Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home News Activities ກົມມາດຕະຖານ ແລະ ວັດແທກ ສະຫຼຸບວຽກງານ 6 ເດືອນຕົ້ນປີ ແລະ ປະກາດການແຕ່ງຕັ້ງຮອງຫົວໜ້າກົມ

ກົມມາດຕະຖານ ແລະ ວັດແທກ ສະຫຼຸບວຽກງານ 6 ເດືອນຕົ້ນປີ ແລະ ປະກາດການແຕ່ງຕັ້ງຮອງຫົວໜ້າກົມ

There are no translations available.

007

ໃນວັນທີ 5 ສິງຫາ 2019 ທີ່ຜ່ານມາ, ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ

ໄດ້ຈັັດກອງປະຊຸມສະຫຼຸບວຽກງານການເຄື່ອນໄຫວໃນໄລຍະຜ່ານມາ 6 ເດືອນຕົ້ນປີ ແລະ ສະເໜີແຜນການເຄື່ອນໄຫວ 6 ເດືອນທ້າຍປີ 2019 ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ. ບັນດາທ່ານຫົວໜ້າກົມ, ຫ້ອງການ, ສະຖາບັນ ອ້ອມຂ້າງກະຊວງ ພ້ອມດ້ວຍພະນັກງານຂອງກົມມາດຕະຖານ ແລະ ວັດແທກເຂົ້າຮ່ວມກອງປະຊຸມຢ່າງພ້ອມພຽງ.

ໃນກອງປະຊຸມດັ່ງກ່າວ, ທ່ານ ວຽງທອງ ວົງທະວິໄລ, ຫົວໜ້າກົມມາດຕະຖານ ແລະ ວັດແທກ ໄດ້ຂຶ້ນຜ່ານບົດສະຫຼຸບລາຍງານການເຄື່ອນໄຫວວຽກງານຂອງກົມໃນໄລຍະ 6 ເດືອນຕົ້ນປີ 2019 ແລະ ສະເໜີແຜນການເຄື່ອນໄຫວ 6 ເດືອນທ້າຍປີ ໂດຍສະເພາະບັນດາໜ້າວຽກທີ່ໄດ້ຈັດຕັ້ງປະຕິບັດສຳເລັດ ແລະ ວຽກງານທີ່ຈະຕ້ອງສືບຕໍ່.

ໂອກາດດຽວກັນນີ້, ໄດ້ມີພິທີປະກາດການແຕ່ງຕັ້ງຮອງຫົວໜ້າກົມມາດຕະຖານ ແລະ ວັດແທກ ຄົນໃໝ່ ໃນພິທີດັ່ງກ່າວ, ທ່ານ ບຸນປອນ ບົວແພງ, ຫົວໜ້າກົມຈັດຕັ້ງ ແລະ ພະນັກງານ, ກວຕ ໄດ້ຂຶ້ນຜ່ານຂໍ້ຕົກລົງ ວ່າດ້ວຍການແຕ່ຕັ້ງ ຮອງຫົວໜ້າກົມມາດຕະຖານ ແລະ ວັດແທກ ໂດຍໄດ້ແຕ່ງຕັ້ງ ທ່ານ ວຽງຄຳ ສິງສອນໄຊ, ຫົວໜ້າ ພະແນກ ສັງລວມ, ກົມມາດຕະຖານ ແລະ ວັດແທກ ຂຶ້ນເປັນ ຮອງຫົວໜ້າກົມມາດຕະຖານ ແລະ ວັດແທກ.

ຕອນທ້າຍຂອງກອງປະຊຸມ ຍັງໄດ້ເປັນກຽດຮັບຟັງການໂອ້ລົມຂອງ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ຊຶ່ງທ່ານໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຜູ້ທີ່ໄດ້ຮັບການແຕ່ງຕັ້ງໃໝ່ ທີ່ໄດ້ບຸກບືນສ້າງຜົນງານພົ້ນເດັ່ນ ແລະ ໄດ້ຮັບການຄວາມເຊື່ອໝັ້ນຈາກຄະນະພັກ-ຄະນະນໍາກະຊວງຈົນກ້າວຂຶ້ນເປັນຮອງຫົວໜ້າກົມມາດຕະຖານ ແລະ ວັດແທກ.

ພ້ອມທັງສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວວຽກງານຕະຫຼອດໄລຍະ 6 ເດືອນຕົ້ນປີ 2019 ຂອງກົມມາດຕະຖານ ແລະ ວັດແທກ ໂດຍສະແດງອອກຜົນສໍາເລັດຫຼາຍດ້ານ ຊຶ່ງໃນນັ້ນກໍມີທັງຂໍ້ສະດວກ ແລະ ຂໍ້ຫຍຸ້ງຍາກຫຼາຍຢ່າງ ແຕ່ກົມກໍຍັງສາມາດບຸກບືນນຳພາວຽກງານດັ່ງກ່າວໃຫ້ຂະຫຍາຍຕົວຢ່າງແຂງແຮງ ແລະ ສາມາດໄດ້ຮັບໝາກຜົນທີ່ສະຫງ່າງາມ ແລະ ໄດ້ຮັບການຍ້ອງຍໍຈາກສັງຄົມ ເປັນຕົ້ນວຽກງານກວດກາຄຸນນະພາບນໍ້າມັນ, ຄຸນນະພາບສິນຄ້າຕ່າງໆ ທີ່ນຳເຂົ້າມາຈຳໜ່າຍຢູ່ ສປປ ລາວ.

ຮູບພາບ ແລະ ບົດຂ່າວ: ທ ພຸດທະຈັນ ຊັບທະວີ

008009010011012013014