Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home News Party activities ກອງປະຊຸມໃຫຍ່ສະມາຊິກພັກ ຄັ້ງທີ II ຂອງໜ່ວຍພັກ ສະຖາບັນ ພະລັງງານທົດແທນ ແລະ ວັດສະດຸໃໝ່

ກອງປະຊຸມໃຫຍ່ສະມາຊິກພັກ ຄັ້ງທີ II ຂອງໜ່ວຍພັກ ສະຖາບັນ ພະລັງງານທົດແທນ ແລະ ວັດສະດຸໃໝ່

017

ກອງປະຊຸມໃຫຍ່ສະມາຊິກພັກ ຄັ້ງທີ II ຂອງໜ່ວຍພັກ ສະຖາບັນ ພະລັງງານທົດແທນ ແລະ ວັດສະດຸໃໝ່

(ສພວ) ໄດ້ໄຂຂຶ້ນໃນຕອນເຊົ້າ ຂອງວັນທີ 29 ຕຸລາ 2019, ທີ່ຫ້ອງປະຊຸມ ສະຖາບັນນິເວດວິທະຍາ ແລະ ເຕັກໂນໂລຊີ ຊີວະພາບ ແລະ ໄດ້ຮັບກຽດການເຂົ້າຮ່ວມເປັນປະທານຂອງ ສະຫາຍ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ (ກວຕ), ສະຫາຍ ນາງ ໄມຕີ ວົງຄໍາຊາວ, ເລຂາໜ່ວຍພັກ ສພວ, ສະຫາຍ ບຸນຈັນ ດວງວິໄລ, ຮອງເລຂາໜ່ວຍພັກ ສພວ, ຊຶ່ງມີຮອງເລຂາຄະນະພັກ, ບັນດາຄະນະພັກກະຊວງ, ບັນດາເລຂາໜ່ວຍພັກ, ຕາງໜ້າສາມອົງການຈັດຕັ້ງມະຫາຊົນພາຍໃນກະຊວງ ແລະ ສະມາຊິພັກພາຍໃນໜ່ວຍເຂົ້າຮ່ວມຢ່າງພ້ອມພຽງ.

ກອງປະຊຸມໃຫຍ່ຄັ້ງນີ້ ໄດ້ດໍາເນີນເປັນເວລາເຄິ່ງວັນ ແລະ ໄດ້ເປັນເອກະ ພາບຮັບຮອງເອົາບັນດາເນື້ອໃນທີ່ສຳຄັນຄື: ກອງປະຊຸມໄດ້ເຫັນດີເປັນເອກະພາບ ຕໍ່ບົດລາຍງານການເມືອງ, ທິດທາງແຜນການໃນຕໍ່ໜ້າ ຄາດໝາຍສູ້ຊົນ ວຽກງານແຕ່ລະດ້ານ ບົດສຳຫຼວດການນຳພາຂອງຄະນະໜ່ວຍພັກຊຸດເກົ່າທີ່ໄດ້ຕີລາຄາດ້ານດີ, ດ້ານອອ່ນ, ຂໍ້ຄົງ ຄ້າງ, ສາເຫດ, ບົດຮຽນໃນການຊີ້ນໍາ-ນໍາພາ ແລະ ການຈັດຕັ້ງປະຕິບັດວຽກງານໃນໄລຍະທີ່ຜ່ານມາ.

ພ້ອມນີ້, ກອງປະຊຸມໄດ້ເປັນເອກະສັນຮັບຮອງເອົາທິດທາງແຜນການ ແຕ່ 2020 ຮອດປີ 2024 ຊຶ່ງມີເນື້ອໃນ ດັ່ງນີ້:

ທິດທາງລວມ: ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ II ຂອງໜ່ວຍພັກ ສພວ ແລະ ມະຕິກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ II ຂອງອົງຄະນະພັກກະຊວງໃຫ້ເປັນແຜນງານ, ແຜນການ ແລະ ໂຄງການລະອຽດ ປະຈໍາປີ, ປະຈໍາ 5 ປີໃນຂົງເຂດວຽກ ງານຂອງຕົນເອງໃຫ້ປະກົດຜົນເປັນຈິງ, ເອົາໃຈໃສ່ສຶກສາອົບຮົມການເມືອງແນວຄິດ ໂດຍສະເພາະໃຫ້ແກ່ສະມາຊິກພັກຮຸ່ນໜຸ່ມນ້ອຍໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ຍົກໃຫ້ເຫັນຄວາມສາມາດນຳພາຂອງພັກ, ສາມາດຫັນທິດສະດີມາເປັນແນວທາງແຜນນະໂຍບາຍຂອງພັກ ໃຫ້ສອດຄ່ອງກັບສະພາບແວດລ້ອມ ແລະ ເງື່ອນໄຂຕົວຈິງ; ເພີ່ມທະວີບົດບາດການນໍາພາ ແລະ ຄວາມເປັນແບບຢ່າງທີ່ດີໃຫ້ແກ່ສະມາຊິກພັກ-ພະນັກງານ ພາຍໃນສະຖາບັນໃນທຸກດ້ານ, ຕັ້ງໜ້າຊີ້ນຳວຽກງານ ວິຊາສະເພາະທີ່ໄດ້ຮັບການມອບໝາຍໃຫ້ສຳເລັດຕາມແຜນການທີ່ວາງໄວ້; ສືບຕໍ່ປັບປຸງກົງຈັກການຈັດຕັ້ງພາຍໃນໜ່ວຍພັກ ໃຫ້ມີຄວາມໜັກແໜ້ນເຂັ້ມແຂງ ສາມາດຮັບປະກັນໄດ້ທັງປະລິມານ ແລະ ຄຸນນະພາບ; ສືບຕໍ່ພັດທະນາຊັບພະຍາກອນມະນຸດຖືເປັນປັດໄຈຕັດສິນການຄົ້ນຄວ້າ ແລະ ພັດທະນາ ໜ້າທີ່ການເມືອງທີ່ໄດ້ຮັບ ການມອບໝາຍຈາກຂັ້ນເທິງ.

