Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home News Activities ກົມຊັບສິນທາງປັນຍາ ຍົກລະດັບວິຊາການ ໃຫ້ແກ່ ພວຕ ແຂວງ ວຽງຈັນ

ກົມຊັບສິນທາງປັນຍາ ຍົກລະດັບວິຊາການ ໃຫ້ແກ່ ພວຕ ແຂວງ ວຽງຈັນ

023ໃນວັນທີ 14 ສິງຫາ 2019, ກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ(ກວຕ) ຮ່ວມກັບ

ພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງວຽງຈັນ ຈັດກອງປະຊຸມສ້າງຄວາມເຂັ້ມແຂງດ້ານວິຊາການກ່ຽວກັບ ຊັບສິນທາງປັນຍາ ໃຫ້ແກ່ ພວຕ ແຂວງ ວຽງຈັນ ທີ່ຫ້ອງປະຊຸມຫ້ອງວ່າການປົກຄອງ ແຂວງວຽງຈັນ ໂດຍການເປັນປະທານຮ່ວມຂອງ ທ່ານ ປອ. ນາງ ຂັນລາສີ ແກ້ວບຸນພັນ, ຫົວໜ້າກົມຊັບສິນທາງປັນຍາ ແລະ ທ່ານ ພົມມະລາ ນັນທະວົງ, ຫົວໜ້າ ພວຕ ແຂວງວຽງຈັນ.

ການຈັດກອງປະຊຸມດັ່ງກ່າວ ກໍເພື່ອຍົກລະດັບຄວາມຮູ້ ແລະ ປະສົບການໃຫ້ໜ່ວຍງານຊັບສິນທາງປັນຍາຂອງທ້ອງຖິ່ນ ໂດຍສະເພາະພະນັກງານ ພວຕ ແຂວງວຽງຈັນ ເຂົ້າໃຈບົດບາດຂອງຕົນເອງໃນການຊຸກຍູ້ ສົ່ງເສີມວຽກງານຊັບສິນທາງປັນຍາ ເພື່ອຊ່ວຍຜູ້ປະກອບການມີເຄື່ອງໝາຍການຄ້າ ໃສ່ຜະລິດ ຕະພັນຂອງຕົນ, ຊຸກຍູ້ ແລະ ສົ່ງເສີມການນຳໃຊ້ລະບົບຊັບສິນທາງປັນຍາ ເຂົ້າສູ່ຂະບວນການຜະລິດເປັນສິນຄ້າ, ສົ່ງເສີມການສ້າງຈິດສຳນຶກໃຫ້ແກ່ ຜູ້ຜະລິດຂອງຊຸມຊົນ ແລະ ຜູ້ປະກອບການຂະໜາດນ້ອຍ, ກາງ ໄດ້ເຂົ້າໃຈ ແລະ ເຫັນໄດ້ຄວາມສຳຄັນ ຂອງວຽກງານຊັບສິນທາງປັນຍາ.

ກອງປະຊຸມຄັ້ງນີ້, ຜູ້ເຂົ້າຮ່ວມໄດ້ຮັບຟັງການລາຍງານໂດຍຫຍໍ້ ກ່ຽວກັບວຽກງານຊັບສິນທາງປັນຍາຂອງ ພວຕ ແຂວງວຽງຈັນ, ໄດ້ຮັບຟັງການນຳສະເໜີກ່ຽວກັບວຽກງານຂອງແຕ່ລະພະແນກ, ສູນ, ກົມຊັບສິນທາງປັນຍາ.

ເອກະສານທີ່ນຳມາສະເໜີຄັ້ງນີ້ປະກອບມີ ວຽກງານສົ່ງເສີມ ແລະ ພັດທະນາ ຊັບສິນທາງປັນຍາ, ວຽກງານສິດທິບັດ, ວຽກງານເຄື່ອງໝາຍການຄ້າ ແລະ ຖີ່ນກຳເນີດ, ວຽກງານປົກປ້ອງພັນພຶດ, ວຽກງານລິຂະສິດ, ວຽກງານແກ້ໄຂຂໍ້ຂັດແຍ່ງ ທາງດ້ານຊັບສິນທາງປັນຍາ, ວຽກງານບໍລິການຊັບສິນທາງປັນຍາ.

ເຂົ້າຮ່ວມກອງປະຊຸມ ມີບັນດາທ່ານຮອງຫົວໜ້າກົມຊັບສິນທາງປັນຍາ, ບັນດາທ່ານ ຫົວໜ້າພະແນກ, ຮອງຫົວໜ້າພະແນກ, ຫົວໜ້າຂະແໜງ, ຮອງຂະແໜງ, ຜູ້ຕາງໜ້າພະແນກການອ້ອມຂ້າງພາຍໃນແຂວງ, ພະນັກງານວິຊາການທັງສູນກາງ ແລະ ທ້ອງຖິ່ນ ຈຳນວນ 60 ກວ່າທ່ານ.

ຂ່າວ ແລະ ຮູບພາບ: ບາລະຄອນ ສຸວັນນະພາສີ

026029028027025030