄັ້ງທີ II

064ກອງປະຊຸມໃຫຍ່ຄັ້ງທີ II ໜ່ວຍພັກກົມມາດຕະຖານ ແລະ ວັດແທກ ໄດ້ເປີດຂຶ້ນໃນຕອນເຊົ້າຂອງວັນທີ 30

ຕຸລາ 2019 ທີ່ຫ້ອງປະຊຸມ ສະຖາບັນນິເວດວິທະຍາ ແລະ ເຕັກໂນໂລຊີ ຊີວະພາບ, ກະຊວງວິທະຍາສາດ ແລະ ເຕັກໂນໂລຊີ ພາຍໃຕ້ການເປັນຄະນະປະທານຂອງສະຫາຍ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ເລຂາຄະນະພັກກະຊວງ, ສະຫາຍ ວຽງທອງ ວົງທະວິໄລ, ເລຂາໜ່ວຍພັກ ກົມມາດຕະຖານ ແລະ ວັດແທກ ແລະ ສະຫາຍ ນ. ນິສິດ ຄຳມູນເຮືອງ, ຮອງເລຂາໜ່ວຍພັກ ກົມມາດຕະຖານ ແລະ ວັດແທກ, ເຂົ້າຮ່ວມກອງປະຊຸມດັ່ງກ່າວມີທ່ານ ບຸນຕີ ທະມິດ, ຮອງເລຂາຄະນະພັກ, ມີບັນດາຄະນະພັກກະຊວງ, ບັນດາເລຂາໜ່ວຍພັກຫ້ອງການ, ກົມ, ສະຖາບັນອ້ອມຂ້າງກະຊວງ 13 ໜ່ວຍພັກ, ສາມອົງການຈັດຕັ້ງມະຫາຊົນ, ສະມາຊິກພັກສົມບູນ ແລະ ສໍາຮອງຂອງໜ່ວຍພັກກົມມາດຕະ ຖານ ແລະ ວັດແທກ.

ກອງປະຊຸມໃຫຍ່ຄັ້ງທີ II ຂອງໜ່ວຍພັກກົມມາດຕະຖານ ແລະ ວັດແທກ ໄດ້ພ້ອມກັນຄົ້ນຄວ້າ ແລະ ປະກອບຄຳເຫັນເອກະພາບກັນ ແລະ ຮັບຮອງເອົາບົດລາຍງານການເມືອງ ແລະ ບົດສຳຫຼວດການນຳພາຂອງຄະນະໜ່ວຍພັກຊຸດເກົ່າ, ເປັນເອກະພາບກັນຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ ແລະ ບົດຮຽນໃນການຊີ້ນຳ-ນຳພາ, ການຈັດຕັ້ງປະຕິບັດ, ມະຕິອົງຄະນະພັກກະຊວງ ແລະ ແຜນການລວມ ຂອງໜ່ວຍພັກໃນໄລຍະຜ່ານມາ. ພ້ອມນີ້, ກອງປະຊຸມຍັງໄດ້ເປັນເອກະພາບກັນຮັບຮອງເອົາທິດທາງແຜນການ 05 ປີ ນັບແຕ່ ປີ 2020 ຮອດປີ 2024 ຊຶ່ງມີເນື້ອໃນຕົ້ນຕໍລຸ່ມນີ້:

1). ຄົ້ນຄວ້າເຊື່ອມຊຶມແນວທາງ, ນະໂຍບາຍ, ກົດລະບຽບຂອງພັກ ແລະ ກົດໝາຍຂອງລັດ, ຫັນມະຕິຄຳສັ່ງ ຂອງອົງຄະນະພັກກະຊວງເປັນແຜນການ, ໂຄງການຂອງຕົນ, ຄົ້ນຄວ້າມະຕິ, ວິທີການຈັດຕັ້ງປະຕິບັດ ເພື່ອນຳພາການປະຕິບັດໜ້າທີ່ການເມືອງຢູ່ໜ່ວຍພັກໃຫ້ຖືກຕ້ອງ.