ພ້ອມດຽວກັນກໍຍັງໄດ້ວາງຄາດໝາຍສູ້ຊົນຄື: ເຮັດໃຫ້ການຈັດຕັ້ງພາຍໃນໜ່ວຍພັກມີຄວາມໜັກແໜ້ນເຂັ້ມແຂງ;ສະມາຊິກພັກທຸກສະຫາຍຕ້ອງກຳແໜ້ນແນວທາງນະໂຍບາຍຂອງພັກ, ມີສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິຂອງສັດຕູ, ອອກແຮງຄົ້ນຄວ້າເຊື່ອມຊຶມທຸກມະຕິຄຳສັ່ງ, ເອກະສານທີ່ສຳຄັນຂອງພັກໃຫ້ເລິກເຊິ່ງ ດໍາເນີນຊີວິດການເມືອງພາຍໃນໜ່ວຍພັກໃຫ້ເປັນປົກກະຕິ, ຕຳນິສົ່ງຂ່າວກໍ່ສ້າງເຊິ່ງກັນ ແລະ ກັນດ້ວຍຄວາມຈິງໃຈ; ສູ້ຊົນນຳພາສະມາຊິກພັກ-ພະນັກງານ ສ້າງໜ່ວຍພັກໃຫ້ກາຍເປັນໜ່ວຍພັກປອດໄສ ເຂັ້ມແຂງ ໜັກແໜ້ນ; ກໍ່ສ້າງສະມາ ຊິກພັກໃຫ້ເຂັ້ມແຂງຮອບດ້ານໃຫ້ໄດ້ 90 % ຂອງຈໍານວນສະມາຊິກພັກ; ນຳພາສະມາຊິກພັກ-ພະນັກງານສູ້ຊົນປະຕິບັດຄຳຂວັນ 3 ຮ ( 1. ຮຽນດ້ວຍຕົນເອງ, 2. ຮຽນນຳໝູ່ຄະນະ, 3. ຮ່ວມກັນພັດທະນາ) ແລະ 3 ສ ( 1. ສ້າງຄົນ, 2. ສ້າງງານ, 3. ສ້າງລາຍຮັບ) ແລະປະຕິບັດມະຕິກອງປະຊຸມໃຫຍ່ຄັ້ງທີII ຂອງໜ່ວຍພັກໃຫ້ປະກົດຜົນເປັນຈິງ; ເພີ່ມທະວີບົດບາດການນຳພາຂອງຄະນະໜ່ວຍພັກ, ຄະນະສະຖາບັນ ໃນຂົງເຂດວຽກງານທີ່ຕົນເອງຮັບຜິດຊອບ ໃຫ້ຖືກຕາມພາລະບົດບາດ ແລະ ໜ້າທີ່, ປັບປຸງແບບແຜນການນຳພາ ວິທີການເຄື່ອນໄຫວວຽກງານດ້ານຕ່າງໆ ໃຫ້ມີຄວາມແທດເໝາະກັບສະພາບຕົວຈິງ, ສະມາຊິກພັກທຸກສະຫາຍຕ້ອງເປັນແບບຢ່າງນຳໜ້າໃນທຸກດ້ານ; ການກໍ່ສ້າງສະມາຊິກພັກ-ພະນັກງານ ພາຍໃນໜ່ວຍພັກໃຫ້ໄດ້ຕາມແຜນການທີ່ວາງໄວ້; ສະມາຊິກພັກຕ້ອງຮັບປະກັນທາດແທ້ຄຸນທາດການເມືອງທີ່ໜັກແໜ້ນ, ສິນທຳປະຕິວັດ, ຄວາມຮູ້ທາງດ້ານເຕັກນິກ ວິທະຍາສາດ ແລະ ວິຊາການທີ່ແນ່ນອນ; ສູ້ຊົນຂະຫຍາຍ ສະມາຊິກພັກໃໝ່ໃຫ້ໄດ້ຢ່າງໜ້ອຍ 07 ສະ ຫາຍຂຶ້ນໄປຫຼືໃຫ້ໄດ້ 70% ຂອງຈໍານວນພະນັກງານທັງໝົດໃນສະຖາບັນ; ສູ້ຊົນຍົກລະດັບວິຊາສະເພາະໃຫ້ແກ່ສະມາຊິກພັກ-ພະນັກງານພາຍໃນສະຖາບັນ ລະດັບປະລິນຍາໂທ ໃຫ້ໄດ້ 04 ຄົນ ແລະ ປະລິນຍາເອກ ໃຫ້ໄດ້ 03 ຄົນ.

