Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home ຂ່າວສານ ຂ່າວສານ ການເຄື່ອນໄຫວຂອງການນຳ ຍ່າງເພື່ອສຸຂະພາບຢູ່ແຂວງ ຈຳປາສັກເນື່ອງໃນໂອກາດ ສະເຫຼີມສະຫຼອງວັນຊັບສິນທາງປັນຍາໂລກ

ຍ່າງເພື່ອສຸຂະພາບຢູ່ແຂວງ ຈຳປາສັກເນື່ອງໃນໂອກາດ ສະເຫຼີມສະຫຼອງວັນຊັບສິນທາງປັນຍາໂລກ

353

ໃນຕອນເຊົ້າຂອງວັນທີ 26 ເມສາ 2019, ກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ

(ກວຕ)ຮ່ວມກັບ ພະແນກວິທະຍາສາດ ແລະ ເຕັກໂນໂລຊີ ແຂວງຈຳປາສັກ ຈັດກິດຈະກຳຢ່າງເພື່ອສຸຂະພາບ ໃນໂອກາດສະເຫຼີມສະຫຼອງວັນຊັບສິນທາງປັນຍາໂລກ ທີ່ຫ້ອງວ່າການປົກຄອງ ແຂວງຈຳປາສັກ.

ເຂົ້້າຮ່ວມກິດຈະກຳດັ່ງກ່າວ ມີທ່ານ ສຸລິອຸດົງ ສູນດາລາ, ຮອງລັດຖະມົນຕີ ກວຕ; ທ່ານ ບົວສອນ ວົງສອງຄອນ, ຮອງເຈົ້້າແຂວງຈໍາປາສັກ, ຜູ້ຕາງໜ້າຈາກ ຫ້ອງການພາກພື້ນອາຊີ ແລະ ປາຊີຟີກ, ອົງການຊັບສີນ ທາງໂລກ; ຜູ້ຕາງໜ້າຈາກອົງການສາກົນ.

ທ່ານ ຮອງລັດຖະມົນຕີ ກວຕ ກ່າວໃນໂອກາດວັນສະເຫຼີມສະຫຼອງວັນຊັບສິນທາງປັນຍາໂລກ ວ່າ: ປັດຈຸບັນ, ປະຊາກອນໂລກ ມີຄວາມຮູ້ພຽງເລັກນ້ອຍ ກ່ຽວກັບຊັບສິນທາງປັນຍາ ແລະ ຍັງມີຈຳນວນໜຶ່ງເຫັນ ເປັນພຽງທຸລະກິດ ຫຼື ມີຄວາມຄິດລິເລີ່ມ ທີ່ນຳໃຊ້ເຂົ້າໃນການດຳລົງຊີວິດຕົວຈິງ, ດັ່ງນັ້ນ ເພື່ອເປັນການເຜີຍແຜ່ ແລະ ຫັນປ່ຽນແນວຄວາມຄິດດັ່ງກ່າວ ຢູ່ໃນກອງ ປະຊຸມໃຫຍ່ ຂອງອົງການຊັບສິນທາງປັນຍາໂລກ ປະຈຳປີ 2000, ບັນດາປະເທດສະມາຊິກ ຈຶ່ງໄດ້ຕົກລົງຈັດການ ສະ ເຫຼີມສະຫຼອງວັນຊັບສິນທາງປັນຍາໂລກຂຶ້ນ ໂດຍ ກຳນົດເອົາວັນທີ 26 ເມສາ ຊຶ່ງເປັນວັນທີ່ສົນທິສັນຍາ ວ່າດ້ວຍການສ້າງຕັ້ງອົງການຊັບສິນທາງປັນຍາໂລກ ໄດ້ມີຜົນບັງ ຄັບໃຊ້ໃນປີ1970 ແລະ ໄດ້ຖືເອົາວັນດັ່ງກ່າວ ເປັນວັນຊັບສິນທາງປັນຍາໂລກ ແລະ ໄດ້ມີການສະເຫຼີມສະຫຼອງ ເພື່ອສ້າງຈິດສໍານຶກໃຫ້ມວນຊົນໃນທົ່ວໂລກ ເຫັນໄດ້ເຖິງ ຄວາມສຳຄັນ ຂອງຊັບສິນທາງປັນຍາ ຊຶ່ງໄດ້ ເລີ່ມສະເຫຼີມສະຫຼອງ ແຕ່ປີ 2001 ເປັນຕົ້ນມາ ແລະ ການສະເຫຼີມສະຫຼອງປີນີ້ເປັນປີທີ 19.

