Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ສະຫະພັນແມ່ຍິງ ກວຕ ຈັດກອງປະຊຸມສຳມະນາ ໃນຫົວຂໍ້ “ແມ່ຍິງກັບສູຂະພາບ”

ສະຫະພັນແມ່ຍິງ ກວຕ ຈັດກອງປະຊຸມສຳມະນາ ໃນຫົວຂໍ້ “ແມ່ຍິງກັບສູຂະພາບ”

altໃນຕອນເຊົ້າຂອງວັນທີ 19 ກໍລະກົດ 2017 ທີ່ຫ້ອງ ປະຊຸມສະຖາບັນນິເວດວິທະຍາ ແລະ ເຕັກໂນໂລຊີ ຊີວະ

ພາບ, ກະຊວງວິທະຍາສາດ ແລະ ເຕັກໂນໂລຊີ (ກວຕ), ສະຫະພັນແມ່ຍິງ ກວຕ ຈັດກອງປະຊຸມສຳມະນາ ໃນຫົວຂໍ້ “ແມ່ຍິງກັບສູຂະພາບ” ເນື່ອງໃນໂອກາດການສະເຫຼີມສະຫຼອງ ວັນສ້າງຕັ້ງສະຫະພັນແມ່ຍິງລາວ ຄົບຮອບ 62 ປີ ຂຶ້ນ ໂດຍການໃຫ້ກຽດເຂົ້າຮ່ວມເປັນປະທານຂອງ ສະຫາຍ ບຸນຕີ ທະມິດ, ຮອງເລຂາຄະນະພັກ, ຮອງລັດຖະມົນຕີ ກວຕ ແລະ ສະຫາຍ ນາງໄມຕີ ວົງຄຳຊາວ, ປະທານສະຫະພັນແມ່ຍິງ ກວຕ.

ໂອກາດນີ້, ສະຫາຍ ນາງ ໄມຕີ ວົງຄຳຊາວ, ປະທານສະຫະພັນແມ່ຍິງ ກວຕ ໄດ້ຂຶ້ນເຜີຍແຜ່ເອກະສານ ມູນເຊື້ອປະຫວັດຄວາມເປັນມາ ຂອງວັນສ້າງຕັ້ງສະຫະພັນແມຍິງລາວ ຄົບຮອບ 62 ປີ 20/07/1017-20/07/1945.

ໂອກາດດຽວກັນ, ສະຫາຍ ບຸນຕີ ທະມິດ, ຮອງເລຂາຄະນະພັກ, ຮອງລັດຖະມົນຕີ ກວຕ ໄດ້ມີຄຳເຫັນ ຕໍ່ພິທີດັ່ງກ່າວ ຊຶ່ງມີເນື້ອໃນບາງຕອນ ວ່າ: ກອງປະຊຸມ ສຳມະນາໃນຫົວຂໍ້ “ແມ່ຍິງກັບສູຂະພາບ” ຊຶ່ງໄດ້ໄຂຂື້ນ ທ່າມກາງບັນຍາກາດທີ່ເອື້ອຍນ້ອງແມ່ຍິງ ກວຕ ກຳລັງຂຸ້ນຂຽ້ວແຂ່ງຂັນກັນຈັດຕັ້ງປະຕິບັດມະຕິກອງປະຊຸມໃຫຍ່ ຜູ້ແທນແມ່ຍິງລາວທົ່ວປະເທດ ຄັ້ງທີ VII ແລະ ສ້າງຜົນ ງານເພື່ອຂ່ຳນັບຮັບຕ້ອນ ວັນສ້າງຕັ້ງສະຫະພັນແມ່ຍິງລາວ 20 ກໍລະກົດ ຕົບຮອບ 62 ປີ.

