Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home News Leadership activities ລັດຖະມົນຕີ ກວຕ ຕ້ອນຮັບການເຂົ້າຢ້ຽມຂໍ່ານັບຂອງ ຜູ້ບໍລິຫານບໍລິສັດ KYOCERA

ລັດຖະມົນຕີ ກວຕ ຕ້ອນຮັບການເຂົ້າຢ້ຽມຂໍ່ານັບຂອງ ຜູ້ບໍລິຫານບໍລິສັດ KYOCERA

0033ໃນວັນທີ 9 ສິງຫາ 2019 ຜ່ານມາ, ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກະຊວງວິທະຍາສາດ

ແລະ ເຕັກໂນໂລຊີ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ Yuji Sugiyama, ຜູ້ບໍລິຫານ ບໍລິສັດ KYOCERA, ຍີ່ປຸ່ນ ພ້ອມດ້ວຍຄະນະ.

ຈຸດປະສົງຂອງການເຂົ້າຢ້ຽມຂໍ່ານັບໃນຄັ້ງນີ້ ກໍເພື່ອປຶກສາຫາລື ແລະ ຂໍທິດຊີ້ນຳເຖີງຄວາມເປັນໄປໄດ້ໃນ ຂະຫຍາຍທຸລະກິດ ຢູ່ ສປປ ລາວ ແລະ ຮ່ວມຫາລື ໃນການຮ່ວມມືກັບກະຊວງວິທະຍາສາດ ແລະ ເຕັກໂນໂລຊີ ໂດຍສະເພາະແມ່ນຮ່ວມມືໃນການຄົ້ນຄວ້າກ່ຽວກັບການນຳໃຊ້ພະລັງງານໄຟຟ້າທີ່ຜະລິດຈາກແສງຕາເວັນ ຊຶ່ງທາງ ບໍລິສັດ KYOCERA ເປັນບໍລິສັດຊັ້ນນໍາຂອງປະເທດຍີ່ປຸ່ນທີ່ມີທ່າແຮງ ແລະ ດໍາເນີນທຸລະກິດທາງດ້ານນີ້.

ໂອກາດດຽວກັນ, ທ່ານ ລັດຖະມົນຕີ ໄດ້ສະແດງຄວາມຮູ້ສຶກຍິນດີຕ້ອນຮັບ ແລະ ຂອບໃຈ ຕໍ່ທ່ານ ປະທານບໍລິສັດ ພ້ອມດ້ວຍຄະນະ ທີ່ໄດ້ເຂົ້າຢ້ຽມຂໍ່ານັບ ໃນຄັ້ງນີ້, ພ້ອມທັງສະແດງຄວາມຍີນດີໃຫ້ການຮ່ວມມື ໃນການຈັດຕັ້ງປະຕິບັດວຽກງານດັ່ງກ່າວໃນອານາຄົດ ເພື່ອສ້າງ ແລະ ສົ່ງເສີມການນຳໃຊ້ ວຽກງານວິທະຍາສາດ ແລະ ເຕັກໂນໂລຊີ ໃຫ້ນັບມື້ນັບມີຄວາມກ້າວໜ້າ.

ພາບ ແລະ ບົດຂ່າວ: ບຸນທັນ ນັນທະວົງ

003400350036