Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home ຂ່າວສານ ຂ່າວການເຄື່ອນໄຫວຂອງອົງຄະນະພັກ ສອງໜ່ວຍພັກ ພາຍໃນ ກວຕ ຮັບເອົາມະຫາຊົນກ້າວ ໜ້າເຂົ້າເປັນສະມາຊິກພັກສຳຮອງ

ສອງໜ່ວຍພັກ ພາຍໃນ ກວຕ ຮັບເອົາມະຫາຊົນກ້າວ ໜ້າເຂົ້າເປັນສະມາຊິກພັກສຳຮອງ

058ໜ່ວຍພັກຫ້ອງການ ແລະ ໜ່ວຍພັກສະຖາບັນເຕັກ ໂນໂລຊີຄອມພິວເຕີ ແລະ ເອເລັກໂຕຣນິກ, ກະຊວງ ວິທະຍາ

ສາດ ແລະ ເຕັກໂນໂລຊີ (ກວຕ) ໄດ້ຈັດພິທີຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ຂຶ້ນໃນວັນທີ 26 ເມສາ 2019 ຜ່ານມານີ້, ທີ່ຫ້ອງປະຊຸມຂອງກະຊວງ ໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກ, ລັດຖະມົນ ກະຊວງວິທະຍາສາດ ແລະ ເຕັກໂນໂລຊີ.

ໃນພິທີດັ່ງກ່າວ, ສະຫາຍເລຂາໜ່ວຍພັກ ຫ້ອງການ ແລະ ໜ່ວຍພັກ ສະຖາບັນເຕັກໂນໂລຊີຄອມພິວ ເຕີ ແລະ ເອເລັກໂຕຣນິກ ໄດ້ຂຶ້ນຜ່ານມະຕິຕົກລົງຂອງຄະນະພັກ ກວຕ ວ່າດ້ວຍ ການຮັບເອົາມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງຂອງພັກປະຊາຊົນປະຕິວັດລາວ ຈຳນວນ 7 ສະຫາຍ, ຍິງ 4 ສະຫາຍ, ໃນນັ້ນ ມີສະມາຊິກຈາກໜ່ວຍພັກຫ້ອງການ 5 ສະຫາຍ, ຍິງ 3 ສະຫາຍ ແລະ ໜ່ວຍພັກ ສະຖາບັນເຕັກໂນໂລຊີ ຄອມພິວເຕີ ແລະ ເອເລັກໂຕຣນິກ ອີກ 2 ສະຫາຍ, ຍິງ 1 ສະຫາຍ.

ໂອກາດນີ້, ສະຫາຍ ບັນດິດ ສຈ. ບໍ່ວຽງຄຳ ວົງດາລາ ໄດ້ໃຫ້ກຽດໂອ້ລົມຕໍ່ພິທີ, ຊຶ່ງສະຫາຍໄດ້ກ່າວສະແດງຄວາມຍ້ອງຍໍ ແລະ ຊົມເຊີຍ ຕໍ່ບັນດາມະຫາ ຊົນກ້າວໜ້າທຸກສະຫາຍທີ່ມີຄວາມຫ້າວຫັນ ແລະ ບຸກບືນໃນການຈັດຕັ້ງປະຕິບັດໜ້າທີ່ວຽກງານຈົນໄດ້ເຂົ້າເປັນສະມາຊິກພັກສຳຮອງໃນຄັ້ງນີ້ ແລະ ຊົມເຊີຍຕໍ່ສອງໜ່ວຍ ພັກ ຫ້ອງການ ແລະ ສະຖາບັນເຕັກໂນໂລຊີ ຄອມພິວເຕີ ແລະ ເອເລັກໂຕຣນິກ ທີ່ສາມາດຕິດຕາມກໍ່ສ້າງມະຫາຊົນກ້າວໜ້າຜູ້ທີ່ມີຄວາມຫ້າວຫັນຈົ້ນກ້າວເຂົ້າເປັນ ສະມາຊິກສຳຮອງ ຊຶ່ງເປັນການຊຸກຍູ້ສົ່ງເສີມ ແລະ ທັງເປັນການສ້າງຄວາມເຂັ້ມແຂງໃຫ້ແກ່ໜ່ວຍພັກ.

ພ້ອມດຽວກັນນັ້ນ, ສະຫາຍຍັງໄດ້ຮຽກຮ້ອງມາຍັງສະມາຊິກພັກທຸກສະຫາຍຈົ່ງສືບຕໍ່ຮັກສາມູນເຊື້ອ ແລະ ຕັ້ງໜ້າຝຶກ ຝົນຫຼໍ່ຫຼອມ ຕົນເອງຢ່າງຕໍ່ເນື່ອງ ໂດຍຖື ເອົາການຍົກສູງທາງດ້ານຄຸນທາດການເມືອງເປັນຫຼັກ, ຢຶດໝັ້ນໃນທາດແທ້ ແລະ ອຸດົມການຂອງພັກ, ຍົກສູງສະຕິຕໍ່ການຈັດຕັ້ງ, ຊື່ສັດ ແລະ ຈົ່ງຮັກພັກດີຕໍ່ພັກ-ລັດ, ຕໍ່ປະເທດຊາດ. ເອົາໃຈໃສ່ເພີ່ມທະວີຄວາມສາມັກຄີຮັກແພງເຊິ່ງກັນ ແລະ ກັນໃຫ້ເປັນປຶກແຜ່ນ ເພື່ອສືບຕໍ່ຈັດຕັ້ງປະຕິບັດວຽກງານທີ່ພັກ-ລັດ ມອບໝາຍໃຫ້ປະສົບ ຜົນສຳເລັດ.

ເຂົ້າຮ່ວມພິທີໃນຄັ້ງນີ້, ມີສະຫາຍ ພຸດທະສັກ ວິຈິດຕຣາ, ເລຂາໜ່ວຍພັກ ຫ້ອງການ (ກວຕ), ສະຫາຍ ວິລະສັກ ອິນ ທະປະຖາ, ເລຂາໜ່ວຍພັກ ສະຖາ ບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກ (ກວຕ), ບັນດາສະມາຊິກພັກສົມບູນຈາກ ສອງໜ່ວຍພັກ ແລະ ບັນດາສະຫາຍຕາງໜ້າໜ່ວຍພັກ ຫ້ອງການ, ກົມ, ສະຖາບັນ ພາຍໃນ ກວຕ.

ຂ່າວ ແລະ ຮູບພາບ: ແສງທອງ ວັນນະທຳ

059060061063062064065