Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ພະນັກງານ-ລັດຖະກອນ ກວຕ ຮໍ່າຮຽນຄວາມເປັນ ແບບຢ່າງຂອງປະທານ ສຸພາ ນຸວົງ ແລະ ທວນຄືນ ສອງວັນປະຫວັດສາດ ລາວ-ຫວຽດນາມ

ພະນັກງານ-ລັດຖະກອນ ກວຕ ຮໍ່າຮຽນຄວາມເປັນ ແບບຢ່າງຂອງປະທານ ສຸພາ ນຸວົງ ແລະ ທວນຄືນ ສອງວັນປະຫວັດສາດ ລາວ-ຫວຽດນາມ

altໃນຕອນເຊົ້າຂອງວັນທີ 03 ສິງຫາ 2017, ກະຊວງ ວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດ ພິທີປາຖະ

ກະຖາວັນສຳຄັນທາງປະຫວັດສາດຂອງຊາດ ເຊັ່ນ: ວັນເກີດປະທານ ສຸພານຸວົງ ຄົບຮອບ 108 ປີ (13/07/1909-13/07/2017), ວັນເຊັນສັນຍາມິດ ຕະພາບການຮ່ວມມືລາວ-ຫວຽດນາມຄົບຮອບ 40 ປີ (18/07/1977-18/07/2017) ແລະ ວັນສ້າງຕັ້ງສາຍ ພົວພັນການທູດ ລາວ-ຫວຽດນາມ ຄົບຮອບ 55 ປີ (05/09/1962-05/09/2017) ໂດຍການໃຫ້ກຽດເປັນປະທານຂອງ ທ່ານ ຫຸມພັນ ອິນທະຣາດ, ຄະນະພັກ, ຮອງລັດ ຖະມົນຕີ ກວຕ.

ໃນໂອກາດນີ້, ທ່ານ ຮອງລັດຖະມົນຕີ ໃຫ້ກຽດເຜີຍແຜ່ ເອກະສານວັນເກີດປະທານ ສຸພານຸວົງ ຄົບ ຮອບ 108 ປີ ຊຶ່ງທ່ານ ໄດ້ຍົກໃຫ້ເຫັນຜົນງານ ແລະ ຄຸນງາມຄວາມດີຂອງປະທານ ສຸພານຸວົງ ຊຶ່ງມີເນື້ອໃນ ບາງຕອນ ວ່າ: ຄຸນລັກສະນະທີ່ພົ້ນເດັ່ນຂອງປະທານ ສຸພານຸວົງ ແມ່ນເປັນຜູ້ນຳ ທີ່ມີຄວາມຈົ່ງຮັກພັກດີຕໍ່ອຸດົມ ການປະຕິວັດຢ່າງເດັດຂາດ, ຕໍ່ສູ້ຢ່າງກ້າແກ່ນພິລະອາດຫານ ຍາມໃດກໍໄດ້ຍົກສູງ ສະຕິລະບຽບວິໄນຕໍ່ການຈັດຕັ້ງ, ນັບຖືໝູ່ຄະນະ, ເອື້ອເຟື້ອຮັກແພງມິດສະຫາຍ ຢ່າງຈິງໃຈ, ດຳລົງຊີວິດຢ່າງສັດຊື່ສຸຈະລິດ ແລະ ງ່າຍດາຍ; ແມ່ນປັນຍາ ຊົນຜູ້ຍິ່ງໃຫຍ່, ເປັນເຊື້ອເຈົ້າຜູ້ໜຶ່ງທີ່ມີນໍ້າໃຈຮັກ ຊາດອັນດູດດຶ່ມ, ມີຈິດໃຈຕໍ່ສູ້ທີ່ອາດຫານກ້າແກ່ນ, ມີທັດສະນະຫລັກໝັ້ນອັນໜັກແໜ້ນ ແລະ ນໍ້າໃຈເສຍສະຫຼະອັນສູງສົ່ງ ເພື່ອຊາດເພື່ອປະຊາຊົນ. ທ່ານປະທານ ສຸພານຸວົງ ໄດ້ເລີ່ມຈາກນັກຮັກຊາດທີ່ແທ້ຈິງກາຍເປັນນັກປະຕິວັດທີ່ກ້າແກ່ນ, ເປັນໜຶ່ງໃນບັນດາຜູ້ນຳທີ່ດີເດັ່ນ ແລະ ເຄົາລົບ ຮັກ ຂອງປະຊາຊົນລາວເຜົ່າຕ່າງໆ.