ໃນໂລກໂລກາພິວັດທີ່ມີການຂະຫຍາຍຕົວ ບໍ່ວ່າທາງດ້ານເສດຖະກິດ, ເຕັກໂນໂລຊີ, ອາຫານການກິນ, ທຸກຢ່າງທີ່ເກີດຈາກຄວາມຄິດສ້າງສັນ, ການປະດິດຄິດ ສ້າງ ແລະ ຄິດແຕ່ງຂອງມະນຸດ ມີທ່າຂະຫຍາຍຕົວ ເຫັນໄດ້ໃນບາງດ້ານ ເຊັ່ນ: ການອອກໂທລະສັບລຸ້ນໃໝ່ໃນແຕ່ລະປີ, ນະວັດຕະກຳທີ່ນຳໃຊ້ເຂົ້າໃນການຜະລິດ ລົດຫຍີ່ ຫໍ້ຕ່າງໆ, ໃນອຸດສາຫະກຳການຜະລິດ ແລະ ການບໍລິການ ເປັັນຕົ້ນ ຊຶ່ງທັງໝົດນີ້ ລ້ວນແລ້ວແຕ່ກ່ຽວຂ້ອງກັບຊັບສິນທາງປັນຍາທັງໝົດ ເພື່ອຮັບປະກັນຜົນປະໂຫຍດ ອັນເປັນທໍາຂອງເຈົ້າຂອງຊັບສິນທາງປັນຍາ ແລະ ຜົນປະໂຫຍດຂອງລັດ, ສັງຄົມ, ຊຸກຍູ້ການຄົ້ນຄວ້າ ແລະ ພັດທະນາວິທະຍາສາດ ແລະ ເຕັກໂນໂລຊີ, ການຖ່າຍທອດ ເຕັກໂນໂລຊີຢູ່ພາຍໃນ ແລະ ຕ່າງປະເທດ.

ການສົ່ງເສີມຊັບສິນທາງປັນຍາ ກໍແມ່ນແນໃສ່ສົ່ງເສີມການຄ້າ, ການລົງທຶນ ແລະ ຄວາມອາດສາມາດແຂ່ງຂັນໃຫ້ແກ່ເສດຖະກິດແຫ່ງຊາດໃນຍຸກໂລກາພິ ວັດຢ່າງມີປະສິດທິພາບນັ້ນ ຈຶ່ງມີຄວາມຈຳເປັນຢ່າງຍິ່ງ ທີ່ຈະຕ້ອງມີການສົ່ງເສີມ ແລະ ນໍາໃຊ້ລະບົບຊັບສິນທາງປັນຍາເຂົ້າສູ່ທຸກຂະແໜງການ ທີ່ເປັນການສ້າງສັນ, ການ ປະດິດຄິດສ້າງ ແລະ ຄິດແຕ່ງຂອງມະນຸດ ຊຶ່ງໃນນັ້ນ ໄດ້ກວມເອົາການອອກແບບ, ຜະລິດຕະພັນທີ່ຫຼູຫຼາ, ໂດດເດັ່ນ, ການຄົ້ນຄິດປະດິດສ້າງ ແລະ ພັດທະນາຕໍ່ຍອດເຕັກ ໂນໂລຊີ ໃຫ້ເກີດເປັນນະວັດຕະກຳທີ່ລ້ຳຍຸກ, ການປັບປຸງພັນພືດໃໝ່ທີ່ມີປະສິດທິຜົນສູງ ແລະ ການປະດິດຄິດແຕ່ງສິລະປະກຳ-ວັນນະກຳ ໃຫ້ມີຄວາມຫຼາກຫຼາຍ ແລະ ສີສັນໃໝ່.