ຜ່ານການຮັບຟັງການທົບທວນຄືນປະຫວັດຄວາມເປັນມາ ຂອງວັນສ້າງຕັ້ງສະຫະພັນແມ່ຍິງລາວ ແລະ ຜົນງານເອື້ອຍນ້ອງແມ່ຍິງທີ່ເປັນປ້ານ້າອາຂອງພວກເຮົາ ເຫັນວ່າຜົນງານຂອງພວກເພິ່ນສຸດທີ່ໃຫຍ່ຫຼວງ ຊຶ່ງໄດ້ອູທິດເລືອດເນື້ອເຫື່ອແຮງເພື່ອພາລະກິດປົດປ່ອຍຊາດ ໂດຍຄຽງບ່າຄຽງໄລ່ກັບອ້າຍນ້ອງເພດຊາຍໃນສະໜາມລົບ. ບັນດາຜົນງານ ແລະ ການເສຍສະຫຼະດັ່ງກ່າວນັ້ນ ໄດ້ກາຍເປັນແບບຢ່າງ ແລະ ແວ່ນແຍງໃຫ້ແກ່ອານຸຊົນລຸ້ນຫຼັງດັ່ງພວກເຮົາ ຈະຕ້ອງຮ່ຳຮຽນເອົາແບບແຜນການດຳລົງຊິວິດ ມູນເຊື້ອອັນດີງາມຂອງພວກແມ່ປ້ານ້າອາ ຊຶ່ງເປັນຄົນອົດທົນ, ດຸໝັ່ນຂະຫຍັນພຽນ, ຮັກລູກ ແພງຜົວ ທີ່ເປັນມູນເຊື້ອອັນດີງາມຂອງແມ່ຍິງລາວເຮົາທີ່ຈະຕ້ອງໄດ້ຮັບການ ສົ່ງເສີມຕໍ່ໄປ.

ສະຫາຍ ໄດ້ຊົມເຊີຍຄະນະສະຫະພັນແມ່ຍິງກະຊວງ ທີ່ໄດ້ຈັດຕັ້ງພິທີຫວນຄືນມູນເຊື້ອ ແລະ ກອງປະຊຸມ ສຳມະນາໃນຫົວຂໍ້ “ແມ່ຍິງກັບສູຂະພາບ” ນີ້ຂື້ນ ເພື່ອນຳເອົາຄວາມຮູ້ ດ້ານສຸຂະພາບຂອງແມ່ຍິງ ຕໍ່ກັບເຄື່ອງສຳອາງ ແລະ ອາຫານເສີມ ທີ່ບໍ່ໄດ້ມາດຕາຖານມາເຜີຍແຜ່ໃຫ້ແກ່ເອື້ອຍນ້ອງ. ຂ້າພະເຈົ້າ ຫວັງວ່າບັນດາເອື້ອຍ ນ້ອງຂອງພວກເຮົາ ຈະຕັ້ງໃຈເກັບກຳເອົາຄວາມຮູ້ ຈາກນັກວິທະຍາສາດ ເພື່ອມາໝູນໃຊ້ເຂົ້າໃນຊີວິດປະຈຳວັນຂອງຕົນ ໃຫ້ເກີດປະໂຫຍດສູງສຸດ.

ຕະຫຼອດໄລຍະແຫ່ງການຈັດຕັ້ງປະຕິດບັດ ມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດຄັ້ງທີ VII ແລະ ໜ້າທີ່ວຽກງານ ວິທະຍາສາດ ແລະ ເຕັກໂນ ໂລຊີ, ການເຄື່ອນໄຫວຂອງອົງການຈັດຕັ້ງສະຫະພັນແມ່ຍິງ ກວຕ ຍາມໃດກໍຕິດແໜ້ນກັບວຽກງານວິຊາສະເພາະທີ່ໄດ້ຮັບມອບໝາຍຢ່າງມີຄວາມຮັບຜິດຊອບ.

