Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home ຂ່າວສານ ຂ່າວທ້ອງຖິ່ນ ສ້າງຄວາມເຂັ້ມແຂງດ້ານວຽກງານ ຊັບສິນທາງ ປັນຍາ ແລະມາດຕະຖານ ໃຫ້ແກ່ຂະແໜງການ ທ້ອງຖິ່ນ

ສ້າງຄວາມເຂັ້ມແຂງດ້ານວຽກງານ ຊັບສິນທາງ ປັນຍາ ແລະມາດຕະຖານ ໃຫ້ແກ່ຂະແໜງການ ທ້ອງຖິ່ນ

altວຽກງານວິທະຍາສາດ ແລະ ເຕັກໂນໂລຊີ ແມ່ນວຽກ ງານໜຶ່ງທີ່ມີບົດບາດ ສຳຄັນຕໍ່ກັບການພັດທະນາ ເສດຖະ

ກິດ-ສັງຄົມ, ເປັນກຳລັງແຮງ ແລະ ພາຫະນະບຸກທະລຸ ທີ່ມີປະສິດທິຜົນສູງເພື່ອຊຸກຍູ້ ແລະ ຂັບເຄື່ອນການພັດທະ ນາເສດຖະກິດ-ສັງຄົມແຫ່ງຊາດ ໃຫ້ຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງຍືນຍົງ ແລະ ຕາມທິດສີຂຽວ ໂດຍ ສະເພາະວຽກງານຊັບສິນທາງປັນຍາ, ວຽກງານມາດຕະຖານ ແລະ ວັດແທກ ແມ່ນວຽກງານໜຶ່ງທີ່ປິ່ນອ້ອມ ແລະ ສະໜັບສະໜູນໂຄງການຄໍ້າປະກັນສະບຽງອາຫານ ແລະ ສົ່ງເສີມຜະລິດເປັນສິນຄ້າ ຊຶ່ງເປັນໂຄງການບູລິມະສິດ ຂອງລັດຖະບານ.

ໃນຕອນເຊົ້າຂອງວັນທີ 07 ສິງຫາ 2017, ກົມຊັບສິບທາງປັນຍາ ແລະ ກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຮ່ວມກັນຈັດກອງປະຊຸມສຳມະນາການສ້າງ ຄວາມເຂັ້ມແຂງດ້ານວຽກງານຊັບສິນທາງປັນຍາ ແລະ ມາດຕະຖານ ໃຫ້ແກ່ຂະແໜງການທ້ອງຖິ່ນ ແລະ ຜູ້ປະກອບການ ຂຶ້ນທີ່ຫ້ອງວ່າການແຂວງ ຄຳມ່ວນໂດຍໃຫ້ ກຽດເຂົ້າຮ່ວມເປັນປະທານຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ລັດຖະມົນຕີ ກວຕ ແລະ ທ່ານ ໂອໄດ ສຸດາພອນ, ກຳມະການ ສູນກາງພັກ, ເລຂາພັກແຂວງ ເຈົ້າແຂວງ ແຂວງຄຳມ່ວນ.

ທ່ານ ລັດຖະມົນຕີ ກວຕ ໄດ້ກ່າວເປີດກອງປະຊຸມສຳມະນາວ່າ: ການຈັດກອງປະຊຸມຄັ້ງນີ້ ແມ່ນໜຶ່ງໃນກິດຈະກຳຂອງໂຄງການ ຊຶ່ງຈັດຂຶ້ນເພື່ອສ້າງຄວາມ ເຂົ້າໃຈ ແລະ ຄວາມເຂັ້ມແຂງທາງດ້ານວິຊາການໃຫ້ແກ່ພະນັກງານຂັ້ນທ້ອງຖິ່ນ, ຜູ້ປະກອບການຂະໜາດນ້ອຍ ແລະ ກາງ (SME), ນັກທຸລະກິດ, ກຸ່ມຜູ້ຜະລິດ, ຊາວ ກະສິກອນ ໃຫ້ເຫັນໄດ້ເຖິງຄວາມໝາຍຄວາມສຳຄັນຂອງວຽກງານຊັບສິນທາງປັນຍາ ແລະ ມາດຕະຖານ ກໍຄືເຫັນຄວາມສຳຄັນໃນການຈົດທະບຽບຊັບສິນທາງປັນຍາ, ການກວດກາ ແລະ ຢັ້ງຢືນຄຸນນະພາບ ຂອງສິນຄ້າກະສິກຳເພື່ອປົກປ້ອງຜົນປະໂຫຍດຂອງຜູ້ປະກອບການ, ສ້າງມູນຄ່າເພີ່ມຂອງສິນຄ້າ ແລະ ສາມາດແຂ່ງຂັນໃນຕະຫຼາດ ໄດ້. ກອງປະຊຸມຄັ້ງນີ້ ເປັນການຊຸກຍູ້ ແລະ ສົ່ງເສີມໃຫ້ມີການນຳໃຊ້ລະບົບຊັບສິນທາງປັນຍາ, ມາດຕະຖານ ແລະ ວັດແທກ ເຂົ້າໃນຂະບວນການຜະລິດເປັນສິນຄ້າ ແລະ ສາມາດສົ່ງອອກໄດ້. ນອກຈາກນັ້ນ ຍັງໄດ້ຍົກລະດັບຄວາມຮູ້ ແລະ ປະສົບການໃຫ້ໜ່ວຍງານຮັບຜິດຊອບວຽກງານຊັບສິນທາງປັນຍາ ແລະ ໜ່ວຍງານມາດຕະຖານ, ວັດແທກ ຂອງທ້ອງຖິ່ນ ໃຫ້ເຂົ້າໃຈບົດບາດຂອງຕົນເອງ ໃນການຊຸກຍູ້ໂຄງການຄໍ້າປະກັນຄວາມໝັ້ນຄົງດ້ານສະບຽງອາຫານ ແລະ ໂຄງການສົ່ງເສີມຜະລິດສິນຄ້າ.