ໃນວາລະດຽວກັນນີ້, ຜູ້ແທນກອງປະຊຸມໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ ບົນພື້ນຖານຫຼັກການລວມສຸນປະຊາທິປະໄຕ ທັງຖືກຕ້ອງສອດຄ່ອງກັບມາດຖານເງື່ອນໄຂທີ່ກຳນົດໄວ້ ຊຶ່ງມີຜູ້ຮັບສະໝັກ 05 ສະຫາຍ, ຍິງ 02 ສະຫາຍ ແລະ ເລືອກໄດ້ 03 ສະຫາຍ, ຍິງ 01 ສະຫາຍ ແລະ ກອງປະຊຸມຄັ້ງປະຖົມມະລຶກ ໄດ້ເປັນເອກະສັນ ຄື: ສະຫາຍ ນ. ໄມຕີ ວົງຄໍາຊາວ ເປັນເລຂາໜ່ວຍພັກ; ສະຫາຍ ສຸກັນ ວັນນະໂພ ເປັນຮອງເລຂາໜ່ວຍພັກ ແລະ ປະທານກວດກາ; ສະຫາຍ ຫຸມແພງ ເທື້ອມບຸນມີ ເປັນຄະນະໜ່ວຍພັກ.

ພ້ອມດຽວກັນ, ກອງປະຊຸມໃຫຍ່ຄັ້ງນີ້ ຍັງໄດ້ເລືອກເອົາຜູ້ແທນສົມບູນເພື່ອເຂົ້າຮ່ວມກອງປະຊຸມໃຫຍ່ຜູ້ແທນສະມາຊິກພັກຄັ້ງທີ II ຂອງອົງຄະນະພັກກະຊວງ ຈໍານວນ 09 ສະຫາຍ ແລະ ຜູ້ແທນສໍາຮອງ ຈໍານວນ 01 ສະຫາຍ.

ໂອກາດອັນສະຫງ່າລາສີນີ້, ກອງປະຊຸມໃຫຍ່ໄດ້ເປັນກຽດຢ່າງສູງຮັບຟັງການໂອ້ລົມຈາກ ສະຫາຍ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ເລຂາຄະນະພັກລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳ-ນໍາພາຂອງຄະນະພັກຊຸດເກົ່າ ທີ່ໄດ້ຊີ້ນຳ-ນໍາພາ ສະມາຊິກພັກ-ພະນັກງານ, ສ້າງໄດ້ຜົນງານແລະຜົນສຳເລັດຫຼາຍດ້ານ.

ສະຫາຍຍັງໄດ້ກ່າວສະແດງຄວາມເປັນຫ່ວງເປັນໄຍ ດ້ານອ່ອນ, ຂໍ້ຄົງຄ້າງ ຊຶ່ງໄດ້ຮຽກຮ້ອງໃຫ້ຄະນະໜ່ວຍພັກຊຸດໃໝ່ ຈະຕ້ອງໄດ້ສຶບຕໍ່ປັບປຸງແກ້ໄຂ. ພ້ອມນັ້ນ, ຍັງໄດ້ໃຫ້ທິດຊີ້ນຳວຽກງານແຕ່ລະດ້ານໃນທາງສ້າງສັນ, ສະຫາຍມີຄວາມເຊື່ອໝັ້ນຕໍ່ຄະນະພັກຊຸດໃໝ່ ທີ່ຈະສືບຕໍ່ຊີ້ນໍາ-ນໍາພາຈັດຕັ້ງປະຕິບັດມະຕິກອງປະຊຸມໃຫຍ່ສະມາຊິກພັກຄັ້ງທີ II ຂອງໜ່ວຍພັກ ໃຫ້ປະຕິບັດໄດ້ຜົນງານ ແລະ ຜົນສຳເລັດຍິ່ງໃຫຍ່ກ່ວາເກົ່າ.

ກອງປະຊຸມຮຽກຮ້ອງມາຍັງສະມາຊິກພັກ-ພະນັກງານ ຈົ່ງເຊີດຊູສະຕິ ແລະ ຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂຶ້ນເລື້ອຍໆ ເຮັດໃຫ້ວຽກງານກໍ່ສ້າງພັກ-ພະນັກງານ ມີບາດກ້າວຂະຫຍາຍຕົວມີຄວາມໜັກແໜ້ນທາງດ້ານການເມືອງ ແລະ ມີຄວາມເຂັ້ມແຂງທາງດ້ານການຈັດຕັ້ງ ມີຄວາມໂປ່ງໃສຕໍ່ການປະຕິບັດວຽກງານວິຊາສະເພາະຢ່າງແທ້ຈິງ.

018020021019022023024026027028031025030