Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home ຂ່າວສານ ຂ່າວສານ ອົງການຈັດຕັ້ງ ມະຫາຊົນ ອົງການຈັດຕັ້ງ ຊາວໜຸ່ມ ໜ່ວຍຊາວໜຸ່ມຮາກຖານ ກົມເຕັກໂນໂລຊີດີຈິ ຕ໋ອນ ຈັດກອງປະຊຸມໃຫຍ່ຄັ້ງທີ II

ໜ່ວຍຊາວໜຸ່ມຮາກຖານ ກົມເຕັກໂນໂລຊີດີຈິ ຕ໋ອນ ຈັດກອງປະຊຸມໃຫຍ່ຄັ້ງທີ II

042ກົມເຕັກໂນໂລຊີດີຈິຕ໋ອນ (ກຕດ), ກະຊວງວິທະຍາ ສາດ ແລະ ເຕັກໂນໂລຊີ (ກວຕ) ໄດ້ເປີດກອງປະຊຸມ ໃຫຍ່

ຄັ້ງທີ II ຂອງໜ່ວຍຊາວໜຸ່ມຮາກຖານ ກົມເຕັກໂນໂລຊີດີຈິຕ໋ອນ ຂຶ້ນໃນວັນທີ 03 ພຶດສະພາ 2019 ພາຍໃຕ້ ການເປັນປະທານຮ່ວມຂອງສະຫາຍ ແກ້ວນະຄອນ ໄຊສຸລຽນ, ເລຂາໜ່ວຍພັກ, ຫົວໜ້າ ກຕດ; ສະຫາຍ ແກ້ວ ອຸທອນ ລຸນແສງຈັນ, ຮອງເລຂາຄະນະບໍລິຫານງານຊາວໜຸ່ມ ກວຕ; ສະຫາຍ ສຸລິຍາ ແສງດາລາວົງ, ເລຂາ ໜ່ວຍຊາວໜຸ່ມຮາກຖານ ກຕດ; ສະຫາຍ ນາງ ບຸນສຸດາລີ ທຳມະວົງສາ, ເລຂາສະຫະພັນແມ່ຍິງ ກຕດ; ສະຫາຍ ນາງ ສຸພາພອນ ຜຸຍຍະວົງ, ເລຂາໜ່ວຍກຳມະບານຮາກຖານ ກຕດ.