ນັບຕັ້ງແຕ່ ສປປ ລາວ ໄດ້ເຂົ້າຮ່ວມເຄື່ອນໄຫວນຳບັນດາອົງການຊັບສິນທາງປັນຍາຂອງສາກົນຢ່າງຕັ້ງໜ້າ ເຊັ່ນ: ການເຂົ້າເປັນສະມາຊິກອົງການຊັບສິນທາງ ປັນຍາໂລກ, ໜ່ວຍງານທາງຊັບສິນທາງປັນຍາອາຊຽນ, ສົນທິສັນຍາປາຣີ, ສົນທິສັນຍາເບີນ ແລະ ອະນຸສັນຍາມາດຣິດ, ວຽກງານຊັບສິນທາງປັນຍາ ໄດ້ພັດທະນາ ແລະ ດຳເນີນການຢ່າງບໍ່ຢຸດຢັ້ງ ບໍ່ວ່າໃນດ້ານການເຜີຍແຜ່ໂຄສະນາ ກ່ຽວກັບວິຊາການ ແລະ ຜູ້ປະກອບການ ທັງສູນກາງ ແລະ ທ້ອງຖິ່ນ. ມາເຖິງປັດຈຸບັນ, ກົດໝາຍຊັບສິນ ທາງປັນຍາ ສຳເລັດການປັບປຸງຄັ້ງທີ 3 ແລະ ປະກາດໃຊ້ຢ່າງເປັນທາງການໃນປີ 2017 ທີ່ຜ່ານມາ.

ການປັບປຸງກົດໝາຍວ່າດ້ວຍຊັບສິນທາງປັນຍາ ທີ່ສືບເນື່ອງຈາກການປັບປຸງກົດໝາຍຊັບສິນທາງປັນຍາຄັ້ງທີ 3 ໃຫ້ສອດຄ່ອງກັບສະພາບການ ແລະ ສົມບູນ ຍິ່ງຂຶ້ນ ຊຶ່ງສໍາເລັດໄປແລ້ວຈຳນວນໜຶ່ງ, ສຳເລັດການສ້າງສູນຂໍ້ມູນຊັບສິນທາງປັນຍາທາງດ້ານເອເລັກໂຕຣນິກ ເພື່ອໃຫ້ການບໍລິການດ້ານຂໍ້ມູນຂ່າວສານຊັບສິນທາງ ປັນຍາ ເປັນທີ່ຮຽບຮ້ອຍໃນຕົ້ນປີ 2019 ນີ້.

ທັງໝົດທີ່ກ່າວມານີ້ ເປັນສ່ວນໜຶ່ງໃນການປົກປ້ອງ, ການນຳໃຊ້ສິດຊັບສິນທາງປັນຍາ ແລະ ເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ວັດທະນະທຳເຮັດໃຫ້ມີຄວາມຍຸຕິທຳໃນສັງຄົມຂອງປະເທດເຮົາ.

ໃນໂອກາດວັນຊັບສິນທາງປັນຍາໂລກ ປີ 2019 ນີ້, ທ່ານ ຮອງລັດຖະມົນຕີ ກວຕ ໄດ້ຮຽກຮ້ອງມາຍັງບັນດານັກຄົ້ນຄວ້າວິທະຍາສາດ, ນັກປະດິດສ້າງ, ນັກ ປະດິດແຕ່ງ, ນັກຮຽນຮູ້ປັນຍາຊົນ ແລະ ທຸກຊັ້ນຄົນພາຍໃນປະເທດເຮົາ ຈົ່ງໄດ້ສຸມສະຕິປັນຍາ ເຂົ້າໃນການນຳໃຊ້ ແລະ ພັດທະນາ ຊັບສິນທາງປັນຍາຂອງປະເທດເຮົາໃຫ້ ກ້າວຂຶ້ນຢ່າງບໍ່ຢຸດຢັ້ງ ເພື່ອຊຸກຍູ້ສົ່ງເສີມການຜະລິດເປັນສິນຄ້າ, ສ້າງເສດຖະກິດພູມປັນຍາ ແລະ ສ້າງເງື່ອນໄຂໃນການຫັນປະເທດເປັນອຸດສາຫະກຳ ແລະ ທັນສະໄໝ ຕາມມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ທີ່ພັກ ແລະ ລັດວາງອອກ, ຊຸກຍູ້ສົ່ງເສີມຊັບສິນທາງປັນຍາເພື່ອ ພັດທະນາເສດຖະກິດ-ສັງຄົມຂອງປະເທດເຮົາໃຫ້ຂະຫຍາຍຕົວແບບຍືນຍົງຢ່າງໜັກແໜ້ນ.

