Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ກວຕ ຫວນຄືນວັນສ້າງຕັ້ງສະຫະພັນກຳມະບານ ລາວ ຄົບຮອບ 61 ປີ

ກວຕ ຫວນຄືນວັນສ້າງຕັ້ງສະຫະພັນກຳມະບານ ລາວ ຄົບຮອບ 61 ປີ

altກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດພິທີປາຖະກະຖາ ເນື່ອງໃນໂອກາດວັນສ້າງຕັ້ງ ສະຫະ

ພັນກຳມະບານລາວຄົບຮອບ 61 ປີ (1 ກຸມພາ 1956-1 ກຸມພາ 2017) ຂຶ້ນໃນວັນທີ 6 ກຸມພາ 2017 ຢູ່ ຫ້ອງ ປະຊຸມ ກວຕ ໂດຍການໃຫ້ກຽດປາຖະກະຖາຂອງ ທ່ານ ປ້ານ ນ້ອຍມະນີ, ກຳມະການສູນກາງພັກ, ປະທານ ສູນກາງສະຫະພັນກໍາມະບານລາວ.

ເຂົ້້າຮ່ວມພິທີດັ່ງກ່າວ ມີ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີ ກວຕ, ບັນດາ ທ່ານ ຮອງລັດຖະມົນຕີ, ຫົວໜ້າກົມ, ຮອງກົມ, ຫ້ອງການ, ສະຖາບັນ, ອົງການຈັດຕັ້ງມະຫາຊົນ ແລະ ພະນັກງານ ພາຍໃນ ກວຕ.

ໂອກາດນີ້, ທ່ານ ປ້ານ ນ້ອຍມະນີ ໄດ້ມີຄຳເຫັນຕໍ່ໍກອງປະຊຸມ ແລະ ເຜີຍແຜ່ເອກະສານເລົ່່າຄືນເຖິງ ມູນເຊື້ອວັນສ້າງຕັ້ງກຳມະບານລາວ ຊຶ່ງທ່ານ ໄດ້ຍົກໃຫ້ເຫັນເຖິງມູນເຊື້ອແຫ່ງການເຕີບໃຫຍ່ຂະຫຍາຍຕົວ ຂອງ ສະຫະພັນກຳມະບານລາວຕະຫຼອດໄລຍະ 61 ປີຜ່ານມາ ແລະ ເປັນການປຸກລະດົມສະມາຊິກກຳມະບານໃຫ້ມີນ້ຳໃຈຮັກຊາດ, ຮັກຄວາມສາມັກຄີ, ມີຄວາມເຊື່ອໝັ້ນ ຕໍ່ການນຳພາຂອງພັກ, ມີສະຕິເປັນເຈົ້າຕົນເອງ, ອົດທົນຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍນາໆປະການ, ປະກອບສ່ວນຢ່າງຕັ້ງໜ້າເຂົ້າໃນພາລະກິດ ປົກປັກ ຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນກ້າວໜ້າຢ່າງບໍ່ຢຸດຢັ້ງ ດັ່ງຄຳຂວັນສະຫະພັນກຳມະບານລາວທີ່ວ່າ “2 ດີ 5 ເປັນເຈົ້າ”.

ທ່ານຍັງໄດເນັ້ນຕື່ມອີກວ່າ: ສະຫະພັນກຳມະບານລາວ ເປັນອົງການຕາງໜ້າໃຫ້ແກ່ຊົນຊັ້ນກຳມະກອນ ແລະ ຊາວຜູ້ອອກແຮງງານລາວ ຊຶ່ງໄດ້ຕັ້ງໜ້າປະ ກອບສ່ວນເຂົ້້າໃນພາລະກິດປົກປັນຮັກສາ ແລະ ສ້າງສາພັດທະນາປະເທດຊາດ ໂດຍສະເພາະແມ່ນໄລຍະປ່ຽນແປງໃໝ່ຮອບດ້ານຢ່າງມີຫຼັກການຂອງພັກເຮົາ; ສະຫະ ພັນກຳມະບານ ໄດ້ເອົາໃຈໃສ່ຢ່າງຕັ້ງໜ້າໃນການສຶກສາອົບຮົມການເມືອງແນວຄິດໃຫ້ແກ່ສະມາຊິກກຳມະບານ, ກຳມະກອນ ແລະ ຜູ້ອອກແຮງງານລາວບັນດາເຜົ່າທຸກໆ ຊັ້ນຄົນໃນສັງຄົມໃຫ້ກຳໄດ້ແນວທາງນະໂຍບາຍຂອງພັກ ລະບຽບກົດໝາຍຂອງລັດ ເພື່ອນຳໄປຜັນຂະຫຍາຍເຂົ້າໃນການປະຕິບັດໜ້າທີ່ ວຽກງານທີ່ຕົນຮັບຜິດຊອບໃຫ້ ມີຜົນສຳເລັດໃນທຸກດ້ານ.

ໂອກາດດຽວກັນນີ້, ຜູ້ເຂົ້າຮ່ວມ ຍັງໄດ້ຮັບຟັງການສະຫຼຸບການເຄື່ອນໄຫວວຽກງານປະຈຳປີ 2016 ແລະ ແຜນການເຄື່ອນໄຫວວຽກງານປະຈຳປີ 2017 ຂອງສະຫະພັນກຳມະບານ ກວຕ.

ຮູບພາບ ແລະ ຂ່າວ: ພິພາວັນ ໄຊສົງຄາມ

altaltaltaltalt