Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home ຂ່າວສານ ຂ່າວສານ ການເຄື່ອນໄຫວຂອງການນຳ ປະທານ ບໍລິສັດ Toyota Tshusho ປະຈຳພາກພື້ນ Asia Pacific ເຂົ້າພົບປະ ທ່ານລັດຖະມົນຕີ ກວຕ

ປະທານ ບໍລິສັດ Toyota Tshusho ປະຈຳພາກພື້ນ Asia Pacific ເຂົ້າພົບປະ ທ່ານລັດຖະມົນຕີ ກວຕ

altທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ) ຕ້ອນຮັບ

ການເຂົ້າຢ້ຽມຂ່ຳນັບຂອງ ທ່ານ Yanase, ປະທານ ບໍລິສັດ ໂຕໂຍຕາ ຊູໂຊ (Toyota Tshusho) ປະຈຳ ພາກພື້ນ Asia Pacific ພ້ອມດ້ວຍຄະນະ ໃນຕອນແລງຂອງວັນທີ 02 ສິງຫາ 2017 ທີ່ຫ້ອງຮັບແຂກ ກວຕ.

ຈຸດປະສົງຂອງທ່ານ Yanase ທີ່ມາຢ້ຽມຢາມ ແລະ ພົບປະກັບທ່ານລັດຖະມົນຕີ ກວຕ ເພື່ອຮັບຟັງ ຄວາມຄືບໜ້າຂອງການຈັດຕັ້ງ ສູນຂໍ້ມູນເອເລັກໂຕຣນິກ (Data Center) ພາຍຫຼັງສຳເລັດການກໍ່ສ້າງເມື່ອທ້າຍ ປີ 2016 ແລະ ໃນໂອກາດທີ່ທ່ານໄດ້ຮັບຕຳແໜ່ງປະທານ ບໍລິສັດ Toyota Tshusho ປະຈຳພາກພື້ນ Asia Pacific ຄົນໃໝ່.

ໂອກາດນີ້, ທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີລັດຖະມົນຕີ ກວຕ ໄດ້ກ່າວຕ້ອນຮັບ ທ່ານ Yanase ພ້ອມດ້ວຍຄະນະ ທີ່ມາຢ້ຽມຢາມ ແລະ ເຮັດວຽກ ຢູ ສປປ ລາວ ພາຍຫຼັງທີ່ທ່ານ ໄດ້ຮັບຕຳແໜ່ງປະທານ ບໍລິສັດ Toyota Tshusho ປະຈຳພາກພື້ນ Asia Pacific ຄົນໃໝ່.

ທ່ານລັດຖະມົນຕີ ໄດ້ລາຍງານຕໍ່ ທ່ານ Yanase ຊາບກ່ຽວກັບໜ້າວຽກຂອງການຈັດຕັ້ງປະຕິບັດທີ່ພວມດຳເນີນຢູ່ໃນປັດຈຸບັນ ແມ່ນກໍາລັງດຳເນີນໄປຢ່າງໄດ້ ຮັບຜົນດີ ຊຶ່ງຝ່າຍຍີ່ປຸ່ນ ໄດ້ສົ່ງວິຊາການມາປະຈຳ ແລະ ເຮັດວຽກຮ່ວມກັບວິຊາການຂອງຝ່າຍລາວ. ຫຼັງຈາກນັ້ນ, ທາງຝ່າຍລາວ ຈະນໍາສະເໜີຕໍ່ລັດຖະບານ ກ່ຽວກັບການ ເກັບຄ່າບໍລິການ, ຄ່າທຳນຽມຕ່າງໆ ເພື່ອຈະເປີດໃຫ້ການບໍລິການທົ່ວໄປ.

ທ່ານ ລັດຖະມົນຕີ ກ່າວຕື່ມວ່າ: ຝ່າຍລາວ ຫວັງວ່າ ບໍລິສັດ Toyota Tshusho ຈະສືບຕໍ່ໃຫ້ການຮ່ວມມືພາຍຫຼັງ ອົງການ ນີໂດະ (NEDO) ໄດ້ມອບ-ຮັບ ໂຄງດັ່ງກ່າວນີ້ ໃຫ້ແກ່ຝ່າຍລາວ ໃນທ້າຍປີ 2018. ນອກຈາກນັ້ນ ຍັງມີບັນດາໂຄງການອື່ນໆອີກທີ່ສອງຝ່າຍສາມາດຮ່ວມມືນຳກັນໄດ້ ເຊັ່ນ: ໂຄງການໄຟຟ້າພະລັງານແສງ ຕາເວັນ, ພະລັງງານທົດແທນ ຊຶ່ງເປັນບັນດາໂຄງການທີ່ ບໍລິສັດ Toyota Tshusho ມີທ່າແຮງຫຼາຍ.

ຂ່າວ ແລະ ຮູຍ: ບາລະຄອນ ສຸວັນນະພາສີ

altaltalt