ສະຫະພັນແມ່ຍິງ ກວຕ ໄດ້ພະຍາຍາມເອົາການພັດທະນາແມ່ຍິງ ຕິດພັນກັບການພັດທະນາລວມຂອງ ກວຕ; ພະນັກງານຂອງສະຫະພັນແມ່ຍິງໄດ້ຮັບການ ຍົກລະດັບທາງດ້ານທິດສະດີ, ແນວທາງນະໂຍບາຍ ກໍຄືລະບຽບກົດໝາຍ ແລະ ວິຊາສະເພາະນັບມື້ນັບຫຼາຍຂື້ນ. ຍ້ອນຄວາມເອົາໃຈໃສ່ຂອງການນຳຂອງກະຊວງ ແລະ ດ້ວຍຄວາມບຸກບືນຂອງເອື້ອຍນ້ອງໃນໄລຍະຜ່ານມາ ຈຶ່ງເຮັດໃຫ້ການຈັດຕັ້ງເຊື່ອໝັ້ນ ແລະ ມອບໝາຍໜ້າທີ່ໃຫ້ເພດຍິງຮັບຜິດຊອບຂັ້ນນຳພາຄຸ້ມຄອງໃນລະດັບຂັ້ນກົມ, ຂັ້ນພະແນກ ດ້ວຍຈຳນວນນັບມື້ນັບເພີ່ມຂຶ້ນ. ດ້ວຍເຫດນັ້ນ, ຄະນະພັກ ແລະ ຄະນະນຳ ກວຕ ຍາມໃດ ກໍຕີລາຄາສູງຕໍ່ຜົນງານການປະກອບສ່ວນອັນສຳຄັນຂອງເອື້ອຍ ນ້ອງຍິງ ຕະຫຼອດໄລຍະທີ່ຜ່ານມາ.

ສະຫາຍ ກ່າວຕື່ມວ່າ: ເນຶ້ອໃນເອກະສານຕ່າງໆທີ່ຄະນະສະຫະພັນແມ່ຍິງ ກວຕ ໄດ້ນຳມາເຜີຍແຜ່ຄັ້ງນີ້ ຂໍໃຫ້ບັນດາສະຫາຍຄະນະໜ່ວຍ ກໍຄຶ ສະມາຊິກທຸກຄົນ ຈົ່ງນຳໄປຜັນຂະຫຍາຍ ແລະ ນຳໃຊ້ເຂົ້າໃນຊີວິດປະຈຳວັນ ແລະ ຜັນຂະຫຍາຍເຂົ້າສູ່ວຽກງານວິຊາສະເພາະຂອງຕົນເອງໃຫ້ມີປະສິດທິຜົນ. ສະຫາຍ ໄດ້ເໜັ້ນບາງຈຸດທີ່ສະ ຫະພັນແມ່ຍິງ ຕ້ອງເອົາໃຈໃສ່ດັ່ງນີ້:

