Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ລມຕ ກະຊວງວິທະຍາສາດ ແລະ ເຕັກໂນໂລຊີ ຕ້ອນຮັບການເຂົ້າຢ້ຽມຂ່ຳນັບຂອງທ່ານ ເອກ ອັກຄະລັດຖະທູດ ສ. ກູບາ ປະຈຳລາວ

ລມຕ ກະຊວງວິທະຍາສາດ ແລະ ເຕັກໂນໂລຊີ ຕ້ອນຮັບການເຂົ້າຢ້ຽມຂ່ຳນັບຂອງທ່ານ ເອກ ອັກຄະລັດຖະທູດ ສ. ກູບາ ປະຈຳລາວ

alt

ວັນທີ 2 ກຸມພາ 2017 ທີ່ກະຊວງວິທະຍາສາດ ແລະ ເຕັກໂນໂລຊີ, ທ່ານ ບັນດິດ ສຈ. ບໍ່ວຽງຄຳ ວົງດາລາ,

ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ຕ້ອນຮັບການເຂົ້າຢ້ຽມຂ່ຳນັບຂອງທ່ານ Pablo Antonio Rodriguez Vidal, ເອກອັກຄະລັດຖະທູດ ສ ກູບາ ຄົນໃໝ່ປະຈຳ ສປປ ລາວ.

ໂອກາດນີ້, ທ່ານເອກອັກຄະລັດຖະທູດ ສ. ກູບາ ສະແດງຄວາມຂອບໃຈຕໍ່ທ່ານ ລັດຖະມົນຕີ ທີ່ໃຫ້ກຽດຕ້ອນຮັບອັນອົບອຸ່ນ ແລະ ເປັນນິມິດໝາຍອັນສຳຄັນໃນການຮ່ວມມື ລະຫວ່າງ ສປປ ລາວ- ສ ກູບາ ໃຫ້ນັບມື້ນັບແໜ້ນແຟັນຍິ່ງຂຶ້ນ ແລະ ເຊື່ອໝັ້ນວ່າ ທັງສອງປະເທດ ຈະສືບຕໍ່ຮ່ວມມືກັນໃນຫຼາຍໆດ້ານ ໂດຍສະ ເພາະ ແມ່ນວຽກງານທາງດ້ານວິທະຍາສາດ ແລະ ເຕັກໂນໂລຊີ ເຊັ່ນ: ວຽກງານພະລັງງານທົດແທນ, ເຕັກໂນ ໂລຊີ ຊີວະພາບ, ວິທະຍາສາດການແພດຊຶ່ງປັດຈຸບັນ ສ ກູບາ ມີຄວາມກ້າວໜ້າຫຼາຍຕໍ່ກັບວຽກງານດັ່ງກ່າວ.

ໂອກາດດຽວກັນນີ້, ທ່ານ ລັດຖະມົນຕີ ສະແດງຄວາມຍິນດີຕ້ອນຮັບ ແລະ ເຊື່ອໝັ້ນວ່າ ມິດຕະພາບ ແລະ ການຮ່ວມມື ລະຫວ່າງ ທັງສອງປະເທດ ລາວ-ກູບາ ທີ່ມີມາແຕ່ດົນນານແລ້ວນັ້ນ ຈະສືບຕໍ່ແຕກດອກອອກຜົນຍິ່ງຂຶ້ນ. ໃນໄລຍະທີ່ທ່ານ ປະຕິບັດໜ້າທີ່ການທູດ ຢູ່ ສປປ ລາວ ຈະສືບຕໍ່ສົ່ງເສີມການຮ່ວມມື ແລະ ຊ່ວຍເຫຼືອ ໂດຍສະເພາະແມ່ນ ການເປີດກ້ວາງການຮ່ວມມື ລະຫວ່າງ ບັນດານັກວິທະຍາສາດ, ນັກຄົ້ນຄວ້າ ຂອງທັງສອງປະເທດ ເພື່ອຮ່ວມກັນພັດທະນາ ເສດຖະກິດ-ສັງຄົມກຊຶ່ງຈະນຳຜົນປະໂຫຍດມາສູ່ ປະຊາຊົນສອງຊາດ.

 

ບົດຂ່າວ: ບຸນທັນ ນັນທະວົງ

ຮູບພາບ: ບາລະຄອນ ສຸວັນນະພາສີ

altalt