ທ່ານ ຮອງລັດຖະມົນຕີ ກ່າວວ່າ: ພະນັກງານ-ລັດຖະກອນ ພວກເຮົາ ຕ້ອງຮໍ່າຮຽນເອົາແບບຢ່າງ ແລະ ຄຸນງາມຄວາມດີຂອງເພິ່ນ ເຊັ່ນ: ຮຽນເອົາທັດສະນະຫຼັກ ໝັ້ນການເມືອງໜັກແໜ້ນ, ເຊື່ອໝັ້ນຕໍ່ການນຳພາຂອງພັກ ກໍຄືແນວທາງປ່ຽນແປງໃໝ່, ເອົາໃຈໃສ່ຝຶກຝົນຫຼໍ່ຫຼອມຕົນເອງ ໃຫ້ກາຍເປັນພະນັກງານຮຸ່ນສືບທອດທີ່ຈົ່ງຮັກ ພັກດີຕໍ່ພັກ ແລະ ຕໍ່ປະເທດຊາດ; ຕ້ອງເດັດດ໋ຽວໜຽວແໜ້ນປົກປັກຮັກສາປະເທດຊາດໄວ້ໃຫ້ໝັ້ນຄົງ, ຕໍ່ສູ້ທັບມ້າງກົນອຸບາຍຫັນປ່ຽນໂດຍສັນຕິຂອງພວກສັດຕູ, ພະຍາ ຍາມບຸກບືນກ້າວຂຶ້ນສ້າງສາພັດທະນາປະເທດຊາດໃຫ້ເຂັ້ມແຂງ, ສັງຄົມ ມີຄວາມສະເໝີພາບ ແລະ ມີຄວາມຈະເລີນຮຸ່ງເຮືອງສີວິໄລ.

ພ້ອມດຽວກັນນັ້ນ, ທ່ານ ຮອງລັດຖະມົນຕີ ໄດ້ສືບຕໍ່ເຜີຍແຜ່ເຊື່ອມຊຶມເອກະສານ ເຊັ່ນ: ວັນເຊັນສົນທິສັນຍາມິດຕະພາບ-ການຮ່ວມມື ລາວ- ຫວຽດນາມ ຄົບຮອບ 40 ປີ ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 55 ປີ.ກ່ຽວກັບວັນເຊັນສົນທິສັນຍາມິດຕະພາບ-ການຮ່ວມມື ລາວ-ຫວຽດນາມ ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ, ທ່ານ ຮອງລັດຖະມົນຕີ ໄດ້ຍົກໃຫ້ເຫັນສະພາບແວດລ້ອມແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງຄວາມ ສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ; ໝາກຜົນອັນພົ້ນເດັ່ນຂອງການພົວພັນມີດຕະພາບ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ແລະ ສືບຕໍ່ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ.

ເຂົ້າຮ່ວມໃນພິທີຄັ້ງນີ້ມີ ທ່ານ ປອ. ສຸລິອຸດົງ ສູນດາລາ, ຮອງລັດຖະມົນຕີ ກວຕ, ບັນດາຫົວໜ້າຫ້ອງການ, ກົມ, ສະຖາບັນ ແລະ ພະນັກງານ ກວຕ.


ຂ່າວ ແລະ ຮູບພາບ: ບາລະຄອນ ສຸວັນນະພາສີ

altaltaltaltalt