ໃນໂອກາດສະເຫຼີມສະຫຼອງວັນຊັບສິນທາງປັນຍາໂລກປີນີ້, ທ່ານ ແອດູຣວ ອອງ, ຫົວຫນ້າຫ້ອງພາກພື້ນອາຊີ ແລະ ປາຊີຟີກ, ອົງການຊັບສີນທາງປັນຍາໂລກ ໄດ້ອ່ານສູນທອນພົດ ຂອງຜູ້ອຳນວຍການໃຫຍ່ ອົງການ ຊັບສີນທາງປັນຍາໂລກທີ່ ກ່າວວ່າ: ທຸກໆວັນທີ 26 ເມສາ ຈະມີການສະເຫລີມສະຫລອງວັນຊັບສີນທາງປັນຍາ ໂລກຊຶ່ງຄຳຂວັນຂອງວັນຊັບສີນທາງປັນຍາໂລກ ໃນປີນີ້ແມ່ນ “ຊັບສີນທາງປັນຍາ ແລະ ກິລາກ້າວຂື້ນສູ່ຫຼຽນຄຳ” ເພື່ອເຜີຍແຜ່ພາລະບົດບາດຂອງຊັບສີນທາງປັນຍາ ໃນການສົ່ງເສີມນະວັດຕະກຳ ແລະ ຫົວຄິດປະດິດສ້າງ ໄວຂື້ນ! ແຂງແຮງຂື້ນ! ສູງຂື້ນ! ແມ່ນເປົ້າຫມາຍຂອງຄົນເຮົາທີ່ຈະຍົກລະດັບຄວາມສາມາດຂອງຕົນ, ຄວາມຕື່ນເຕັ້ນ ຂອງການແຂ່ງຂັນ ແລະ ຄວາມກັງວົນໃຈຂອງຄົນທຳມະດາຜູ້ຫນື່ງທີ່ສາມາດ ເຮັດໄດ້ຜົນສຳເລັດອັນຍີ່ງໃຫຍ່ເກີນຄົນທົ່ວໄປຊື່ງສີ່ງນີ້ມັນໄດ້ກາຍເປັນ ແມ່ເຫຼັກທີ່ດືງດູດ ໃຫ້ຄົນເຮົາມັກ, ຮັກໃນກິລາ ມາເປັນເວລາຫລາຍພັນປີ ແລະ ເປັນການລົງເລີກເຂົ້້າໄປໃນໂລກຂອງກິລາ, ຈະເຮັດໃຫ້ພວກເຮົາເຫັນວ່າ ນະວັດຕະກຳຫົວຄິດປະດິດສ້າງ ແລະ ສິດຊັບທາງປັນຍາ ໄດ້ເປັນເຄື່ອງມືໃນການສົ່ງເສີມ ແລະ ປົກປ້ອງນະວັດນະຕະກຳ ແລະ ຫົວຄິດປະດິດສ້າງຊື່ງເປັນການຊຸກຍູ້ ແລະ ການພັດທະນາກິລາ ແລະ ການ ບັນເທີງທົ່ວໂລກ.

ຄົນທົ່ວໂລກ ກຳລັງໃຫ້ຄວາມສຳຄັນຕໍ່ການຫລີ້ນກິລາທີ່ດີເລີດ, ເຄົາລົບເຊີ່ງກັນ ແລະ ກັນ, ມີຄວາມຍຸຕິທຳໃນປັດຈຸບັນ ເນື່ອງຈາກຄວາມກ້າວໜ້າທາງດ້ານ ເຕັກໂນໂລຊີ ໃນການແຜ່ພາບ ແລະການຕິດຕໍ່ສື່ສານ ເຮັດໃຫ້ໃຜໆ ກໍສາມາດຕິດຕາມລາຍການກິລາໄດ້ທຸກເວລາ ແລະ ສາມາດຕິດຕາມການເຄື໋ອນໄຫວຂອງນັກກິລາ ໃນດວງໃຈຂອງຕົນໄດ້ ໂດຍບໍ່ຈຳເປັນໄດ້ອອກຈາກບ້ານ.