2). ກໍ່ສ້າງໜ່ວຍພັກກົມມາດຕະຖານ ແລະ ວັດແທກ ໃຫ້ປອດໃສ, ເຂັ້ມແຂງ, ໜັກແໜ້ນ ທາງດ້ານ ການເມືອງ ແນວຄິດ, ການຈັດຕັ້ງ ແລະ ແບບແຜນວິທີການນຳພາ, ຊຸກຍູ້, ຕິດຕາມ, ກວດກາສະມາຊິກພັກ ແລະ ພະນັກງານລັດຖະກອນທີ່ຕົນຮັບຜິດຊອບ ເອົາໃຈໃສ່ສຶກສາອົບຮົມ ແລະ ກໍ່ສ້າງມະຫາຊົນເພື່ອຂະຫຍາຍເຂົ້າເປັນສະມາຊິກພັກ.

3). ນຳພາກໍ່ສ້າງ ແລະ ປັບປຸງໜ່ວຍພັກກົມມາດຕະຖານ ແລະ ວັດແທກໃຫ້ເຄື່ອນໄຫວຕາມພາລະບົດບາດ, ຫນ້າທີ່, ສິດ ແລະ ຄວາມຮັບຜິດຊອບຂອງຕົນ, ຄົ້ນຄ້ວາ, ສັບຊ້ອນ ແລະ ຈັດສະມາຊິກຜູ້ທີ່ມີຄວາມຮູ້, ຄວາມສາມາດ ເຂົ້ານຳພາແຕ່ລະພະແນກ, ສູນຂອງກົມ.

4). ຊຸກຍູ້, ຕິດຕາມ, ກວດກາສະມາຊິກພັກ, ພະນັກງານໃຫ້ເປັນເຈົ້າການປະຕິບັດແຜນພັດທະນາເສດຖະກິດ-ສັງຄົມ, ນະໂຍບາຍຊົນເຜົ່າ, ນະໂຍບາຍຕ່າງປະເທດຂອງພັກ, ເຮັດວຽກປ້ອງກັນພັກ-ພະນັກງານ ແລະ ປ້ອງກັນຄວາມສະຫງົບພາຍໃນຂົງເຂດທີ່ຕົນຮັບຜິດຊອບ.

5). ຄົ້ນຄ້ວານຳສະເໜີຂັ້ນເທິງພິຈາລະນາ ແລະ ອະນຸມັດອອກມະຕິຮັບຮອງເອົາຜົນການເລືອກຕັ້ງຂອງໜ່ວຍພັກ ເພື່ອນຳສະເໜີຂັ້ນເທິງຕົກລົງແຕ່ງຕັ້ງຕຳແໜ່ງເລຂາ, ຮອງເລຂາ ແລະ ຄະນະໜ່ວຍພັກ.

6). ນຳພາຊຸກຍູ້ຕິດຕາມ, ກວດກາການເຄື່ອນໄຫວຂອງບັນດາສະມາຊິກພັກ ປະຕິບັດກົດລະບຽບຂອງພັກ ແລະ ໜ້າທີ່ວຽກງານທີ່ໜ່ວຍພັກກົມມາດຕະຖານ ແລະ ວັດແທກວາງອອກ, ຄຸ້ມຄອງການເງິນຂອງພັກກວດກາພິຈາ ລະນາຄຳເຫັນ ຫຼື ຄຳສະເໜີຂອງໜ່ວຍພັກກ່ຽວກັບເປົ້າໝາຍ ທີ່ຈະຂະຫຍາຍເຂົ້າເປັນສະມາຊິກພັກ, ຈັດຕັ້ງຮຽນສະໜັບສະໜູນ ແລະ ກົດລະບຽບພັກໃຫ້ແກ່ເປົ້າໝາຍທີ່ຈະເຂົ້າເປັນສະມາຊັກພັກ, ສະຫຼຸບລາຍງານໃຫ້ ຄະນະພັກຂັ້ນເທິງເພື່ອພ