ສະຫະພັນແມ່ຍິງ ຕ້ອງໄດ້ສຶບຕໍ່ບຸກບືນພັດທະນາຕົນເອງໃນທຸກດ້ານໃຫ້ດີກ່ວາເກົ່າ ຊຶ່ງກ່ອນອຶ່່ນໝົດຕ້ອງເອົາໃຈໃສ່ສຶກສາອົບຮົມດ້ານການເມືອງ-ແນວຄິດໃຫ້ ແກ່ແມ່ຍິງ ເຊຶ່ອມຊຶມຢ່າງຖຶກຕ້ອງຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ກຳແໜ້ນພາລະບົດບາດ ແລະ ໜ້າທີ່ ທີ່ຕົນຮັບຜິດຊອບ; ເພຶ່ອຕອບສະ ໜອງກັບຄວາມຮຽກຮ້ອງຕ້ອງການ ຂອງໜ້າທີ່ການເມຶອງໃນໄລຍະໃໝ່, ການຈັດຕັ້ງສະຫະພັນແມ່ຍິງຍາມໃດກໍເປັນໃຈກາງໃນການເຕົ້າໂຮມຄວາມສາມັກຄີ, ສຶກສາອົບ ຮົມ ແລະ ປຸກລະດົມແມ່ຍິງ ໃຫ້ເຂົ້າຮ່ວມເຄື່ອນໄຫວວຽກງານວິຊາສະເພາະ ໃນຂົງເຂດທີ່ຕົນຮັບຜິດຊອບຢ່າງແຂງ ແຮງ, ເຂົ້າຮ່ວມຂະບວນການແຂ່ງຂັນ 3 ດີ ທີ່ ຕິດພັັນກັບ ການແຂ່ງຂັນຮັກຊາດ ແລະ ພັດທະນາ; ເອົາໃຈໃສ່ປັບປຸງກໍ່ສ້າງການຈັດຕັ້ງສະຫະພັນແມ່ຍິງ ແລະ ສະມາຊິກແມ່ຍິງ ມີຄວາມໜັກແໜ້ນ ແລະ ເຂັ້ມແຂງ, ປັບປຸງແບບແຜນການເຄື່ຶຶຶຶອນໄຫວ, ວິທີນຳພາ, ແບບແຜນວິທີເຮັດວຽກໃຫ້ສ່ອດຄ່ອງກັບສະພາບເງື່ອນໄຂຕົວຈິງໃນແຕ່ລະໄລຍະ; ສະຫະພັນແມ່ຍິງ ກວຕ ຕ້ອງມີໂຄງ ການ, ມີແຜນການເພຶ່ອຍົກລະດັບຄວາມຮູ້ທາງດ້ານວິທະຍາສາດ, ເຕັກນິກ ໃຫ້ແກ່ສະມາຊິກດ້ວຍຫຼາຍຮູບການ ແລະ ຫຼາຍລະດັບທີ່ຕິດພັນກັບວຽກງານວິຊາສະເພາະ ເພຶ່ອ ໃຫ້ເອື້ອຍນ້ອງແມ່ຍິງ ມີໂອກາດພັດທະນາຄວາມສາມາດຂອງຕົົນເອງ ລວມທັງການຂະຫຍາຍຕົວທາງດ້ານສະຕິປັນຍາ ແລະ ມັນສະໝອງ.

ໃນຍຸກໂລກາພິວັດ ແລະ ເຊື່ອມໂຍງສາກົນ, ແມ່ຍິງຍິ່ງປະເຊີນໜ້າກັບສິ່ງທ້າທາຍທົດສອບຫຼາຍປະການ, ຄະນະສະຫະພັນແມ່ຍິງຂັ້ນຕ່າງໆ ຕ້ອງໄດ້ຖະນຸຖະ ໜອມ, ຮັກສາ ແລະ ເສີມຂະຫຍາຍຄຸນລັກສະນະທີ່ເປັນມູນເຊື້ອອັນດີງາມຂອງຊາດ ກໍຄືຂອງແມ່ຍິງລາວ, ເພີ່ມທະວີຄວາມຮັບຜິດຊອບ ແລະ ປະສິດທິຜົນໃນການແກ້ ໄຂບັນຫາຫຍໍ້ທໍ້ຕ່າງໆ ທີ່ເກີດຂື້ນກັບແມ່ຍິງ.

ເຂົ້າຮ່ວມໃນພິທີຄັ້ງນີ້ ມີສະຫາຍ ປອ. ສຸລິອຸດົງ ສູນດາລາ, ຄະນະກວດກາພັກ, ຮອງລັດຖະມົນຕີ ກວຕ; ສະຫາຍ ສຸມານະ ຈຸລາມະນີ, ຄະນະພັກ ກວຕ, ຕາງໜ້າສາມອົງການຈັດຕັ້ງມະຫາຊົນ ແລະ ສຳມາຊິກສະຫະພັນແມ່ຍິງ ກວຕ ຈຳນວນ 200 ກວ່າສະຫາຍ.

ບົດຂ່າວ: ບາລະຄອນ ສຸວັນນະພາສີ

ຮູບພາບ: ບຸນທັນ ນັນທຳວົງ

altaltaltaltalt