ໂອກາດນີ້, ສະຫາຍ ເລຂາໜ່ວຍຊາວໜຸ່ມຮາກຖານ ກຕດ ຂຶ້ນຜ່ານບົດສະຫຼຸບຕີລາຄາການເຄື່ອນ ໄຫວວຽກງານຂອງໜ່ວຍຊາວໜຸ່ມຮາກຖານ ກຕດ ໃນໄລຍະຜ່ານມາ ຊຶ່ງຍົກໃຫ້ເຫັນວຽກງານວິຊາສະເພາະຫຼາຍ ດ້ານທີ່ໄດ້ຮັບຜົນສຳເລັດ ເຊັ່ນ: ດ້ານການຄຸ້ມຄອງ-ນິຕິກຳ: ສຳເລັດການຄົ້ນຄວ້າສ້າງລະບຽບການນຳໃຊ້ສູນຂໍ້ມູນ (Data Center) ແລະ ກຳນົດຄ່າທຳນຽມ ແລະ ຄ່າບໍລິການສູນຂໍ້ມູນ (Data Center), ສຳເລັດການສ້າງ ບັນຊີຜູ້ໃຫ້ບໍລິການຢັ້ງຢືນລາຍເຊັນດິຈິຕ໋ອນທີ່ມີການປ້ອງກັນ ແລະ ລາຍເຊັນທາງເອເລັກໂຕຣນິກຕ່າງປະເທດ ທີ່ຮັບຮູ້ຢູ່ ສປປ ລາວ ແລະ ອື່ນໆ; ດ້ານຄົ້ນຄວ້າວິ ທະຍາສາດ ແລະ ການພັດທະນາເຕັກໂນໂລຊີ: ສຳເລັດການຄົ້ນຄວ້າສ້າງປື້ມຄູ່ມືການສ້າງເວບໄຊ ດ້ວຍ Joomla 2.5, ປື້ມຄູ່ມືການສ້າງພາບເຄື່ອນໄຫວ ດ້ວຍ Adobe CS5, ປື້ມຄູ່ມືການແຕ່ງຮຸບພາບດ້ວຍ Photoshop CS5 ແລະ ປື້ມຄູ່ມືການສ້າງຖານຂໍ້ມູນ, ສໍາເລັດການຄົ້ນຄວ້າ ສ້າງບົດນຳສະເໜີກ່ຽວກັບເຕັກໂນໂລຊີດິຈິຕ໋ອນ ໃນຍຸກປັດຈຸບັນ ແລະ ການປະຕິວັດອຸດສາຫະກຳ 4.0 ແລະ ອື່ນໆ; ດ້ານການສົ່ງເສີມການນຳໃຊ້: ສຳເລັດການຈັດຝຶກອົມຮົມເພື່ອສ້າງຄວາມເຂັ້ມແຂງທາງດ້ານວິຊາ ການໄອທີໃຫ້ພະນັກງານພາຍໃນກົມ ແລະ ພາຍໃນ ກວຕ ຈຳນວນ 16 ຄັ້ງ, ສຳເລັດການຈັດຝຶກອົບຮົມການນຳໃຊ້ລະບົບໄອທີເຂົ້າໃນວຽກງານບໍລິຫານລັດໃຫ້ພະນັກງານ ພະແນກ ວຕ ແຂວງ ແລະ ຫ້ອງການ ວຕ ເມືອງ ຈຳນວນ 10 ຄັ້ງ ແລະ ສຳເລັດການຈັດສຳມະນາໃນຫົວຂໍ້ຕ່າງໆດ້ານ ເຕັກໂນໂລຊີດິຈິຕ໋ອນໃຫ້ແກ່ ພະແນກ ວຕ ແຂວງ, ບັນດາກົມ, ສະຖາບັນ, ຫ້ອງການ ພາຍໃນກະຊວງ ແລະ ອ້ອມຂ້າງກະຊວງ ຈຳນວນ 24 ຄັ້ງ; ດ້ານບໍລິການເຕັກໂນ ໂລຊີດິຈິຕ໋ອນ: ສໍາເລັດການສ້າງສູນຂໍ້ມູນທີ່ນໍາ ໃຊ້ພະລັງງານຢ່າງມີປະສິດທິພາບຂອງ ສປປ ລາວ; ດ້ານໂຄສະນາເຜີຍແຜ່ວຽກງານວິທະຍາສາດ ແລະ ເຕັກໂນໂລຊີ: ສຳເລັດການລົງໂຄສະນາເຜີຍແຜ່ກົດໝາຍ ວ່າດ້ວຍທຸລະກຳທາງເອເລັກໂຕຣນິກໃຫ້ພະນັກງານ-ລັດຖະກອນຂັ້ນສູນກາງ ແລະ ຂັ້ນທ້ອງຖິ່ນ ຈຳນວນ 9 ຄັ້ງ (ໃນ 9 ແຂວງ ແລະ 35 ເມືອງ) ແລະ ອື່ນໆ. ນອກ ຈາກຜົນສຳເລັດທາງດ້ານວິຊາສະເພາະດັ່ງທີ່ໄດ້ສະເໜີມານັັ້ນ, ສະມາຊິກໜ່ວຍຊາວໜຸ່ມຮາກຖານ ກຕດ ຍັງໄດ້ປະກອບສ່ວນເຂົ້າໃນ ວຽກງານຂະບວນການຕ່າງໆຂອງ ຊາວໝຸ່ມ ດ້ວຍຄວາມຮັບຜິດຊອບ. ສະຫາຍ ເລຂາໜ່ວຍຊາວໜຸ່ມຮາກຖານ ກຕດ ຍັງໄດ້ສະເໜີທິດທາງແຜນການ 5 ປີຕໍ່ໜ້າ (2019-2024).