ກິລາໄດ້ ກາຍເປັນອຸດສາຫະກຳທີ່ມີມູນຄ່າຫລາຍລ້ານໂດລາໃນທົ່ວໂລກ,ໂດຍສະເພາະໃນການລົງທືນໃສ່ໃນການອຳນວຍຄວາມສະດວກ ຈາກສະຫນາມກິລາ ເຂົ້າສູ່ເຄືອຂ່າຍການແຜ່ພາບ ຊື່ງເຮັດໃຫ້ມີການຈ້າງງານຫລາຍລ້ານ ຄົນໃນທົ່ວໂລກ ແລະ ສ້າງຄວາມຫມັ້ນຄົງໃຫ້ຫລາຍໆຄົນອີກດ້ວຍ ທຸລະກິດປິ່ນອ້ອມກິລາທີ່ສ້າງຂື້ນ ໂດຍນຳໃຊ້ຊັບສີນທາງປັນຍາໄດ້ຊ່ວຍຮັບປະກັນຄ່າຕອບແທນທາງທຸລະກິດໃຫ້ແກ່ກິລາ.

ນອກຈາກນັ້ນ ຍັງເປັນການສົ່ງເສີມການຂະຫຍາຍໂຕຂອງອຸດສາຫະກຳກິລາ ຊື່ງເຮັດໃຫ້ອົງການຮັບຜິດຊອບກິລາສາມາດມີງົບປະມານໃນການຈັດງານແຂ່ງຂັນ ຕ່າງໆທີ່ພວກເຮົານິຍົມຊົມຊອບພ້ອມທັງເປັນການຕອບສະຫນອງປັດໄຈທີ່ຈຳເປັນໃຫ້ແກ່ ການສົ່ງເສີມການ ພັດທະນາກິລາໃນລະດັບຮາກຖານອີກດ້ວຍ.

ພາຍຫຼັງໄດ້ຮັບຟັງສູນທອນພົດຂອງຜູ້ອຳນວຍການໃຫຍ່ ອົງການ ຊັບສີນທາງປັນຍາໂລກແລ້ວ, ທ່ານ ສຸລິອຸດົງ ສູນດາລາ, ຮອງລັດຖະມົນຕີ ກວຕ, ທ່ານ ບົວສອນ ວົງສອງຄອນ, ຮອງເຈົ້້າແຂວງຈໍາປາສັກ ແລະ ທ່ານ ແອດູຣວ ອອງ, ຫົວຫນ້າຫ້ອງພາກພື້ນອາຊີ ແລະ ປາຊີຟີກ, ອົງການຊັບສີນທາງປັນຍາໂລກ ໃຫ້ກຽດຕັດ ແຖບຜ້າ ແລະ ປ່ອຍໝາກປຸງເປົ້າ ເປີດງານຢ່າງເປັນທາງການ.

ເຂົ້າຮ່ວມກິດຈະກໍາການຍ່າງເພື່ອສຸຂະພາບຄັ້ງນີ້ ຍັງມີບັນດາຫົວໜ້າ, ຮອງຫົວໜ້າ ຫ້ອງການ, ກົມ, ສະຖາບັນ, ຫົວໜ້າພະແນກ, ຮອງຫົວໜ້າ ພະແນກວິທະ ຍາສາດ ແລະ ເຕັກໂນໂລຊີ ແຂວງທົ່ວປະເທດ, ຜູ້ຕາງໜ້າຈາກພະແນກການອ້ອມຂ້າງແຂວງ, ພະນັກງານວິຊາການທັງສູນກາງ ແລະ ທ້ອງຖິ່ນ ແລະ ນ້ອງນ້ອຍເຍົາວະຊົນ.


ຂ່າວ ແລະ ຮູບພາບ: ບາລະຄອນ ສຸວັນນະພາສີ

345346347348351349352