ບັນດາຜູ້ເຂົ້າຮ່ວມນກອງປະຊຸມສຳມະນາຄັ້ງນີ້ ໄດ້ຮັບຟັງການເຜີຍແຜ່ເອກະສານ ກ່ຽວກັບການສ້າງຄວາມເຂັ້ມແຂງ ດ້ານວຽກງານຊັບສິນທາງປັນຍາ ໃຫ້ແກ່ ຂະແໜງການທ້ອງຖິ່ນ ແລະ ພາລະບົດບາດຂອງກົມຊັບສິນທາງປັນຍາ; ຄວາມຮູ້ເບື້ອງຕົ້ນທາງດ້ານຊັບສິນທາງປັນຍາ; ການສ້າງເຄື່ອງໝາຍການຄ້າ; ການປັບປຸງຜະລິດ ຕະພັນໃຫ້ໄດ້ມາດຕະຖານ ແລະ ຄຸນນະພາບ.

ຄຽງຄູ່ກັບການກອງປະຊຸມສຳມະນາຄັ້ງນີ້, ກົມຊັບສິນທາງປັນຍາ ຍັງໄດ້ຈັດກອງປະຊຸມສຳມະນາກ່ຽວກັບ ການຮັບຮ້ອງຄຳຮ້ອງຂໍຈົດທະບຽບຊັບສິນທາງປັນຍາ ໃຫ້ພະແນກວິທະຍາສາດ ແລະ ເຕັກໂນໂລຊີ ແຂວງຄຳມ່ວນ ໂດຍແມ່ນການປະຕິບັດວຽກການແບ່ງຂັ້ນຄຸ້ມຄອງທາງດ້ານວຽກງານຊັບສິນທາງປັນຍາ ລະຫວ່າງ ສູນກາງ ແລະ ທ້ອງຖິ່ນ ແນໃສ່ສ້າງຄວາມເຂັ້ມແຂງທາງດ້ານການຄຸ້ມຄອງວຽກງານຊັບສິນທາງປັນຍາໃຫ້ທ້ອງຖິ່ນ ເພື່ອເປັນການຜັນຂະຫຍາຍ ແລະ ຈັດຕັ້ງປະຕິບັດ ມະຕິເລກທີ 03/ກມສພ ຂອງກົມການເມືອງສູນກາງພັກ ວ່າດ້ວຍການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວ ໜ່ວຍພັດທະນາ.

ເຂົ້າຮ່ວມກອງປະຊຸມໃນຄັ້ງນີ້ ມີ ທ່ານ ປອ. ນາງ ຂັນລາສີ ແກ້ວບຸນພັນ, ຫົວໜ້າກົມຊັບສິນທາງປັນຍາ; ທ່ານ ນ. ໄພບູນ ໄຊຍະກຸມມານ, ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງ ຄຳມ່ວນ, ຕາງໜ້າຈາກພາກສ່ວນກົມ, ສະຖາບັນ ພາຍໃນກະຊວງ ແລະ ພາກສ່ວນລັດອ້ອມຂ້າງແຂວງ, ເມືອງ, ຜູ້ປະກອບການ ທຸລະກິດຂະນ້ອຍ ແລະ ກາງ ແລະ ນັກທຸລະກິດ ພາຍໃນແຂວງຄຳມ່ວນ.

ບົດຂ່າວ ແລະ ພາບ: ນາງ ທັດສະນີ ພົງບັນດິດ

altaltaltaltalt