ພາຍຫຼັງການລາຍງານຜົນສຳເລັດທາງດ້ານວຽກງານວິຊາສະເພາະ, ຄະນະໜ່ວຍຊາວໜຸ່ມຮາກຖານ ກຕດ ຊຸດເກົ່າ ໄດ້ຂຶ້ນກ່າວອຳລາໜ້າທີ່.ຫຼັງຈາກນັ້ນ, ຄະນະ ກຳມະການຄວບຄຸມການປ່ອນບັດເລືອກຕັ້ງ ໄດ້ດຳເນີນການປ່ອນບັດເລືອກຕັ້ງເອົາຄະນະຊາວໜຸ່ມຊຸດໃໝ່ຊຶ່ງຜົນການປ່ອນບັດຄັດເລືອກໄດ້ຄະນະໜ່ວຍຊາວໜຸ່ມຮາກ ຖານຊຸດໃໝ່ຊຶ່ງປະກອບດ້ວຍ: ສະຫາຍ ປະສິດທິເດດ ຫຼວງວິໄລ ເປັນເລຂາໜ່ວຍຊາວໜຸ່ມຮາກຖານ ກຕດ; ສະຫາຍ ພົມມະສີ ບຸນລືໄຕ ເປັນຮອງເລຂາ ແລະ ສະຫາຍ ນາງ ດາລີວັນ ມາລາວົງ ເປັນຄະນະ.

ໃນຕອນທ້າຍຂອງວາລະກອງປະຊຸມ, ສະຫາຍ ແກ້ວອຸທອນ ລຸນແສງຈັນ, ຮອງເລຂາຄະນະບໍລິຫານງານຊາວໜຸ່ມ ກວຕ ໄດ້ໃຫ້ກຽດໂອ້ລົມ ແລະ ມີຄຳເຫັນ ຕໍ່ກອງປະຊູມ. ສະຫາຍໄດ້ສະແດງຄວາມຍ້ອງຍໍຊົມເຊີຍຄະນະໜ່ວຍຊາວໜຸ່ມຮາກຖານ ກຕດ ຊຸດເກົ່າທີ່ໄດ້ເອົາໃຈໃສ່ນຳພາ ແລະ ປະຕິບັດໜ້າທີ່ວຽກງານ, ສ້າງຜົນ ງານຫຼາຍໆດ້ານໃນໄລຍະຜ່ານມາ ແລະ ຊົມຊົມຕໍ່ຄະນະໜ່ວຍຊາວໜຸ່ມຮາກຖານຊຸດໃໝ່ທີ່ໄດ້ຮັບຄວາມ ໄວ້ວາງໃຈຈາກບັນດາສະມາຊິກຊາວໜຸ່ມພາຍໃນ ກຕດ. ສະ ຫາຍ ຍັງໄດ້ເນັ້ນໃຫ້ສະມາຊິກຊາວໜຸ່ມທຸກສະຫາຍໃຫ້ມີສະຕິຄວາມອຸ່ນອຽນທຸ່ນທ່ຽງ, ມີຄວາມຫ້າວຫັນ, ມີຄວາມໜັກແໜ້ນ, ກ້າຄິດ, ກ້າສະແດງອອກ ແລະ ກ້າຮັບ ຜິດຊອບ, ປະຕິບັດກົດລະບຽບຂອງຊາວໜຸ່ມຢ່າງເຄັ່ງຄັດ.

ສະຫາຍຮອງເລຂາຄະນະບໍລິຫານງານຊາວໜຸ່ມ ກວຕ ຍັງຮຽກຮ້ອງສະມາຊິກຊາວໜຸ່ມ ໃຫ້ເອົາ ໃຈຄົ້ນຄວ້າ ແລະ ຮ່ຳຮຽນໃນຂະແໜງການທີ່ກ່ຽວຂ້ອງເພື່ອ ສຳເລັດໜ້າທີ່ທີ່ໄດ້ຮັບມອບໝາຍຢ່າງມີປະ ສິດທິພາບ ແລະ ປະສິດທິຜົນ.

ສະຫາຍຕາງໜ້າຈາກອົງການຈັັດຕັ້ງຊາວໜຸ່ມຈາກຫ້ອງການ, ກົມ, ສະຖາບັນພ້ອມດ້ວຍບັນດາ ສະມາຊິກຊາວໜຸ່ມພາຍໃນກົມ ເຂົ້າຮ່ວມກອງປະຊຸມຄັ້ງນີ້.

ຂ່າວ ແລະ ຮູບພາບ: ແສງທອງ ວັນນະທຳ

043044045046047