Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home News Local News ຮອງລັດຖະມົນຕີ ກວຕ ຢ້ຽມຢາມ ແລະ ໂອ້ລົມພະ ນັກງານ ພວຕ ແຂວງອຸດົມໄຊ

ຮອງລັດຖະມົນຕີ ກວຕ ຢ້ຽມຢາມ ແລະ ໂອ້ລົມພະ ນັກງານ ພວຕ ແຂວງອຸດົມໄຊ

159ວັນທີ 19 ມີຖຸນາ 2019, ທ່ານ ປອ. ສິລິອຸດົງ ສຸນດາລາ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນ

ໂລຊີ ພ້ອມດ້ວຍຄະນະ ໄດ້ຢ້ຽມຢາມ ແລະ ໂອ້ລົມພະນັກງານພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງອຸດົມໄຊ ທີ່ຫ້ອງປະຊຸມຂອງພະແນກດັ່ງກ່າວ ແລະ ໄດ້ຮັບການຕ້ອງຮັບຂອງທ່ານ ສົມແພງ ໄພຍາວົງ, ຫົວ ໜ້າ ພວຕ ພ້ອມດ້ວຍຄະນະ, ຫົວໜ້າຂະແໜງ, ພະນັກງານວິຊາການ ແລະ ໜ່ວຍງານ ວຕ ເມືອງໄຊຢ່າງອົບອຸ່ນ.

ໂອກາດດັ່ງກ່າວ, ທ່ານ ຫົວໜ້າ ພວຕ ແຂວງອຸດົມໄຊ ໄດ້ລາຍງານກ່ຽວກັບສະພາບການເຄື່ອນໄຫວ ຈັດຕັ້ງປະຕິບັດວຽກງານໃນໄລຍະ 6 ເດືອນຕົ້ນປີ 2019 ໂດຍຫຍໍ້ຕໍ່ທ່ານ ຮອງລັດຖະມົນຕີ ແລະ ຄະນະ ໄດ້ຮັບ ຊາບ.

ທ່ານກ່າວວ່າ: ຜົນງານທີ່ພົ້ນເດັ່ນຄືການຂື້ນຄື່ອງໝາຍການຄ້າ, ກວດສິນຄ້າປອມແປງເຄື່ອງໝາຍການ ຄ້າ, ກວດສອບຄຸນນະພາບນໍ້າມັນ, ກວດທຽບຫົວຈ່າຍ ນໍ້າມັນເຊື້ອໄຟ, ຂື້ນທະບຽນຕູ້ປໍ້າ, ກວດທຽບລົດບັນທຸກ ນໍ້າມັນເຊື້ອໄຟ, ກວດທຽບກົງເຕີນໍ້າປະປາ ແລະ ກວດຊິງຊັ່ງ.

ນອກນີ້, ພວຕ ແຂວງ ຍັງໄດ້ເຜີຍແຜ່ບັນດານິຕິກໍາຕ່າງໆ ອອກສູ່ສັງຄົມດ້ວຍຫຼາຍຮູບການເຊັ່ນ: ແຜ່ນພັບ, ເວັບໄຊທ໌ ແລະ ອອກສື່ອອນໄລເປັນຕົ້ນ.

ທ່ານ ຫົວໜ້າ ພວຕ ຍັງມີຂໍ້ສະເໜີບາງຈຸດທີ່ຍັງຄົງຄ້າງ ເຊັ່ນ: ການແບ່ງຂັ້ນຄຸ້ມຄອງລະຫວ່າງ ສຸນກາງ ແລະ ທ້ອງຖິ່ນ, ການປັບປຸງກົງຈັກການຈັດຕັ້ງໜ່ວຍ ງານວິທະຍາສາດ ແລະ ເຕັກໂນໂລຊີຂັ້ນເມືອງເປັນຕົ້ນ.

ພາຍຫຼັງ ໄດ້ຮັບຟັງການລາຍງານແລ້ວ, ທ່ານຮອງລັດຖະມົນຕີ ກວຕ ໄດ້ໃຫ້ກຽດໂອ້ລົມ ແລະ ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ທາງພະແນກສາມາດ ຈັດຕັ້ງປະຕິບັດໄດ້ຫຼາຍດ້ານໃນໄລຍະຜ່ານມາ ແລະ ເອົາໃຈໃສ່ສຶບຕໍ່ປະຕິບັດບາງໜ້າວຽກທີ່ຍັງຄົງຄ້າງໃຫ້ປະສົບຜົນສໍາເລັດ.

ຂະນະດ່ຽວກັນ, ທ່ານຮອງລັດຖະມົນຕີ ຍັງໃຫ້ທິດຊີ້ນໍາຕໍ່ພະນັກງານໃນພະແນກເອົາໃຈໃສ່ເພີ່ມທະວີເປັນເຈົ້າການໃນການສຶກສາຄົ້ນຄວ້າຜັນຂະຫຍາຍວຽກງານ ວຕ ໃຫ້ຕິດພັນກັບການພັດທະນາເສດຖະກິດ-ສັງຄົມຂອງແຂວງເປັນຫຼັກ.

ນອກຈາກວຽກງານຄົ້ນຄວ້າແລ້ວ ຍັງຕ້ອງໄດ້ເຮັດໜ້າທີ່ການເຜີຍແຜ່ຂໍ້ມຸນຂ່າວສານທາງດ້ານຊັບສິນທາງປັນຍາ, ມາດຕະຖານ ແລະ ວັດແທກຕື່ມອີກ, ຂະ ຫຍາຍຕາໜ່າງການຮ່ວມມືກັບບັນດາພະແນກການ, ແຂວງອ້ອມຂ້າງ ແລະ ນັກທຸລະກິດເພື່ອຮ່ວມມື ແລະ ຮັບເອົາການຊ່ວຍເຫຼືອມາພັດທະນາວຽກງານ ວຕ ໃຫ້ໄດ້ດິ ຂື້ນ.

ພາບ-ຂ່າວ: ໂພໄຊ ໄຊຍະວົງ

ພວຕ ແຂວງອຸດົມໄຊ

160