Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ກອງປະຊຸມ-ສຳມະນາ ຍົກລະດັບຄວາມຮູ້ດ້ານ “ເຕັກໂນໂລຊີພະລັງງານທົດ ແທນ ແລະ ການນຳໃຊ້”

ຍົກລະດັບຄວາມຮູ້ດ້ານ “ເຕັກໂນໂລຊີພະລັງງານທົດ ແທນ ແລະ ການນຳໃຊ້”

altໂດຍປະຕິບັດຕາມສັນຍາ ຮ່ວມມືທາງດ້ານວິທະຍາສາດ ແລະ ເຕັກໂນໂລຊີ, ກະຊວງວິທະຍາສາດ ແລະ ເຕັກໂນ

ໂລຊີ ສປ ຈີນ ແລະ ກະຊວງວິທະຍາສາດ ແລະ ເຕັກໂນໂລຊີ (ກວຕ) ສປປ ລາວ ໄດ້ມອບໃຫ້ ສະຖາບັນພະລັງ ງານທົດແທນ ແລະ ວັດສະດຸໃໝ່ ແລະ ສະຖາບັນພະລັງງານແສງຕາເວັນ ມະຫາວິທະຍາໄລສ້າງຄູ ຢຸນນານ ຮ່ວມ ມືສ້າງຫ້ອງທົດລອງລາວ-ຈີນ ໃນການພັດທະນາ ແລະ ນຳໃຊ້ພະລັງງານທົດແທນ.

ໂຄງການດັ່ງກ່າວ ແມ່ນໂຄງການຊ່ວຍເຫຼືອລ້າ ຂອງກະຊວງວິທະຍາສາດ ແລະ ເຕັກໂນໂລຊີ ສປ ຈີນ ດ້ວຍການຊ່ວຍເຫຼືອທາງດ້ານອຸປະກອນຫ້ອງທົດລອງ, ອຸປະກອນສາທິດໃນການນຳໃຊ້ພະລັງງານທົດແທນ ແລະ ທຶນການສຶກສາອື່ນໆ. ສ່ວນຝ່າຍລາວ ຮັບຜິດຊອບອາຄານຫ້ອງທົດລອງ ເພື່ອຮອງຮັບອຸປະກອນ. ພ້ອມກັນນັ້ນ, ຝ່າຍລາວ ຍັງຮັບຜິດຊອບການກະກຽມ ແລະ ການຄັດເລືອກສະຖານທີ່ຕິດຕັ້ງອຸປະກອນເພື່ອສາທິດໃຫ້ຂະແໜງ ການ, ຊຸມຊົນ ແລະ ປະຊາຊົນທົດລອງນຳໃຊ້ເຊັ່ນ: ຕິດຕັ້ງ-ສາທິດການນຳໃຊ້ໄຟຟ້າເຍືອງທາງແສງຕາເວັນ, ເຄື່ອງຜະລິດນ້ຳຮ້ອນແສງຕາເວັນ, ເຄື່ອງປ້ຳນ້ຳແສງຕາເວັນ ແລະ ບໍ່ແກ໊ດຊີວະພາບ.

ເພື່່ອປະຕິບັດສັນຍາດັ່ງກ່າວ ໃຫ້ມີປະສິດທິພາບ ແລະ ປະສິດທິຜົນ, ໃນວັນທີ 25 ກໍລະກົດ 2017 ທີ່ໂຮງແຮມນິວໂຣດ ນະຄອນຫຼວງວຽງຈັນ, ສະຖາບັນພະ ລັງງານທົດແທນ ແລະ ວັດສະດຸໃໝ່ ຮ່ວມກັບ ມະຫາວິທະຍາໄລສ້າງຄູຢຸນນານ, ສປ ຈີນ ຈັດຝຶກອົບຮົມນາງໆຊາດໃນຫົວຂໍ້: “ເຕັກໂນໂລຊີພະລັງງານທົດແທນ ແລະ ການນຳໃຊ້” ພາຍໃຕ້ການເປັນປະທານຮ່ວມຂອງ ທ່ານ ປອ. ຈັນແສງ ພິມມະວົງ, ຮອງລັດຖະມົນຕີ ກວຕ; ທ່ານ ມາລີ້, ຮອງອະທິການບໍດີ, ມະຫາວິທະຍາໄລສ້າງຄູ ຢຸນ ນານ ສປ ຈີນ.

