Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ພິທີເປີດດ່ານກວດຄຸນນະພາບນໍ້າມັນເຊືື້ອໄຟ ປະຈຳດ່ານສາກົນ ລະໄລ ແຂວງສາລະວັນ

ພິທີເປີດດ່ານກວດຄຸນນະພາບນໍ້າມັນເຊືື້ອໄຟ ປະຈຳດ່ານສາກົນ ລະໄລ ແຂວງສາລະວັນ

altໃນຕອນແລງວັນທີ 08 ສິງຫາ 2017, ຢູ່ພັດຕະຄານ ສິນສະໄໝ, ແຂວງ ສາລະວັນ, ກະຊວງວິທະຍາສາດ ແລະ

ເຕັກໂນໂລຊີ (ກວຕ) ຮ່ວມກັບ ພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງ ສາລະວັນ ໄດ້ຈັດພິທີ ເປີດດ່ານກວດກາຄຸນນະພາບນໍ້າມັນເຊື້ອໄຟ ປະຈຳດ່ານສາກົນ ລະໄລ ແຂວງ ສາລະວັນ ໂດຍການໃຫ້ກຽດເຂົ້າ ຮ່ວມຂອງ ທ່ານ ສີສຸວັນ ວົງຈອມສີ, ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ແຂວງສາລະວັນ; ທ່ານ ບັນດິດ ສຈ. ບໍ່ວຽງຄຳ ວົງດາລາ, ກໍາມະການສູນກາງພັກ, ເລຂາຄະນະພັກ, ລັດຖະມົນຕີ ກວຕ.

ທ່ານ ວຽງທອງ ວົງທະວິໄລ, ຮັກສາການ ຫົວໜ້າກົມມາດຕະຖານ ແລະ ວັດແທກ ໄດ້ກ່າວວ່າ: ໂດຍປະຕິບັດຕາມພາລະບົດບາດຂອງກົມມາດຕະຖານ ແລະ ວັດແທກ, ກວຕ ໄດ້ປະຕີບັດຕາມ ກົດໝາຍວ່າດ້ວຍ ມາດຕະຖານ, ກົດໝາຍວ່າດ້ວຍການວັດແທກ ແລະ ກົດໝາຍວ່າດ້ວຍປົກປ້ອງຜູ້ຊົມໃຊ້.ໃນໄລຍະຜ່ານມາ, ພະນັກງານ ພວຕ ແຂວງ ໄດ້ກວດສອບບໍລິມາດຫົວຈ່າຍນໍ້າມັນເຊື້ອໄຟ ຕາມສະຖານີບໍລິການນໍ້າມັນເຊື້ອໄຟ ໃນທົ່ວປະເທດ. ນັບແຕ່ເດືອນ ສິງຫາ 2016 ຜ່ານມາ, ກົມມາດຕະຖານ ແລະ ວັດແທກ, ກວຕ ໄດ້ເລີ່ມຈັດຕັ້ງ ປະຕິບັດການກວດກາຄຸນນະພາບນໍ້າມັນເຊື້ອໄຟ ທີ່ຜະລິດ, ນຳເຂົ້າ-ສົ່ງອອກ ແລະ ຈຳໜ່າຍຢູ່ ສປປ ລາວ ແລະ ໄດ້ເປີດຫ້ອງກວດສອບ ຢູ່ດ່ານສາກົນ ລະໄລ ຄັ້ງນີ້ ເປັນແຫ່ງທີ 14. ການເປີດຫ້ອງກວດສອບຄຸນນະພາບນໍ້າມັນເຊື້ອໄຟ ກໍເພື່ອຕອບສະໜອງຄວາມຮຽກຮ້ອງຕ້ອງການ ຂອງສັງຄົມ ໃນການແກ້ໄຂບັນຫາປະກົດການຫຍໍ້ທໍ້ ແລະ ປົກປ້ອງຜູ້ຊົມໃຊ້ນໍ້າມັນເຊື້ອໄຟຢູ່ ສປປ ລາວ ໃຫ້ໄດ້ນຳໃຊ້ນໍ້າມັນເຊື້ອໄຟມີຄຸນນະພາບຖຶກຕ້ອງ ແລະ ໄດ້ຕາມ ມາດຕະຖານແຫ່ງຊາດກໍຄື ມາດຕະຖານສາກົນ ເວົ້າລວມ, ເວົ້າສະເພາະກໍແມ່ນພໍ່ແມ່ປະຊາຊົນ ແຂວງ ສາລະວັນ.

ທ່ານ ຍັງກ່າວຕື່ມກ່ຽວກັບຂັ້ນຕອນການກວດສອບບນໍ້າມັນເຊື້ອໄຟ ມີຄື: ເມື່ອມີການນຳນໍ້າມັນເຊື້ອໄຟເຂົ້າມາ ສປປ ລາວ ຈະຕ້ອງໄດ້ແຈ້ງເອກະສານການ ນຳເຂົ້າກັບໜ່ວຍງານວິທະຍາສາດ ແລະ ເຕັກໂນໂລຊີ ປະຈຳດ່ານ. ຫຼັງຈາກນັ້ນ ຈະເກັບຕົວຢ່າງຈາກລົດບັນທຸກນໍ້າມັນເຊື້ອໄຟ ເພື່ອກວດສອບຄຸນນະພາບເບື້ອງຕົ້ນ ຢູ່ຫ້ອງທົດລອງປະຈຳດ່ານ. ຖ້າຫາກການກວດສອບຖຶກຕ້ອງຕາມມາດຕະຖານທີ່ກຳນົດໄວ້ ກໍຈະອອກໃບຢັ້ງຢືນຄວາມຖຶກຕ້ອງຂອງຄຸນນະພາບນໍ້າມັນເຊື້ອໄຟກັບຊຸດເອ ກະສານ ສົ່ງໄປຫາຫ້ອງການພາສີ ເພື່ອດຳເນີນການຂັ້ນຕໍ່ໄປ.

ນອກຈາກນີ້. ເຈົ້າໜ້າທີ່ກ່ຽວຂ້ອງ ຍັງໄດ້ດຳເນີນການກວດສອບຄຸນນະພາບນໍ້າມັນເຊື້ອໄຟຢູ່ຕາມແຕ່ລະສາງເກັບນໍ້າມັນເຊື້ອໄຟ, ຕາມແຕ່ລະປໍ້າຈໍາໜ່າຍນໍ້າ ມັນເຊື້ອໄຟ ເປັນແຕ່ລະໄລຍະອີກ ແລະ ຍັງມີລົດກວດສອບຄຸນນະພາບນໍ້າມັນເຄື່ອນທີ່ໄວ້ບໍລິການຕາມການຮ້ອງຮຽນຂອງປະຊາຊົນ ແລະ ສາຍດ່ວນຈາກຜູ້ຊົມໃຊ້ 1513.

ເຂົ້າຮ່ວມພິທີຄັ້ງນີ້ ມີບັນດາຮອງເຈົ້າແຂວງ, ເຈົ້າເມືອງ, ຫົວໜ້າພະແນກອ້ອມຂ້າງແຂວງ, ບັນດາຫົວໜ້າຫ້ອງການ, ກົມ, ສະຖາບັນ ຈາກ ກວຕ, ບັນດາ ບໍລິສັດ, ຜູ້ປະກອບການ.

ບົດຂ່າວ ແລະ ພາບ: ນາງ ທັດສະນີ ພົງບັນດິດ

altaltaltaltaltalt