Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home News Local News ກມວ ແລະ ພວຕ ແຂວງວຽງຈັນ ແລກປ່ຽນບົດຮຽນ ດ້ານວິຊາການ

ກມວ ແລະ ພວຕ ແຂວງວຽງຈັນ ແລກປ່ຽນບົດຮຽນ ດ້ານວິຊາການ

039ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບ ພະແນກ ວິທະຍາສາດ

ແລະ ເຕັກໂນໂລຊີ (ພວຕ) ແຂວງວຽງຈັນໄດ້ຈັດກອງປະຊຸມແລກປ່ຽນບົດຮຽນ ດ້ານວິຊາການໃນຂົງເຂດວຽກ ງານມາດຕະຖານ ແລະວັດແທກຂຶ້ນໃນວັນທີ 14 ມິຖຸນາ 2019 ຜ່ານມາ, ຢູ່ຫ້ອງປະຊຸມ ຫ້ອງວ່າການປົກຄອງ ແຂວງວຽງຈັນ ໂດຍການເປັນປະທານຮ່ວມຂອງທ່ານ ວຽງທອງ ວົງທະວິໄລ, ຫົວໜ້າກົມມາດຕະຖານ ແລະ ວັດແທກ ແລະ ທ່ານ ພົມມາລານັນທະວົງ,ຫົວໜ້າພວຕແຂວງວຽງຈັນ, ຊຶ່ງມີຮອງຫົວໜ້າພວຕ ແຂວງວຽງຈັນ, ບັນດາຫົວໜ້າພະແນກ, ສູນ, ຫົວໜ້າຫ້ອງການວິທະຍາສາດ ແລະ ເຕັກໂນໂລຊີ ບັນດາເມືອງ ແລະ ພະນັກງານ 2 ພາກສ່ວນເຂົ້າຮ່ວມ.

ຈຸດປະສົງ ຂອງການພົບປະດັ່ງກ່າວແມ່ນເພື່ອແລກປ່ຽນບົດຮຽນເຊິ່ງກັນ ແລະ ກັນ ໂດຍສະເພາະແມ່ນ ວຽກງານໃນຂົງເຂດວຽກງານມາດຕະຖານ ແລະ ວັດແທກ ເພື່ອຍົກສູງພາລະບົດບາດ ແລະ ພາລະໜ້າທີຂອງວຽກ ງານວິທະຍາສາດ ແລະ ເຕັກໂນໂລຊີ ໃຫ້ນັບມື້ນັບສູງຂຶ້ນ, ໃນກອງປະຊຸມ ໄດ້ຮັບຟັງການສະຫຼຸບໂດຍຫຍໍ້ ກ່ຽວ ກັບສະພາບການເຄື່ອນໄຫວຈັດຕັ້ງປະຕິບັດວຽກງານຂອງພວຕແຂວງ ໃນໄລຍະຜ່ານມາ.

ຫຼັງຈາກນັ້ນ, ທັງສອງພາກສ່ວນໄດ້ແລກປ່ຽນຄຳຄິດຄຳເຫັນຫຼາຍດ້ານ ທີ່ເປັນລັກສະນະກົງໄປກົງມາ ຊຶ່ງສ້າງເງື່ອນໄຂ ແລະ ອຳນວຍຄວາມສະດວກ ໃຫ້ບັນດາ ວິຊາການແຕ່ລະຂະແໜງຂອງທັງສູນກາງ ແລະ ທ້ອງຖິ່ນ ກໍຄືແຂວງວຽງຈັນ ສາມາດພົວພັນ, ປະສານງານ ແລະ ແລກປ່ຽນບົດຮຽນທາງດ້ານວຽກວິຊາສະເພາະຮ່ວມ ກັນໃນຕໍ່ໜ້າ ເປັນຕົ້ນແມ່ນການແລກປ່ຽນການແບ່ງຂັ້ນຄຸ້ມຄອງລະຫວ່າງສູນກາງ ແລະ ທ້ອງຖິ່ນ, ປຶກສາຫາລືໃນການແກ້ໄຂ ແລະ ຫາວິທີທາງ ເພື່ອຝຶກອົບຮົມຍົກລະ ດັບທາງດ້ານວິຊາສະເພາະໃຫ້ພະນັກງານຂັ້ນທ້ອງຖິ່ນມີຄວາມເຂັ້ມແຂງຂຶ້ນ, ສະໜອງບັນດາອຸປະກອນຮັບໃຊ້ທີ່ຈຳເປັນເຂົ້າໃນການຈັດຕັ້ງປະຕິບັດວຽກງານວິຊາສະເພາະ ແລະ ສືບຕໍ່ປະສານສົມທົບກັນລະຫວ່າງສູນກາງ ແລະ ທ້ອງຖິ່ນ, ໂດຍສະເພາະແມ່ນວຽກງານອັນພົ້ນເດັ່ນ ແລະ ຮີບດ່ວນໃນປັດຈຸບັນແມ່ນການກວດສອບຄຸນນະພາບນ້ຳ ມັນເຊື້ອໄຟ ຕ້ອງໄດ້ຈັດຕັ້ງປະຕິບັດໃຫ້ ແລະ ແກ້ໄຂໃຫ້ທ່ວງທັນ, ໂດຍສືບຕໍ່ຈັດຕັ້ງປະຕິບັດການກວດປະຈຳປີ, ກວດຕາມຄວາມຮຽກຮ້ອງຕ້ອງການຂອງ ສັງຄົມ ແລະ ກວດຕາມສາຍດ່ວນຂອງຄະນະສະເພາະກິດ ເພື່ອບໍ່ໃຫ້ມີການເອົາລັດເອົາປຽບກັນ ແນ່ໃສ່ເພື່ອປົກປ້ອງຜູ້ຊົມໃຊ້ໃຫ້ໄດ້ຮັບຄວາມຍຸຕິທຳໃນສັງຄົມກໍຄືພໍ່ແມ່ ປະຊາຊົນພາຍ ໃນແຂວງວຽງຈັນ.

ພາຍຫຼັງສຳເລັດການພົບປະກັນ, ທັງ 2 ພາກສ່ວນຍັງໄດ້ຈັດກິດຈະກຳເຕະບານຮ່ວມກັນ ຢູ່ທີ່ ເດີ່ນເຕະບານ ນັດພົບ ເພື່ອເປັນການຮັດແໜ້ນຄວາມສາມັກຄີ ລະຫວ່າງ ກົມ ແລະ ພະແພກ ກໍຄືອ້າຍເອື້ອຍນ້ອງພະນັກງານໃຫ້ມີຄວາມສະໜິດແໜ້ນຍິ່ງໆຂຶ້ນ ພ້ອມນັ້ນກໍເປັນການສ້າງຂະບວນການຂ່ຳຮັບນັບຮັບຕ້ອນ ກອງປະຊຸມ ໃຫຍ່ຄັ້ງທີ II ຂອງໜ່ວຍພັກ ກົມມາດຕະຖານ ແລະ ວັດແທກ, ສ່ວນຜົນການແຂ່ງຂັນທີມຊາຍແມ່ນ ກົມມາດຕະຖານ ແລະ ວັດແທກ ເອົາຊະນະ ພວຕ ແຂວງວຽງຈັນ 4:3 ປະຕູ ແລະ ທີມຍິງແມ່ນ ພວຕ ແຂວງສາມາດເອົາຊະນະ ກົມມາດຕະຖານ ແລະ ວັດແທກ 1:0 ປະຕູ.

ພາບ ແລະ ຂ່າວ: ບຸນທັນ ນັນທະວົງ

040041042043054052051050049044045046047048053