Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home News Local News ທ່ານ ຮອງລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ເຄື່ອນໄຫວວຽກງານກວດກາ ຢູ່ ແຂວງຫຼວງນໍ້າທາ

ທ່ານ ຮອງລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ເຄື່ອນໄຫວວຽກງານກວດກາ ຢູ່ ແຂວງຫຼວງນໍ້າທາ

131ໃນຕອນເຊົ້າຂອງວັນທີ 19 ມີຖຸນາ 2019 ທີ່ຜ່ານມານີ້, ທ່ານ ປອ. ສຸລິອຸດົງ ສຸນດາລາ, ປະທານກວດກາພັກ ກະຊວງ

ວິທະຍາສາດ ແລະ ເຕັກໂນໂລຊີ (ກວຕ), ຮອງລັດຖະມົນຕີວຕ ພ້ອມດ້ວຍຄະນະໄດ້ຕິດຕາມ, ຊຸກຍູ້ວຽກງານ ກວດກາ ແລະ ຢ້ຽມຢາມ ພະແນກ ວິທະຍາສາດ ແລະ ເຕັກໂນໂລຊີ (ພວຕ) ແຂວງຫຼວງນໍ້າທາ ໂດຍມີທ່ານ ເປີແລ ທົງສະໄຫວ, ຮັກສາການຫົວໜ້າ ພວຕ ແຂວງຫຼວງນໍ້າທາ ພ້ອມດ້ວຍອ້າຍນ້ອງພາຍໃນພະແນກ ແລະ ຫ້ອງການ ວິທະຍາສາດ ແລະ ເຕັກໂນໂລຊີເມືອງຫຼວງນ້ຳທາໃຫ້ກຽດຕ້ອນຮັບ.

ໂອກາດນີ້, ກອງປະຊຸມ ຊຸກຍູ້ວຽກງານກວດກາ ທົ່ວຂະແໜງວິທະຍາສາດ ແລະ ເຕັກໂນໂລຊີ ໄດ້ໄຂ ຂຶ້ນ ທີ່ຫ້ອງປະຊຸມ ພວຕ ພະແນກ ວິທະຍາສາດ ແລະ ເຕັກໂນໂລຊີແຂວງຫຼວງນ້ຳທາ ພາຍໃຕ້ການເປັນປະ ທານຂອງທ່ານ ປອ. ສຸລິອຸດົງ ສຸນດາລາ, ປະທານກວດກາ ກວຕ, ຮອງລັດຖະມົນຕີ ກວຕ.

ຈຸດປະສົງຂອງກອງປະຊຸມແມ່ນເພື່ອຊຸກຍູ້ຕິດຕາມວຽກງານກວດກາໃນໄລຍະຜ່ານມາ ແລະ ສະເໜີທິດ ທາງແຜນການໃນຕໍ່ໜ້າ, ເຜີຍແຜ່ເອກະສານວຽກງານກວດກາຈຳນວນໜຶ່ງ, ແລກປ່ຽນ ແລະ ຖອດຖອນບົດຮຽນ ວຽກງານກວດກາ.

ທ່ານເປີແລທົງສະໄຫວ,ຮັກສາການຫົວໜ້າ ພວຕ ໄດ້ລາຍງານສະພາບລວມໂດຍຫຍໍ້ກ່ຽວກັບການເຄື່ອນໄຫວວຽກງານໃນໄລຍະປີ 2018 ຜ່ານມາ ແລະ ສະເໜີ ວາງທິດທາງແຜນການຕໍ່ໜ້າຂອງພະແນກຕໍ່ທ່ານປະທານແລະຄະນະ.

ໂອກາດນີ້, ທີ່ປະຊຸມເປີດໂອກາດໃຫ້ຜູ້ເຂົ້າຮ່ວມປະກອບ ແລະ ແລກປ່ຽນຄວາມຄິດຄວາມເຫັນຕ່າງໆເພື່ອເຮັດໃຫ້ວຽກງານກວດກາຂອງຂະແໜງວິທະຍາ ສາດ ແລະ ເຕັກໂນໂລຊີມີຄວາມເຂັ້ມແຂງ ແລະ ພັດທະນາຂຶ້ນເລື້ອຍໆ.

ໃນຕອນທ້າຍກອງປະຊຸມ, ທ່ານ ປະທານ ໄດ້ໂອ້ລົມໃຫ້ທິດເຍືອງທາງຕໍ່ພະນັກງານພາຍໃນພະແນ ແລະ ບັນດາເມືອງ.

ທ່ານໄດ້ເນັ້ນໜັກໃຫ້ເອົາໃຈໃສ່ເພີ່ມ ທະວີຄວາມຮັບຜິດຊອບເປັນເຈົ້າການໃນການເຄື່ອນໄຫວວຽກງານ ວິທະຍາສາດ ແລະ ເຕັກໂນໂລຊີຕາມພາລະບົດບາດ, ສິດ ແລະ ໜ້າທີ່ຂອງຕົນ; ພວຕ ແຂວງຫຼວງນ້ຳທາ ເນັ້ນການໂຄສະນາເຜີຍແຜ່ນິຕິກໍາກ່ຽວກັບຂົງເຂດວຽກງານ ວິທະຍາສາດ ແລະ ເຕັກໂນໂລຊີໃຫ້ກ້ວາງຂວາງກວ່າເກົ່າ.

ທ່ານ ປະທານກອງປະຊຸມ ຮັບເອົາຂໍ້ສະເໜີຕ່າງໆນໍາໄປຄົ້ນຄວ້າ ແລະ ພິຈາລະນາຕໍ່ໄປ.

ຜູ້ຕາງໜ້າຈາກກົມກວດກາກະຊວງແລະພະນັກງານ - ລັດຖະກອນພາຍໃນພະແນກແລະຫ້ອງການວິທະຍາສາດ ແລະ ເຕັກໂນໂລຊີເມືອງຫຼວງນໍ້າທາທັງຫມົດ 26 ທ່ານ, ຍິງ 8 ທ່ານ ເຂົ້າຮ່ວມກອງປະຊຸມຄັ້ງນີ້ ແລະ ໄດ້ສໍາເລັດລົງໃນຕອນທ່ຽງຂອງວັນດຽວກັນ.

ນ. ຈີນອາມອນ ບຸດສະວົງ

ໂທ: 020 99410239

132