ໂອກາດນີ້, ທ່ານ ຮອງລັດຖະມົນຕີ ກວຕ ໄດ້ໃຫ້ກຽດກ່າວເປີດພິທີຝຶກອົບຮົບຄັ້ງນີ້ວ່າ ເຫດການນີ້ ແມ່ນມີຄວາມໝາຍ ແລະ ຄວາມສໍາຄັນຕໍ່ການຈັດຕັ້ງ ປະຕິບັດໂຄງການຮ່ວມມືຫ້ອງທົດລອງຮ່ວມກັນໃນການພັດທະນາ ແລະ ນໍາໃຊ້ພະລັງງານທົດແທນ ລາວ-ຈີນ ລະຫວ່າງ ສະຖາບັນພະລັງງານທົດແທນ ແລະ ວັດສະດຸໃໝ່ ກັບ ມະຫາວິທະຍາໄລສ້າງຢູຢຸນນານ, ສປ ຈີນ ໃຫ້ສຳເລັດຕາມແຜນການທີ່ກຳນົດໄວ້. ການຝຶກອົບຮົມໃນຄັ້ງນີ້ ຈະບໍ່ພຽງແຕ່ເປັນການຮຽນຮູ້ພາກທິດສະດີເທົ່ານັ້ນ ຍັງຈະເປັນການຮຽນຮູ້ໃນການຄົ້ນຄວ້າ ແລະ ປະດິດຄິດສ້າງເຕັກໂນໂລຊີ ແລະ ນະວັດຕະກຳ ດ້ານພະລັງງານທົດແທນອີກດ້ວຍ.

ທ່ານ ກ່າວຕື່ມວ່າ: ການຝຶກອົບຮົມນີ້ ເປັນການເສີມຂະຫຍາຍຄວາມສາມາດຂອງພະນັກງານ-ລັດຖະກອນ ໃນການຈັດການປະຕິຮູບ ແລະ ການປ່ຽນແປງ ທີ່ກຳລັງເກີດຂື້ນ, ຈິດສໍານຶກດ້ານເຕັກໂນໂລຊີໃໝ່ໆຂອງຍຸກໂລກາພິວັດ. ຂ້າພະເຈົ້າ ຫວັງຢ່າງຍີ່ງວ່າ: ຜູ້ເຂົ້າຮ່ວມ ມີຄວາມອາດສາມາດໃນການແກ້ໄຂສິ່ງທ້າທາຍຕ່າງໆ ໂດຍສະເພາະວຽກງານດ້ານການຄົ້ນຄວ້າຂອງບັນດາທ່ານເອງ ແລະ ສາມາດດັດປັບ ແລະ ໝູນໃຊ້ສິ່ງທ້າທາຍ ເຂົ້າໃນໜ້າວຽກການຄົ້ນຄວ້າຂອງບັນດາທ່ານ ໃຫ້ເກີດດອກ ອອກຜົນ. ນອກຈາກນີ້, ພາຍຫຼັງສຳເລັດການຝຶກອົບຮົມນີ້ ຄາດວ່າ ຈະມີບາດກ້າວໃໝທີ່ສຳຄັນໃນການສະໜັບສະໜູນວຽກງານພະລັງງານທົດແທນ.

ເຂົ້້າຮ່ວມກອງປະຊຸມໃນຄັ້ງນີ້ ມີທ່ານ ເລີ ເຈັຍ, ຮອງຫົວໜ້າກົມແຜນການ ແລະ ຮ່ວມມື, ກະຊວງວິທະຍາສາດ ແລະ ເຕັກໂນໂລຊີ ສປ ຈີນ; ທ່ານ ນາງ ໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່, ຕາງໜ້າຈາກພາກສ່ວນກົມ, ສະຖາບັນທີ່ກ່ຽວຂ້ອງທັງສອງຝ່າຍ ແລະ ນັກສຳມະນາກອນທັງພາຍ ໃນ ແລະ ຕ່າງປະເທດ.

ບົດຂ່າວ ແລະ ຮູບ: ນາງ ທັດສະນີ ພົງບັນດິດ

altaltaltaltaltaltalt